InfoHub Logo

1. Balańyzdyń emtıhanda alatyn bal sanyna asa alańdamańyz, jáne emtıhannan keıin balaǵa syn taqpańyz. Balaǵa bal sany onyń múmkindikteriniń eń jetilgen ólshemi emes ekendigi týraly pikir uıalatýǵa tyrysyńyz.

2. Emtıhan aldynda balanyń alańdaýshylyǵyn kúsheıtpeńiz – bul testileý nátıjesine keri áser etýi múmkin. Ata-ananyń tolǵanysy únemi balaǵa beriledi, sondyqtan dál syn saǵatta ata-analar ózderiniń emosıalaryna erik bermeı, qolda ustasa, bala óziniń jas erekshelikterine baılanysty ózin ustaı almaı qalýy yqtımal.

3. Balany jigerlendirip otyryńyz, bir nárseni jaqsy istese ol úshin mindetti túrde maqtap otyryńyz.

4. Olardyń ózine degen senimin arttyrýǵa kómektesińiz, óıtkeni bala sátsizdikten qoryqqan saıyn, onyń qate jiberý qaýpi arta beredi.

5. Balanyń densaýlyǵyn baqylap júrińiz. Balanyń sharshaýyna baılanysty jaǵdaıynyń nasharlaǵandyǵyn ýaqtyly baıqap, ony boldyrmaý Sizden basqanyń qolynan kelmeıdi.

6. Balanyń daıyndalý rejimin baqylańyz, ózin asyra júktep jiberýine jol bermeńiz, daıyndyǵyn mindetti túrde demalyspen kezektestirý qajettigin túsindirińiz.

7. Úıde daıyndalýǵa arnalǵan jaıly oryn bólip berińiz. Úı ishindegiler oǵan kedergi jasamaýyna kóńil aýdaryńyz.

8. Balanyń ne jep júrgenine kóńil bólińiz: qarqyndy oı júktemeleri kezinde oǵan nárli jáne ártúrli tamaq, dárýmenderdiń balansqa keltirilgen kesheni qajet. Balyq, irimshik, jańǵaq, keptirilgen órik sıaqty taǵamdar mıdyń jumysyn kúsheıtedi.

9. Balaǵa daıyndyq taqyryptaryn kúnderge bólýge kómektesińiz.

10. Balany emtıhanǵa daıyndalý ádistemesimen tanystyryńyz. Barlyq materıaldy túgelimen jattaýdyń esh qajettigi joq, materıaldyń negizgi tustaryn sholyp, onyń máni men logıkasyn uǵyp alsa jetkilikti. Oqylyp jatqan materıaldardy jospar boıynsha retteı otyryp, syzbalyq kóshirmeler men kesteler jasap alǵan óte paıdaly. Eger bala bilmese, ony is júzinde qalaı isteýge bolatyndyǵyn kórsetińiz. Negizgi formýlalar men anyqtamalardy paraqtarǵa jazyp alyp, jazý ústeliniń, kereýetiniń ústine, ashanaǵa, t.b. jerlerge ilip qoıýǵa bolady.

11. Pán boıynsha testilik tapsyrmalardyń ártúrli nusqalaryn daıyndap qoıyńyz. Balany testileýge daıyndaýdyń máni zor, óıtkeni onyń ádettegi jazba jáne aýyzsha emtıhandardan aıyrmashylyǵy kóp.

12. Balany testilik tapsyrmalar boıynsha daıyndyq kezinde aldyn-ala ýaqyt máselesin esten shyǵarmaýǵa, ony tıimdi jumsaı bilýge úıretińiz. Sonda bala da testileýdiń búkil ýaqytynda ózin jumysqa jumyldyrýǵa úırenedi, bul balaǵa senim uıalatyp, orynsyz alańdaýshylyqty boldyrmaýǵa yqpal etedi. Bala saǵat taqpaıtyn bolsa, emtıhanǵa mindetti túrde saǵat taǵyp barsyn.

13. Emtıhannyń aldynda balanyń jaqsylap demalýyn qamtamasyz etińiz, ol ábden tynyǵyp, uıqysy qanyp turýǵa tıis.

Qajetti siltemeler:

Emtıhanǵa ázirlenýge 5 keńes

UBT-ǵa jyldam daıyndalý tehnıkasy

Ulttyq Testileý ortalyqtary

UBT onlaın jattyǵý(túrli nusqalarmen)

---