InfoHub Logo

Qazaqstan jemqorlyqtyń saldarynan jylyna 3,8 mldr dollar joǵaltady eken. Jemqorlyq boıynsha elimiz rıtıngtiń kóshin bastap tur. Bul qylmystyń túri bir jylda birneshe ret tirkeledi eken. Bundaı qylmys kóbine etek alatyn oryndar-ákimshilik,polısıa jáne qylmystyq atqarýshy júıeniń jumyskerleri.

Sybaılas jemqorlyq kúnnen-kúnge azaıyp, tanys-tamyrdyń dáýreni ótip bara jatyr desek te, bizdiń memleket muny túbegeıli joıýǵa áli de qaýqarsyz. Tanysyń joq bolsa jumys tabýyń qıyn, oqýǵa túsýiń de ońaıǵa soqpaıdy. Elimizde jastar arasynda júrgizilgen saýalnamada stýdentterdiń 95 paıyzy tanysyń, «aǵań», «kókeń» bolmasa jumysqa ornalasý qıyn dep jaýap beripti. Bul jaýapty bizdiń qazaqqa tán mentalıtet dep aqtap bere almaımyz. Sebebi, mundaı keleńsiz jaǵdaılar áli kúnge deıin oryn alyp otyrǵany aqıqat. Bul aldyńǵy qatarly memleketterde de kúrmeýi sheshilmegen qıyn másele. Dese de, jaqsy jumys ornyna ornalasý, qalaǵan oqý ornynda oqý úshin barlyq máseleni tanys-tamyrǵa tirep qoıý qate túsinik. Tanyssyz da tanylyp, tabys taýyp júrgender qanshama?!  Qarym-qabileti mol mamanǵa qaı jerden bolsa da jumys tabylary anyq. Bilimi mol stýdentke qandaı JOO bolsyn óz esigin ashary haq. Bizdiń memleket taýyp alǵan tanysynan góri, ozyq oıly jastarǵa óte muqtaj! Túıin Bolashaqqa qadam basqan árbir kemel memleket óz erteńin ózi ǵana jasaıdy. Jemqorlyq joıylmaǵan memlekettiń keleshegi kúńgirt, bolashaǵy bulyńǵyr. Sybaılas jemqorlyq ǵasyr dertine aınalmaı turǵanda memleket bul qylmysqa shekteý qoıýy tıis. Qazaqstannyń árbir mekemesinde tanys tamyryna súıenip jumys istep júrgen jandarǵa halyq óz bolashaǵyn tapsyra almaıtyny belgili. Endeshe el bolyp sybaılas jemqorlyqpen kúresip, ult bolyp qarsy turaıyq!

---