InfoHub Logo

Mańǵystaý oblysy,
Jańaózen qalasy, №18 orta mektebiniń
bastaýysh synyp muǵalimi Ilásova A. I.

Dúnıetaný 2 - synyp
Sabaq taqyryby: Sý. Sýdyń qasıeti
Sabaq maqsaty:
Bilimdilik: Oqýshylarǵa sý tirshiliktiń kózi ekenin uǵyndyrý. Ár túrli tájirıbeler jasaý arqyly sýdyń qasıetterin anyqtaý. Sý týraly maqal - mátelder men tyıym sózder úıretý. Sý týraly maǵlumattar berý.
Damytýshylyq: Oqýshylardyń sý týraly bilimderin keńeıtý. Pánge degen qyzyǵýshylyǵyn arttyrý, oı - órisin damytý, shyǵarmashylyqqa baýlý.
Tárbıelik: Sýdyń adam ómirindegi mańyzdylyǵyn eskertý, sýdy qorǵaýǵa únemdeýge úıretý.
Sabaq túri: jańa uǵym berý, tájirıbe.
Sabaqtyń ádisi: Suraq – jaýap, túsindirý. Sabaq kórnekiligi: sý, sút, slaıd, tájirıbege qajetti quraldar

Sabaq barysy: İ Uıymdastyrý kezeńi
Psıhologıalyq daıyndyq.
Qaıyrly kún dostym
Qaıyrly kún bolsyn:
Juma kúngi sabaq
Sáttilikke tolsyn.
Búgin seniń alar baǵań
Tek qana bestik bolsyn.
- Balalar qazir qandaı sabaq?
- Dúnıetaný sabaǵynda biz sendermen neni úırenemiz?(Aınala qorshaǵan tabıǵat, sý, jan - janýarlar týraly bilim alamyz.)
- Tabıǵat týraly ne bilemiz? (Tabıǵat óli jáne tiri bolyp ekige bólinedi.)
- Balalar adamǵa ómir súrý úshin ne qajet?
(Aýa, sý, azyq, kıim, baspana qajet)
- Olaı bolsa adam bul qajettilikterdi qaıdan alady?
(Tabıǵattan alady.)
Olaı bolsa úı tapsyrmasyna ne berildi.
Oqýshylardan úı tapsyrmasyn suraý.
- Aýanyń mańyzy.

İİ Úı tapsyrmasyn bekitý. Oıyn
1. Jerdiń aınalasyn aýa qabaty qorshap tur.
2. Adam aýasyz birneshe mınýt qana ómir súredi.
3. Aýanyń qasıetteri: tússiz, móldir, ıissiz.
4. Ósimdik aýadan kómirqyshqyl gazyn sińire otyryp, ottegin shyǵarady.
5. Zaýyttar, fabrıkalar, kólikter aýany lastaıdy

Oqýshylar aıtyńdarshy tirshilik úshin aýadan basqa bizge ne qajet (sý)

İİİ Jańa sabaq
Qatty qapyryq ystyqta shóldegen adamǵa ne kerek.(sý)
- Sýsyz adam bir kúnge shydaıdy. Olaı bolsa búgingi ótetin sabaǵymyz sý týraly bolmaq.
- Ol úshin «Sý. Sýdyń qasıeti» taqyrybyn oqıyq.
Mátinmen jumys:
Oqýshylardyń ózderine ár toptan kelip kómektesýlerin suraı otyryp túsindirý. (Oqýshylarǵa oqytý.)

1 - tájirıbe.
Sýdyń túsi qandaı? Shyny ydysqa sút, ekinshi shynyǵa sý quı. Ekeýin salystyr. Sút – aq, al sý - tússiz.
Taza sýdan az mólsherde alsań, tússiz. Al ózen, kól sýlarynyń túsi ár túrli bolady. Túsinik berý
2 - tájirıbe
Sýdyń móldirligi qandaı? Sý – móldir. Ony anyqtap kóreıik. Eki stakannyń bireýine sút, bireýine sý quı. Olardyń ishine qasyq sal. Qaısy qasyq anyq kórindi. Nege? Bul tájirıbede sýdyń qandaı qasıeti baryn baıqadyń. Sýdy ıiskep jáne iship kór.
Budan shyǵatyn qorytyndy; sý tússiz, móldir ıissiz, dámsiz.
3 - tájirıbe
Sýdyń pishini bola ma? Sen birneshe ydysqa: kesege shyny ydysqa, stakanǵa sý quı. Osy ydystaǵy sý pishinine qara. Sý qandaı pishinge ıe boldy? Ár bir quıylǵan ydystyń ózindeı emes pe? Olaı bolsa sýda turaqty pishin bolmaıdy. Ol kez kelgen ydystyń pishinin alady eken.
(Sabaqty túsindire kele Sýdyń úsh kúıine toqtalý) Oqýshylarǵa tizbekteı oqytý.

Sýdyń úsh kúıi
↓
Suıyq, bý, muz

Sergitý sáti:
Dáptermen jumys; Kún jadysyn, jańa taqyrypty jazý.
Oı tolǵanys: Jumbaqty sheshý
Tili byldyr, úni syldyr (Jańbyr)

Múlgip turǵan baq tynysh,
Oranypty aq kúmis. (Qar)

Aıaz qysyp,
Órnek syzyp,
Terezeni torlaıdy.
Qarǵa ombyǵyp. (Qyraý )

Bet dombyǵyp,
Syrǵanap jastar oınaıdy. (Muz)

Shyǵarmashylyq jumys.
İ - top. Qazaqstan kólderi men ózenderin jazý.
2 - top. Sý naqyl sózder jazý.
3 - top. Sý týraly qandaı tyıym sózder bilesińder?
Sýǵa túkirme.
Beti ashyq qalǵan sýdy ishpe.
Túnde sýǵa barma.
Sýdy ysyrap qylma.
Qolyńdy jýǵan soń silkime.

V Sabaqty qorytyndylaý.
Áýede jańbyr jaýmasa,
Dalada egin bolmasa
Aryqtar sýǵa tolmasa,
Úıimizde shaı qaınap
Máre - sáre bolmasa
Kúnimiz ne bolar edi?
- Óleńnen qandaı qorytyndy jasaýǵa bolar edi. (Sýsyz tirshilik joq.)
Sonymen balalar sý - tirshilik kózi eken. Sýdyń qory búkil álem boıynsha azaıyp bara jatyr eken. Sondyqtan únemdep jumsaý qajet ekenin eskerelik.
Keri baılanys; Sabaq sizge unady ma?
Ne bildik?
Ne bilgim keledi?
(toptastyrý)

Úı tapsyrmasy; Sý. Sýdyń qasıetin oqý mazmunyn aıtý.
Balalardy baǵalaý.