InfoHub Logo

Bul áıgili fılmdi kórgenińizge kóp boldy ma? Kórgen bolsańyz, taǵy bir qaıtalap kórińiz deıdi kásipker Pol Hennam. Mıllıoner qalpynan bankrotqa ushyraǵan kezde onyń aıaqtan qaıta turyp, ómir qundylyqtaryna jańa kózqaraspen qaraýyna dál osy «Sýyr kúni» kómektesken eken.  

^{Pol Hennam áıeli Lorreınmen birge.}

48 jasynda Pol Hennamǵa jumys isteýdiń keregi de bolmady. Brıtan kásipkeri ýaqytynyń kóbin óziniń Santa-Fedegi jaıly jeke jaıyndaǵy tenıs kortynda nemese Tynyq muhıtynyń serfıng jaǵalaýyndaǵy Ensınıtas qalasynda úlken úıinde ótkizetin. Biraq eńbekqor Hennam qol qýsyryp qarap otyrǵandy unatpaıtyn. Bılik pen baılyq onyń ómiriniń máni bolatyn.

Onyń Ulybrıtanıadaǵy keńes berý bıznesiniń jyldyq aınalymy 29 mıllıon fýnt bolatyn. 2006-jyly Hennam budan da úlken paıdaǵa kenelmek bolyp, otbasymen birge AQSH-qa kóship keldi. Osy ýaqytqa deıin ol ekologıaǵa qatysty eki staraptyń tizginin ustap júrgen edi.

2008-jylǵy daǵdarys Hennamdy da aınalyp ótpedi. Onyń aktıvteriniń quny  40%-ǵa tómendep ketti. Salymshylar onyń jobasyna qyzyǵýshylyq tanyta qoımady. Jyldar boıy kóńil aýdarmaǵan otbasynyń da oırany shyqty.

2009-jyly Hennam bankrotqa ushyrap, kúızelis ústinde júrdi. Eski jaranyń ornyn emdeý úshin ol Brıtanıaǵa qaıta oraldy. Bulaı júre berýge bolmaıtyn edi.

«Men ómirimniń óz dárejeme, yqpalyma laıyq bolǵanyn qalap edim. Biraq bul maǵan baqyt ákelmedi,  – deıdi Hennam. – Birnárseni ózgertýim kerek boldy.»

Eger ómirińizge ózgeris kelmese, onda ózińiz ózgere alasyz. Bul sizdi baqytty ómirge qaıtyp ákeledi.

Segiz jyl ótkennen keıin ol burynǵydan da baqytty, salaýatty ómir saltyn ustanǵan baqýatty adamǵa aınaldy.

Onyń qazir jańa kásibi bar – «emosıalyq ıntellekt» trenıńi. Batys Sýssekste eski qoımadan jasalǵan uıadaı jaıly úıinde turyp jatyr. Ekinshi áıeli Lorreındi «jaqyn týysym» dep ataıdy.

Osyndaı ózgeristiń sebebi ne boldy eken?

Pol úshin betburys kezeńi jalǵyz qalǵan senbiniń bir keshinde Amerıkanyń «Sýyr kúni» degen klasıkalyq komedıasyn kórgen kezden bastaldy. Árıne, ol bul fılmdi buryn da, 1993-jyly alǵash shyqqan kezin-aq kórgen bolatyn. Tipti, kınoteatrda qalaı kúlgeni de esinde. Biraq, ómirine úlken ózgeris engen kezde ol bul fılmniń tereń maǵynasyn túsindi.  «Bul fılmniń kınematografıadaǵy eń jarqyn rýhanı tájirıbeniń biri bolyp eseptelýi beker emes, – dep túsindiredi Hennam. – Men muny jeke ózgeristiń, ómirdiń máni úshin kúresý ádisiniń jáne ózińdi alǵa súıreýdiń úlgisi retinde qabyldadym».

