InfoHub Logo

Jasaǵan taǵamymyz jaqyndarymyzdyń kóńilinen shyǵýy úshin qıyn resepterdi izdep, tamaq jasaýǵa kóp ýaqytymyzdy ketiremiz. Al negizinde qarapaıym taǵamdardyń dámin keltirý úshin kóp nárse qajet emes eken. Eger siz as úıde eksperıment jasaǵandy jaqsy kóretin bolsańyz, onda sheber-aspaz bolýǵa jaqyndatatyn qýlyqtardy usynamyz.

Et qara órikpen tamasha úılesedi

Etti buqtyryp jatqanda kepken jemisti salatyn bolsa, keremet dámdi bolady.

 

Gúlsheten, sálben, oregano, maıoran, jebirshópti tamaqty qýyryp bastaǵanda qosqan durys

Sonda olar hosh ıisin barynsha bóledi. Al aqjelken, askók, kınza, jasyl pıaz, nasybaıgúl pen estragondy tamaqqa sońǵy bolyp qosyńyz. Áıtpese ol túsi men hosh ıisin joǵaltyp alady.

 

As bólmeńizde árdaıym soıa tuzdyǵy bolsyn

Et taǵamdaryna da, kókónis taǵamdaryna da birneshe tamshy tamyzý arqyly dámin keltirýge bolady.

 

Kókónisti sý qaınaǵan ýaqytta salyńyz

Osylaısha ol dáminen aırylmaıdy jáne dárýmenderi kóbirek saqtalady.

 

Qant et, teńiz ónimderi, kókóknisterdiń dámin keltiredi

Sondyqtan bir shókim qantty taǵamǵa tuzben birge qosqan jón.

 

Bıdaı unyn qaraqumyq, tary, suly jáne t.b. unnyń basqa da túrlerimen aralastyryńyz

Bul pechene men keksterdi dámdirek etip, paıdalylyǵyn arttyrady.

 

Etti daıyndaý úshin folga paıdalanyńyz

Sonda et jumsaq, balbyrap pisedi. Buǵan qosa ol buqtyrylǵan sıaqty dámge ıe bolady, biraq ıisi men maıy bolmaıdy.

 

Makaron ónimderi jabysyp qalmas úshin

Qaınaǵan sýdy tógip tastamas buryn oǵan sýyq sý quıyńyz da, betin jaýyp 5 mınýttaı ustaı turyńyz.

 

Eger shıki sosıskalarǵa

Qysha jaǵyp, ósimdik maıynda qýyrsa óte dámdi bolady.

 

1 as qasyq soda men 1 staqan sýdyń eritindisine pıaz saqınalaryn salyp qoıý arqyly pıazdyń ashshylyǵyn basýǵa bolady

Bul ádisti pıaz qosylǵan salat jasaǵanda paıdalansa bolady.

 

Grek jańǵaǵy men alma qosylǵan sábiz salatyna

Janjabildi úgip qossa óte dámdi bolady.

 

Vafelder tompaq bolyp piskenin qalasańyz

Quramyndaǵy sútti azaıtyp, onyń ornyna mıneraldy sý quıyńyz.

 

Etke tuzdy sońynda nemese daıyn bolǵanda salý kerek

Eger basynda salatyn bolsańyz, sóliniń bári tartylyp, et qurǵaq ári qatty bolady.

 

Syǵyndylardy paıdalanyńyz

Tańerteńgilik kashaǵa jańǵaq syǵyndysyn, jalbyz syǵyndylary shokolad desertterimen tamasha úılesedi.

 

Muzdatylǵan lımondar – eń jaqsy dámdeýish

Jýylǵan lımondy muzdatqyshqa salyp, kerek kezde qabyǵymen birge úkkishten ótkizińiz. Lımon qosylǵan taǵamdar ǵajaıyp dámge bólenedi.

---