InfoHub Logo

Jaqyn arada stýdentterdiń qysqy demalystan keıingi oqý maýsymy bastalady. Jańa zańnamaǵa sáıkes, osy sanattaǵy azamattar da ýaqytsha tirkeýge turýy qajet.

Astana qalasynyń Esil aýdandyq xalyqqa qyzmet kórsetý ortalyǵynda kóshi-qon salasynyń mamany Gýlmıra Ábiltaevanyń aıtýynsha, stýdentter ózderi oqıtyn joǵary oqý orny boıynsha ýaqytsha tirkeýge alynady. Ol úshin ýnıversıtet, ıa bolmasa, ınstıtýttyń ótinish xaty jáne stýdenttiń jeke qujattary qajet. Ýaqytsha tirkeýdiń quny - 227 teńge. 

"Endi, stýdentterdiń bári bir-birlep kelse, myna jerdiń ne bolyp ketetin elestete berińizder. Sondyqtan búginde joǵary oqý ornynyń atynan beriletin ótinish xatqa barlyq stýdentterdiń aty-jónin engizip, bir jaýapty adamnyń ýnıversıtet shákirtterin tirkeýge qoıǵany durys. Olaı istep jatqandar bar. Degenmen, myńdaǵan stýdentti bir ýaqytta tirkeýge qoıý qıyn ǵoı. Sondyqtan ýnıversıtet ókilderi bárin toptastyryp, 300 adamnan ákelse de bolady", - deıdi G.Ábiltaeva.

Aıta keteıik, jańa zańnamaǵa sáıkes, bir qaladan ekinshi qalaǵa baryp, joǵary oqý ornynda oqıtyn, ıa bolmasa, jumys isteıtin Qazaqstan azamattary júrgen jeri boıynsha ýaqytsha tirkeýge turýǵa mindetti. Bir aıǵa deıin jeńildik bar. Al odan asyp ketse, aıyppul salynady.

Derekkóz: QazAqparat

---