^{«Sýyr kúni» bas keıipkeri úshin únemi bir kún – 2-aqpan - qaıta-qaıta qaıtalana beredi.}

«Sýyr kúnin» kórmegender úshin – bul Fıl Konnors (ony Bıll Múrreı oınaıdy) esimdi mazasyz, arsyz sınoptık, shaǵyn arnanyń qyzmetkeri týraly oqıǵa. Ol kishkentaı qalashyqqa kelip, jyl saıyn aýa-raıyn «boljaıtyn» sýyrlar týraly sújet túsirýi kerek bolatyn. Biraq, nege ekeni belgisiz Fıl úshin únemi bir kún – 2-aqpan - qaıta-qaıta qaıtalana beredi. Aqyry ol jaǵdaı ózgermese, demek ózi ózgerý kerek ekenin túsinedi. Al onyń sońy úlken sáttilikpen aıaqtalady.

Hennem ózin týra Fıl Konnors sıaqty maǵynasyz ómirdiń qaqpanynda júrgenin sezingenin moıyndaıdy. Jáne dál sol sıaqty ómir boıy basshylyqqa alyp kelgen, adamdy qurdymǵa ketiretin jattandy ádetterden arylady.

Onyń « «Sýyr kúnniń» danalyǵy» kitabynda paıdakúnem kásipkerden álemmen jáne ózimen úılesim tapqan adamǵa qalaı aınalǵany týraly jazylǵan. Eger biz kún saıyn az-azdap jaqsy jaqqa ózgerip otyrsaq, onda óz oıymyzdy, ádetterimizdi jáne qarym-qatynasymyzdy jaqsarta alamyz. «Maǵan burynǵy ómirim keremet kórinetin, – deıdi Hennam. – Biraq jan dúnıem bos bolatyn, ózimdi qumnan jasalǵandaı sezinetinmin. Men tek bos qıalmen ómir súrdim. Keıin ol qumdy tolqyn shaıyp ketti.»

Bul ádis kúndelikti ómirden alystap ketpesten, ózińdi-óziń tanýǵa; aınaladaǵy shyndyqty belsendirek tanýǵa uqsas nárse. Hennam úshin medıtasıa jasap, óz ortasyndaǵy oqıǵalardan jyraqtap qalý qıyn boldy. Ol aınalsynda bolyp jatqan oqıǵalardy durys túsinip, jaman ádetterden arylýǵa tyrysty. 

Men ózimdi qaqpanda qalǵandaı sezindim. Budan shyǵar jalǵyz jol – úıimdi aýystyryp, jańa kásip bastaý kerek dep oıladym. Biraq men tek burynǵy qıyndyqtarymdy jańa senrııge aýystyrǵan ekenmin.  

Zertteýlerge súıensek, 90% oı men 40% áreket kúndelikti qaıtalanyp otyrady eken. Bul oısyz ádetterdiń saldary. Biz olardan múldem aryla almaımyz. Biraq, jańa, neǵurlym tıimdi kúndelikti ádetterdi qalyptastyra alamyz.

Ómirge degen narazylyǵyn Hennam óz balalyǵynan kóredi. Ol Sýrreıada ósken. Óktem áke men mazasyz anasynyń jalǵyz uldary bolyp, olardyń kóńilderinen shyǵýǵa tyrysty. Redıng Ýnıversıtetindegi tarıh jáne halyqaralyq saıasat bólimin aıaqtaǵan soń, kompúterlik serpilispen aqsha tappaq bolyp Oksfordtaǵy magıstratýradan bas tartty. Biraq, bilim jolyndaǵy mansabynan bas tartqanyna ókinedi. 2001-jyly tabysty kásipker retinde ol Oksfordta kásipkerlik qyzmet negizderi boıynsha sabaq bere bastady.

Biraq, oǵan báribir birnárse jetpeı turǵandaı boldy. Sol úshin ol Kalıfornıaǵa kóship bardy. Hennamnyń otbasy 11-ret meken aýystyrǵan edi. «Men ózimdi qaqpanda qalǵandaı sezindim. Budan shyǵar jalǵyz jol – úıimdi aýystyryp, jańa kásip bastaý kerek dep oıladym. Biraq men tek burynǵy qıyndyqtarymdy jańa senrııge aýystyrǵan ekenmin.»  

