InfoHub Logo

Taýdaı bolsyn arqalaǵan talabyń,
Sezin ómir qupıasyn, ǵajabyn!
Aınurdaıyn perishtege tilek sol —
Qutty bolsyn, mektep attar qadamyń!

*** *** *** ***

Shattyqqa toly bolsyn keler kúnder,
Nury ǵoı kózimizdiń kógershinder.
Aman qyl qurtaqandaı qulyndardy,
Arýaqtar, jelep-jebep júresińder?!
 
Adamdar artqan eken urpaqqa úmit,
Solardyń arqasy ǵoı, tursaq kúlip.
Eńbektep,
Táı-táı basyp,
Mektep baryp,
Suńqardaı
Shyńǵa qonar shyrqap shyǵyp.
 
Jelkildep jigit boldy taıǵa miner,
Kúı bolyp shalqy kóńil, qaına jiger.
Aldynan araılanyp baqyt tańy,
Azamat bolsyn aýzyn aıǵa biler.
 
Kórgender baqytty ǵoı nemeresin!
Kógerseń nemereńnen kógeresiń...
Erteń-aq maqtanyshqa aınalady,
At ertteıtin Azamat degen esim.
 
Urpaqpen ulasady murat arman,
Báıterek boı kóterer quba taldan.
Toılańdar,
Qýanyńdar, aǵaıyndar,
Shalqyp qaıt, shattyq toıy -
Tilashardan!

*** *** *** ***

Tilashar toıynda balalar aıtatyn taqpaqtar

Mektepke alǵash barǵanda
Uatazdardy maqtaımyn,
Senimderin aqtaımyn.
Bizdikindeı mektepti
Álem sharlap tappaımyn.
 
Sálem berip óteıin,
Bıikterge jeteıin.
Aldyńyzda ózimdi
Tanystyryp keteıin.

*** *** *** ***

Mektep, meniń mektebim,
Aqylsyzdan shettedim.
Bilimdimen dos bolyp,
Senen attap ótpedim.
 
Qarý-jaraq — sabaǵym,
Qalam-paraq — sadaǵym.
Jalqaý menen nadandy
Bilimmenen qadadym.

*** *** *** ***

Taqpaǵymdy jattaımyn,
Sabaǵymdy baptaımyn.
Bizdikindeı mektepti
Eshbir jerden tappaımyn.
 
Tań qaldyryp álemdi,
Aıtaıyn men óleńdi.
Qabyl alǵyn, jamaǵat,
Qyzyń bergen sálemdi.
 
Kún kózimen talasqan,
Aı men kúnge jol ashqan.
Qazaq qyzy men bolam,
Bilimmenen sanasqan.

*** *** *** ***

Esin dopqa jeńdirgen,
Bala emespin sen bilgen.
Altyǵa kep, alyp bop,
Birinshige keldim men.
 
Erkelik joq keshegi,
Oqýshymyn kósheli.
Bilim alyp boıymmen
Oıym da endi ósedi.
 
Saltanaty bek kerim,
Mine, synyp-mektebim.
Ustazdarym aıaly,
Dostarym da kóp meniń.
 
Men oqýshy balamyn —
Oqyp, bilim alamyn.
Mektep-uıam, ózińe
Arnalady bal ánim.