InfoHub Logo

"Aıqap" pen “Qazaq” gazeti óz kezeńindegi halyqtyń kózi, qulaǵy hám tili bolǵan tańdaýly basylymdardyń biri jáne biregeıi.

"Aıqap" jýrnaly men "Qazaq" gazeti qazaqtyń qoǵamdyq sanasynyń oıanýyna jáne ulttyq mádenıettiń damýyna úlken úles qosqan.Qos basylymdy da,qazaqtyń namysyn qorǵap , soıylymyn soqqan naǵyz ultjandy azamattar basqarǵan.Bul basylymdarda kóterilgen keı máselelerdiń áli kúnge deıin ózektiligi joıylmaı kele jatyr.

Aıqap jýrnalynyń redaktory- qoǵam qaıratkeri, aqyn, aýdarmashy Muhamedjan Seralın boldy.Al Qazaq gazetin ulttyń ustazy atanǵan – Ahmet Baıtursynov basqardy. Shynymen eki aǵamyzdyń arasy sýyq bolǵan ba? Álde bul adamǵa emes, basylymdarynnyń ustanymdaryna qatysty másele me?

Negizge ala otyrsaq, «Aıqap» otarshyldyq qysymdaǵy qazaqtyń ulttyq sanasyn oıatýǵa yqpal etip, halqymyzdyń saıası jáne rýhanı ilgerileý jolynda meılinshe qajetti  máselelerdi ótkir kóterdi. «Qazaqtyń» basty baǵyty aǵartýshylyq máseleni qamtydy. 

Bir anyǵy,qos basylym arasynda kelispeýshilik bolǵan . Ony Beıimbet Máılınniń myna sózderinde: Endi keleıik, "Aıqap" pen "Qazaq" arasyna . Bul ekeýiniń keıbir pikirleriniń birine-biri qıǵashtyǵy , ol týraly birsypyra sózdiń bolyp ótkendigi oqýshylarǵa belgili» degen sózderi aıshyqtaı túsedi.

«Aıqap» pen «Qazaq» arasyndaǵy jer týraly pikirtalas patsha ákimshiligi tarapynan tańylǵan kóshpeli jáne otyryqshy normaǵa qatysty týyndaǵanyn kóremiz. Eki basylymnyń da oılaǵan maqsattary bir boldy. Ol qaıtkende de qazaq jerin otarshyl kúshtiń qoljaýlyǵyna aınalýdan qorǵap qalý muraty bolatyn. Biraq, oǵan jetýde eki joldy tańdady.

«Aıqap» jýrnaly: Kóshpendilikten bastartyp, otyryqshy bolamyz,otyryqshy bolǵan el oqýǵa múmkindik alady ,egin egip, basqa da sharýa túrlerin damytady dep ashyq pikir bildiredi.Alty Alashtyń balasyna egin sharýasyna qolaıly jerlerge qala salýdy qýattap,halyqqa shamasy kelgenshe túsindirý maqsatyn ustanǵan basylym edi. Al, «Qazaq» gazeti tóńiregine toptasqan Alash azamattary bul máselege basqasha qarady. Olar keshegi keńes dáýirinde keıbir zertteýshiler dáleldeýge tyrysqandaı, otyryqshylyq turmysqa qarsy shyǵyp, taptyq maqsat kózdegen joq. Otyryqshy normanyń otarshyl mazmunyn ashyp kórsetip, ańqaý eldi aldap, qaqpanyna túsirýdi kózdegen quıtyrqy saıasattyń syryn túsindirýge kúsh saldy. Biraq bul qos basylym ustanymdaryndaǵy jalǵyz qaıshylyq emes.Bunymen qosa olardyń sıez ótkizýge jáne álipbı tańdaýǵa, qazaq jazýy jóninde kelgende de pikirleri ekige jarylǵan.Osy syndy kelispeýshiliktiń bolǵandyǵyn gazet-jýrnal betterindegi materıaldar da rastaıdy.Qazaqtyń sol tustaǵy zıalylary qos gazetti mámlege kelýge bereke-birlikke úgittegen. Qoryta aıtqanda , qos basylym da qazaqtyń keregesin keńeıtip,qemel elge aınaldyrýǵa talpynys qyldy.Biraq oǵan jetý úshin ózderiniń durys kórgen pikirlerin ashyq bildirip otyrdy.Sondyqtan bul máselelerge kelgende «eki basylym araz bolǵan» dep aıta almaımyz

---