Hennam ótken ómirine kóz sala bermeı, bolashaǵyn kóbirek oılaı bastaǵan sátten bastap ómir qyzyqqa toly bolyp kórine bastady. 56 jasynda ol kún saıyn jaqsy ádetterdi qaıtalap otyrdy. Mysaly, aınaladaǵy jandarǵa nazar aýdarýǵa tyrysady, tańǵy kofeniń dámin seziný úshin ádemi áýenge qulaq túredi.

«Kalıfornıaǵa kóship kelgende Anglıanyń qolaısyz aýa-raıynan qashqandaı bolyp edim. biraq qazir jańbyr astynda serýendeýdiń de óz keremeti bar ekenin túsindim,  – deıdi Hennam.  – Men tipti ydys jýǵysh mashınanyń qaqpaǵyn ashqan kezdegi býdyń betimdi sharpyǵanyna lázzat alamyn.»

Ol kúnine eki ret úıiniń janyndaǵy aýylǵa baryp, serýendep keledi. Júretin jol ózgermeıdi, biraq dybystar men sulý tabıǵat árkúni ártúrli. «Bul meniń birneshe isti birmezette istep tastaýǵa degen qulshynysymdy basady, alasapyran oıymdy tynyshtandyrady».

Hennem áli de yntaly, onyń kásipke degen qushtarlyǵy basylǵan emes. Qazir ol olımpıada sprotshylarymen birge tulǵalyq ósýge arnalǵan smartfonǵa laıyq qosymshylar jasaý ústinde. Biraq onyń qaǵıdasy ózgerdi: «Men tek óz basyńnyń paıdasyn oılaý tyǵyryqqa tireıtinin túsindim.»

Syrtta súıekten ótetin sýyq bola ma, meıli, biz syrtqy jaǵdaıǵa qaramastan kúnimizdi ózimiz-aq keremet ete alamyz.

Ol úshin eń bastysy – otbasy. Ol demensıamen aýyratyn 92-jasar qart anasy men balalarynyń baqytyn birinshi orynǵa qoıady. Onyń bes balasy bar, ekeýi týǵan balalary bolsa, úsheýin asyrap alǵan. Eń kishisi Sofıa 15 jasta. Hennem olardy barynsha erkin ustaýǵa tyrysady. Jáne mundaı qadamnyń jaqsy jaǵyna kózi jetkizip te júr.  

Jáne jaqsy otaǵasyna aınaldy. Eger birinshi áıelimen qarym-qatynasyn túzeý úshin eshnárse istemese, Lorreınmen ashyq, adal qarym-qatynas jasaıdy. Mundaı neke berik bolady. Óıtkeni aralarynda mahabbat ta, ózara qoldaý da kóp dep esepteıdi Hennam. Al sýyr kúni Hennamnyń týystary men dostary keshki asqa jınalyp, súıikti fılmderin taǵy da tamashalaıdy. «Bul oqıǵa bizge ómirden bárin qalaı alý keregin kórsetedi,  – dep jazady ol óz kitabynda. – Syrtta súıekten ótetin sýyq bola ma, meıli, biz syrtqy jaǵdaıǵa qaramastan kúnimizdi ózimiz-aq keremet ete alamyz».

Siz de «Sýyr kúninde» bógelip qaldyńyz ba? Onda ózgeris jasaıtyn ýaqyttyń kelgenin bildiretin alty belgi:

1. Siz ózińizdi qaqpanda qalǵandaı sezinesiz, óıtkeni ómir toqtap qaldy, alǵa jyljıtyn túri joq.

2. Únemi dejavú jaǵdaıynda júrgendeısiz.

3. Ótkenińizdi oılasańyz, tek kóńilsiz jaǵdaılar eske túsedi.

4. Avtopılotta júrgendeı sezinesiz.

5. Ómirdiń máni joq sıaqty. Biraq ony ózgertýge dármensizsiz.

6. Mazasyz, kóńilsiz kúıge tústińiz. Ómir ótip jatyr, al siz bar qyzyqtan qur qalǵandaı sezinesiz. Biraq, qolǵa alǵan jańa bastamanyń bári kóńil-kúıińizdi odan ári túsirip jiberedi.

Derekkóz: Telegraph.

---