InfoHub Logo

Tuǵyrly táýelsizdik elimizdiń basyna baq bolyp qonǵan sátten beri egemen Qazaqstan túrli jetistikterge qol jetkizip, eleýli ózgeristerdi basynan ótkerdi. Elimizdiń basynan qara bult seıilgen jyldar ata-babalarymyzdyń sonaý kúngi saǵymdaı ushqan armandarynyń qaıta qanat jaıyp, asqaqtap, qomdanýyna jáne kemel bolashaqqa jańa kóshbasshymyzben qadam basýymyzǵa arqaý boldy. Táýelsizdik – halqymyzdyń baǵa jetpes asyl qazynasy, urpaqtan urpaqqa mura bolyp qalar teńdessiz baılyq. Qazirgi tańda, biz damyǵan zamanǵa bet burýǵa tyrysyp jatyrmyz. Sonyń bir dáleli, elimizdiń damyǵan 50 el qatarynan tabylýy. Alaıda, bul kúnge jetpes buryn biz talaı asýlardy baǵyndyryp, elimizdiń ozyq memleketter qatarynan kórinýge laıyqty ekenin san ret dáleldedik. Ata Zańymyzdyń qabyldanýy eń alǵashqy jetistikterimizdiń qatary dep esepteýge bolady, sebebi, Konstıtýsıa - táýelsizdiktiń aıǵaǵy, teńdigimizdiń bultartpas dáleli. Keıin, elimiz túrli damý satylarynan ótip, resmı tilimiz, valútamyz birtindep qabyldana bastady jáne bul elimizdi erekshelep kórsetetin, tarıhymyzdy aıqyndaıtyn ulttyq qundylyqtarymyz edi. Damyǵan memlekettermen ıyq tirestirý bizge ońaıǵa soqpaıdy. Qazirgi kúnimizge sheıin memleket tarıhynda altyn tańba bolyp qalatyn eleýli oqıǵalar legi qandaı, qaı jerde oza shaptyq, qaı jerde qalys qaldyq?

Táýelsizdiktiń tańy araılap atqannan keıin elimizdiń jeke memleket retinde syn-sıpatyn anyqtaıtyn belgileri qalyptasty. 1992 jyly QR Prezıdenti «QR Memlekettik Týy», «QR Memlekettik Eltańbasy», «QR Memlekettik Ánurany týraly» zańǵa qol qoıdy. Týymyzda beıbitshilikti beıneleıtin ashyq kók aspan, altyn kún, qaısarlyǵymyzdyń dáleli qyran beınelendi. Al, 1994 jyly derbestigimizben kórgen uly toıymyz qazaq azamatynyń elimizdiń atynan tylsym ǵaryshqa sapar shegip, qaýipti de, qyzyqty ǵarysh álemin baǵyndyrýy edi. Ol «Halyq qaharmanyna» aınalǵan Talǵat Musabaev bolatyn. Alyp tulǵamyzdan keıin de búgingi zamanǵy batyrymyzǵa aınalyp taǵy da qazaq azamaty aty álemge áıgili ǵarysh aılaǵy Baıqońyrdan ǵaryshqa attandy. Aıdyn Aıymbetov ǵarysh kókjıegine sapar shekken úshinshi qazaq azamaty atandy. Sońǵy besjyldyq memleketimizge atyn kókke kóterer aıtýly jetistikterimen erekshe boldy. Sol jetistikter aǵymyn EXPO 2017 bolashaq energıasy tolyqtyrady. 2012 jyly bul jobany elimizde ótkizý múmkindigine ıe bolyp, bir marqaıyp qaldyq. EXPO 2017 jobasyn joǵary dárejede ótkizip, bir úlken júkten arylǵandaı boldyq. Jobanyń Qazaqstanda ótkizilýi ulttyq qundylyqtarymyzdy shet elderge dáripteýge múmkindik týǵyzyp, ekonomıkalyq jaǵdaıymyzdy arttyrdy. Qazirgi kezde, memleketimizdiń úshinshi jańǵyrýy qolǵa alynyp, alǵa qaraı damýǵa bet aldyq. Ulttyq kodymyzdy belgilep, qundylyqtarymyz ben salt-sanamyzdyń kertartpa tustarynan aryla otyryp, jańa baǵytqa kiristik. Elbasymyz halyqty bir baǵyt pen bir múddege shoǵyrlandyryp, ortaq maqsatymyzdy aıqyndap berdi. Sonymen birge, sporttan da biraz belelsterdi baǵyndyrdyq. Sportymyzdyń jańa satyǵa kóterilgendigin 2012 jyly ótkizilgen London olımpıadasy men 2016 jylǵy Rıoda ótken olımpıadada qol jetkizgen jetistikterimizden kórýge bolady. Aty búkil álemge áıgili Genadıı Golovkın sekildi elimizdiń týyn kókke jelbireter azamattarymyz barda qazaqtyń týy sol kúıinshe kókten túspeıdi.

Qazaqstan – bir shańyraq astyna kópultty biriktire bilgen alyp memleket. Táýelsizdikke qol jetkizgen sátten bastap elimiz esh ult ókilin bótensitpeı, baýyryna syıǵyza bildi. Derbestikpen kelgen árbir jeńisimiz bizdiń damýymyzǵa qol ushyn sozdy. Sonaý XX ǵasyrda jerimiz ózgeniń qolynda, elimiz shyrlaǵalań ómir súrip jatqanda el taǵdyryn biren-sarań qazaq janashyrlary oılaıtyn, solar el qamyn oılaǵany úshin japa shekti. Biz qazir azaptpyz! Árbir qazaq balasy qazaq eli úshin eńsesin tik ustap eńbek ete alatyn dárejede. Aldymyzda jeteleıtin kóshbasshymyz, halyq qamyn oılaıtyn naǵyz zamanaýı qaharmandarymyz bar. Endeshe,biz neden qymsynbaqpyz, kimnen qorqýǵa dátimiz barar? Bizdiń tarıhymyz aıtýly jetistikterge toly. Búgin bir eleýli oqıǵany basymyzdan keshirsek, ol erteńgi tarıh. Erteńimiz aıqyn, keleshegimiz jetistikterge toly bolsyn.

 

Jańaózen qalasy

Qarabaı Saltanat

---