InfoHub Logo

Táýelsizdik! Bul – halqymyzdyń talaı ǵasyrlar boıy armandap kútkeni. Ata-babalarymyz táýelsizdik úshin kúresti sonaý saq dáýirinen bastaǵan dep aıtsam, qatelespeımin. 18 ǵasyrdaǵy jońǵar shapqynshylyǵynan bastap 1991 jylǵa deıingi kezeń biz úshin qasiretti de muńdy oqıǵalarǵa toly bolsa da, elimizdiń táýelsizdikke jetý jolyndaǵy tarıhymyzda orny erekshe.

Táýelsiz Qazaqstannyń qalyptasýyna qyrýar úles qosqan birtýar tulǵalardyń biri – bizdiń tuńǵysh prezıdentimiz Nursultan Ábishuly Nazarbaev. Búgingi tańda Qazaqstan – álemdik qoǵamdastyqtyń tolyq quqyqty múshesi, ekonomıkasy myqty, qýatty halqy jáne bolashaqqa úlken josparlary bar irgeli memleket. Biz tarıhymyz ben bastapqy jaǵdaıymyz uqsas bolyp kelgen kóptegen elderdiń azap shegip jatqan áleýmettik jáne saıası kúızelisterinen qutyldyq. Bul elder – buryńǵy KSRO respýblıkalary. Bizdiń tuńǵysh elbasymyz osy jyldyń 20-synshy naýryzynda óz prezıdenttik qyzmetin toqtasa da, onyń memleketimizdiń egemendik jyldaryndaǵy kúrdeli máselelerdi sátti sheshýdegi róli aıqyndyqpen erekshelenip, esimizde máńgi qalady. N.Á.Nazarbaev saıası ózgeristerdiń aldynda damý ekonomıkasyn birte-birte reformalaý jolyn tańdady. Ult kóshbasshysynyń tańdaýynyń durystyǵyn beıbit aspannyń astynda oıanyp júrgen kúnderimiz dáleldeıdi. Onyń «aldymen - ekonomıka, sodan keıin - saıasat» degen formýlasy arqasynda bizdiń elimiz kóptegen jetistikterge jetip, «Qazaqstannyń damý úlgisi» sıaqty uǵym keńinen taraldy jáne ol tereń oılastyrylǵan strategıaǵa negizdelgen ońaı jolmen alǵa jyljýdy bildiredi.

Qysqa merzim ishinde Qazaqstan derbes, saıası jáne ekonomıkalyq táýelsiz memleketke aınaldy. Tuńǵysh elbasymyzdyń boıynda qandaı da bir jetistikterge umtylý, úlken maqsattarǵa jetý qasıeti bar. Ol bolashaqqa senimmen qarap, túbegeıli sheshimderdiń kópshiligin ýaqtyly qabyldaý arqyly alǵa baǵyttaıtyn jáne bul memleket basshysynyń jyl saıynǵy Qazaqstan halqyna arnalǵan joldaýynda kórinis tapty. Biz TMD elderi ishinde birinshi bolyp jeke menshikke, erkin básekelestikke jáne ashyqtyq qaǵıdalaryna negizdelgen naryqtyq ekonomıkanyń zamanaýı úlgisin jasadyq. N. Nazarbaevtyń aqylǵa salynǵan jáne parasatty saıasatynyń arqasynda Qazaqstan ózin tózimdi, zaıyrly, zamanaýı memleket retinde kórsetti. Dúnıejúzilik tarıh úshin 28 jyl bul qysqa merzim, biraq qazirgi zamanǵy qarqyndy ózgerip jatqan álemniń masshtabynda árbir jyl bizdiń elimiz úshin sátti jáne mazmundy bolǵany ras. Tuńǵysh prezıdentimizdiń memlekettiń damýyna qosqan úlesi - baǵa jetpes mura. Sondyqtan biz N. Nazarbaevtyń eńbegin baǵalaı jáne qurmetteý bilýimiz qajetpiz!  

---