InfoHub Logo

1. Siz ýaqytty qadirlemeısiz

Sátsizdikten qashyq adamdar óz ýaqytyn múlde qadirlemeıdi. Jetistiktiń shyńyn baǵyndyrǵan adamdar, ýaqyt – sizdiń eń basty qundy qoryńyz ekenin aıtady. Tabysqa jetken adamdar aqshadan buryn ýaqytty joǵary baǵalaıdy. Al siz? Twitter-di oqyp, Facebook- pen «VKontakte»-degi sýretterge lúpil basýmen áleksiz.

Degenmen siz jyl saıyn jospar qurasyz. Jyl saıyn «osy jyly men aıanbaı eńbek etemin, ómirime ózgerister engizemin» dep óz-ózińizge ýáde beresiz. Biraq baıaǵy jartas – sol jartas. Josparlaryńyzdyń iske asýy ekitalaı. Sebebi tapsyrmalardy oryndaýǵa qajetti ýaqytty bólmeısiz. Óz ýaqytyńyzdy basqaryp úırenińiz, qajetsiz nársege «joq» dep aıtýdy úırenińiz – bul tabysty bolýǵa jol bastaýdyń jaqsy qadamy bolady.

2. Maqsattaryńyzǵa saı keletin zattardy jasamaısyz

Qundylyqtaryńnyń ne ekenin bilgende sheshim jasaý qıyn emes. Roı Dısneı

Aýtsaıderler jumysbastylyqty ónimdilikpen shatastyrady. Ónimdilik jumysbastylyqqa tikeleı baılanysty dep qatelesedi. Sonydyqtan beıbaqtar kez kelgen iske bilek sybana kirisip ketedi. Barlyq is-sharaǵa qatysady. Nátıjesinde bar kúshin maqsaty men qundylyqtaryna jumsaýdyń ornyna, bolmaıtyn nárselerge jumsaıdy.

Maqsattaryńyzdy jazyńyz jáne oǵan jetýdiń strategıasyn quryńyz. Bul kúshińizdi naqty nege jumsaý kerektigin túsinýge múmkindik beredi.

3. Moıynyńyzǵa jaýapkershilikti almaısyz

Iá, bastyǵyńyz jaman adam, jumysyńyzdy da jekkórýińiz múmkin. Biraq bul isińizdi jartylaı jasaýǵa sebep emes. Sizge jumysta bolyp, jumysyńyzdy sapaly isteýińiz úshin jalaqy tóleıdi. Qandaı jaǵdaı bolmasyn minsizdikke umtylý kerek. Bul kemeldenýdiń, ósip ónýdiń jáne danalyqtyń belgisi. Beıbaqtardy jaman baǵa da qanaǵattandyrady. Jáne olar myqty bolýǵa tyryspaıdy da. Ómirdiń basty qaǵıdalarynyń biri: ne ekseń – sony orasyń.

4. Siz óz-ózińizdi shekteısiz

«Men sandardan jıi qatelesemin», «Til úırený maǵan óte qıyn», «Mıym baǵdarlamalýdy qabyldaı almaıdy», «Kásipkerlikpen aınalysýǵa minezim kelmeıdi, tym jumsaqpyn» — munyń bári sátsiz adamdardyń sózi. Olar óz-ózderin shekteıdi. «Bilimim jetpeıdi», «men ony oqymadym ǵoı» degenderdi umytyńyz. Eldiń bári sizden aqyldyraq deýdi doǵaryńyz. Erinbeı eńbek etip, barynsha tyrysyńyz. Sonda siz sátti bolasyz.

5. Ózińizdi aqtap alýdyń sheberisiz

Sátsiz adamadar ózideriniń sátsizdikterin logıkalyq joldarmen aqtaýǵa tyrysady. Birdeńeni istemeýge sebep jáne sylatýlardy izdep tabady. «Realıs bolý» degendi asyryp jiberedi. Onyń ornyna ony istep kórý kerek. Mıyńyz ózin aqtap alýǵa aıla izdeı bastaǵanda ony toqtatyp, áreket etýge yntalandyratyn mehanızdi oıatý kerek.

