InfoHub Logo

Balanyń súndetke otyrýy — onyń azamattyqqa aparar jolǵa qadam basýymen teń. Súndet — páktiktiń, tazalyqtyń, musylmandyqtyń belgisi. Súndetke otyrǵan balanyń naǵashylary oǵan naǵyz azamat boldyń ǵoı dep taı mingizetin bolǵan, ata-apalary túrli  bazarlyǵyn syıǵa tartqan.

Toı tóresi — súndet toı: ata-anaǵa mindet qoı! Úlken mindet atqaryp, ata-anasy shattanyp, aramyzda kúlimdep, bastaryna baq daryp, bar kóńilin aqtaryp otyrǵan bir jaıy bar — mańdaıynda aıy bar: jarqyraǵan balasy — bolashaǵy, panasy! Bir qýandy ákesi, bir qýandy anasy — atqa  qonǵan balasy, aıǵa qonǵan sanasy! Qutty bolsyn qýanysh, óssin eldiń danasy!

*** *** *** ***

Súndet toıy balanyń qutty bolsyn! Tezirek er jetip, ımandylyqty boıyna sińirip, ósken eliniń aıtýly azamaty bola bersin!

*** *** *** ***

Jasyńdy sanap qarasam — bıylǵy jyl bestesiń,
Zeınet tepti parymdap tepkishektiń kestesin.
Úkileýlik er besti taqymyńnan ketpesin,
Qalaýly eldiń uly bol, ataq-dańqyń óshpesin.
Tógilgen jorǵa mingeniń, jibek, maqpal kıgeniń,
Oqalaýly úzbesi jarqyraǵan túımeńniń.
Ómirli bol, qaraǵym, taýdaı bolsyn talabyń!
Qar ústinde ot jonar — qalaýshy tapsa qalaýyn,
Baqyt qonsyn basyńa, aýlaq bolsyn ajalyń.
Bedeldi bolyp elińe, ótimdi bolsyn bazaryń,
Órge júzsin óneriń, synbasyn saǵyń, ajaryń!

*** *** *** ***

Talmaıtyn talabyń mol bolsyn,
Samǵaıtyn qanatyń sol bolsyn!
Yrys-yntymaq, baıandy baqyt bersin,
Uzaq ǵumyr, turlaýly ýaqyt bersin!

*** *** *** ***

Úkili at astyńnan ómir-baqı ketpesin!
Qasekeniń  qarǵysy saǵan múlde jetpesin!
Eldiń eren uly bol — ataq-dańqyń óshpesin!

*** *** *** ***

Óz qurbyńnyń aldy bol, qora toly maldy bol!
Jaýyńa des bermeıtin, arystandaı jaldy bol!
Óse bersin órkeniń, sharlaı bergin jer shegin.
Jaspen birge baq bersin, táńir ıip naq bersin!
Qaıyryńdy el kórip, jomart degen at bersin!
Sen tańdaǵan kelinim úıge yrys ap kelsin!

*** *** *** ***

Musylmandyq —bul mindet, qutty bolsyn bul mindet.
Ómir joly —uzaq jol, uzaq jolda talmaǵyn,
Eńbek, óner, ǵylymda qataryńnan qalmaǵyn.
Bıik bolsyn talmaǵyn,
Halqyń syılar adam bol —oryndalsyn armanyń!

*** *** *** ***

Naǵashydan bir tilek

Qataryńnyń aldy bol,
Baqytty bol, maldy bol.
Baqytyńa mastanyp,
Bola kórme qandy qol.
 
Jas berse, birge baq bersin,
Jarylqap táýir naq bersin.
Qaıyryńdy el kórip,
Jomart degen at bersin.
 
Joldaryńdy ońdasyn,
Qydyr bolsyn joldasyń.
Qyryq shilten, Ǵaıyp-eren
Qorǵashtap seni qoldasyn.
 
Aǵaıynnyń aq tilegi
Musylman boldyń qaraǵym,
Káne bermen qaraǵyn.
Shyraǵyn jaǵar ulysyń
Ata menen ananyń.
 
Taýdaı bolyp talabyń,
Altyn menen kúmisten
Jasalsyn barlyq jaraǵyń.
 
Kórimdigiń minekı,
Bar ma taǵy qalaryń?
Qoı surasań — qoı berem,
Taı surasań — taı berem.
Zat surasań — zat berem,
At surasań — at berem.
Batyrlyǵyń baıqalsa,
Saýyt berem Aqbergen.
Muratyńa jete ber,
Kúnnnen-kúnge óse ber.
Uzaq bolyp ómiriń,
Ómirińniń túıinin
Óz qolyńmen sheshe ber.

*** *** *** ***

Musylmandyq — bul mindet,
Qutty bolsyn bul  súndet.
Ómir joly — uzaq jol,
Uzaq jolda talmaǵyn.
Eńbek, óner, ǵylymda,
Qataryńnan qalmaǵyn,
Bıik bolsyn talǵamyń.
Halqyń syılar adam bol,
Oryndalsyn armanyń.
Musylmandyq — uly mindet,
Qutty bolsyn bul súndet!

Balanyń súndet toıy qutty bolsyn, tezirek er jetip, ımandylyqty boıyna sińirip ósken eliniń aıtýly azamaty bolsyn!

*** *** *** ***

Qurmetti aǵaıyndar, qadirli .............!
Sizderdi búgingi uly toılaryńyzben shyn kóńilimizben quttyqtaımyz. Muhammet paıǵambardyń hadısinde musylman úshin eń uly toı — súndet toıy degen eken. Munyń mánisi sirá, balǵyn jas bala ata-baba jolyna tústi, musylmandyq rýhyn saqtaıdy, dástúrge adal bolady degen nıette jatsa kerek. Sondyqtan búgingi uly toılaryńyz qutty bolsyn.

Bir kezde musylmandyqtyń qaımaǵy buzylmaı turǵan kezde balany jastan demekshi, súndetke otyrǵyzýǵa sondaı zor mán berilgen. Búgin sizder ata-analyq boryshtaryńyzdy ótep qana otyrǵan joqsyzdar, balaqaıdyń keleshegin nusqap ta otyrsyzdar. Balamyz ósken kezde bilimdi azamat bolsyn, rýhy qazaqsha, dili musylmansha bolsyn, halqyn súıgen azamat bolsyn degen tilekterińizdi jurt aldynda pash etip, toı jasap otyrsyzdar. Osynaý izgi tilekterińiz qabyl bolsyn, murattaryńyzǵa jetińizder. Balamyz jeti jurttyń qamyn oılaǵan azamat, atanyń ǵana uly emes, eldiń, halyqtyń perzenti bolsyn. 

*** *** *** ***

Bala, bala-bal ǵumyr,
Qýanyshty máńgi jyr.
Otyrypty súndetke,
Jigittiktiń aldy bul.

Dástúrimiz bel aldy,
Eldiń isi ońalady.
Ótelipti paryzy,
Jasalypty joralǵy.

Qutty bolsyn súndeti,
Ol-Muhamet úmbeti.
Oryndaldy oıdaǵy,
Ata-ananyń mindeti.

Musylmandyq-ımanyń,
Ekendigin bil, janym.
Toı jasapty aǵaıyn,
Shashyp barlyq jıǵanyn.

Ómirdiń bir belesi,
Musylmandyq jóni osy.
Qýanyp júr ákesi
Kókke jetip tóbesi.
Aman-esen jeteıik,
Toılaryna kelesi.

*** *** *** ***