6. Siz adamdarmen qarym-qatynas jasaı almaısyz

Adamnyń minezi jaıly bilgińiz kelse, onyń ózine paıda ákelmeıtin adamdarmen qalaı sóılesetinine nazar aýdaryńyz. Iogann Góte

Beıbaqtardyń áleýmettik mashyqtyǵy joq. «Eń bolmaǵanda men shyndyqty aıtyp turmyn», «Minezimniń bary osy, qandaı bolsam, solaı qabylda» — mundaı sózderdi tek beıbaq adamdar aıtady. Joly bolmaǵan adamdar ózderin negizsiz tákappar ustaıdy. Mundaı adamdar kimge unasyn? Sol sebepti ondaı bolmańyz. Unatatyn adamyńmen sypaıy, jarqyn sóılese alasyz ǵoı, sol sıaqty sizge eshqandaı paıda ákelmeıtin adammen de emen-jarqyn bolyp kórińiz.

Adamnyń minezin tekserýdiń jaqsy tásili – kezekte turǵan kezindegi áreketin jáne qyzmet kórsetýshilerge jasaǵan mámilesin kórý. Adamdy tanýdyń taǵy bir tásili – siz onyń kıimin búldirip alǵan kezdegi onyń is-áreketin baıqaý.

7. Siz bárin keıinge qaldyrasyz

Beıbaqtar ýaqyttyń qundylyǵyn múldem túsinbeıdi. Olardy keshegi kúnmen ómir súrý qanaǵattandyrady. Beıbaqtar taǵy bir ómiri bar sıaqty ómir súredi. Biraq shyn máninde eshkim ýaqytty toqtatyp nemese keri qaıtarý múmkindigine ıe emes. Týylǵan kúnnen bastap ólimge qadam basyp kelemiz. Ár kún – bul syı. Eshteńeni erteńge qaldyrmańyz – erteńgi kún týmaýy da múmkin.

8. Siz áreket etpeısiz

Búgin istep tastańyz. Ózińizge ertesine rahmet aıtasyz. Les Braýn

Bul beıbaqtar úshin tym qarapaıym qaǵıda. Beıbaqtar oılanýǵa qumar, biraq áreket etýge emes. Áńgime aıtý, armandaý, jospar qurýdan sheber bolyp keledi. Biraq ókinishke oraı beıbaq adamdarǵa áreket etýge túrtki jetispeı turady. Armandaýdy doǵaryp iske kirisý kerek!

9. Siz qıyndyqtarmen kúrese almaısyz

Bir ańyz-áńgime bar eken. Baıaǵyda boıy qurttaı, námárt baqtashy ómir súripti. Bir kúni dáýge qarap: «Men seni jeńip, basyńdy shaýyp alamyn!» dep, dál solaı jasapty. Ómirińizdegi synaqty qanshalyqty qıyn dep elestetseńiz, ol sonshalyqty qıyn bolady. Beıbaqtar osyny túsinbeı, tez beriledi. Jaǵdaı kúrdelenip bara jatqanda olar berile salady.

Synaqtar bizdi maqsatymyzǵa jaqyndatyp qana qoımaı, armanymyzdaǵy adam bolýǵa septigin tıgizedi. Úreılerińizden qoryqpańyz, olarmen kúresińiz. Bul sizge jańa belesterdi ashady. Jaıly shekaradan shyǵý kerek. Kúshińizdi synaý úshin aıqasyp kórý kerek.

10. Siz enjarsyz

Sizdiń óz pikirińiz joq jáne siz sheshim qabyldaı almaısyz. Maǵynaly sózder aıtylyp jatqan áńgimeni órbite almaısyz, siz túsinbeıtin taqyrypta oıyńyzdy ashyq aıta almaısyz. Beıbaqtar jurtardy ózi sıaqty oılaýy tıis dep oılaıdy. Joly bolmaıtyn adamdar mektepten keıin kitap oqymaıdy, bilimin jetildirmeıdi. Barlyǵy ne istese sony jasap júredi, sebebi «jurttyń bári solaı jasap jatyr». Olar qýanysh pen ǵajaıyptarǵa toly ómirde de ishi pysyp júredi.

Aıtpaı keletin ólim – zaýyqsyzdyq. Birdeńege qyzyǵyp, sonymen aınalysyńyz. Tipti bul úshin sizge aqy tólemese de. Ázirshe. Darynyńyzdy, talantyńyzdy baıqap, solardy durys paıdalanýdyń amalyn tabyńyz.

---