InfoHub Logo

 

*** *** *** ***

«Ne degen jaısań el edi!»
Álemniń deıdi bas ıip.
Keńesi – máıek, keleli,
Aıtqanyn tyńdar dos uıyp.
 
Bolmasqa solaı qaqy ne,
Tegimiz tekti – Kókbóri.
Sabyrly, salqyn aqyl ıe,
Bekzatty halqym, bekterim.
 
«Ne degen baıtaq jer edi!»
Álemiń dese tańdana.
Satpaıdy jatqa tek eli,
Urany Móde – mań dala.
 
«Ne degen jomart!» deseńder,
Bizderde talaı Atymtaı.
Syıyńa syı kelseńder,
Adamdyq arǵa saltym saı.
 
Talantty deseń, eljire,
Darynyn bergen Táńirim.
Kúıleri – tarıh, shejire,
Oryndaý Táńir ómirin.
 
Imandy deseń dini de,
Tyńdaǵan aıdan Quranyn.
Óreli órleý ilgeri
Kórseter áli ulanym.
 
Áýezdi deseń tilderi,
Tyńdaǵan sózin Úsh Bıdiń.
Janyńa daýa, kil dári,
Rýhtanyp sodan kúsh jıdym.
 
Kim deseń endi qazaǵym,
Shyndyǵy qazir ańyzdaı.
Tanydy álem ǵajabyn,
Bilikti jas ta, abyz da.
 
Farabı syndy uly bar,
Qalaısha bizder usaqpyz?!
Tulǵalar talaı tabylar,
Kelemiz tekti ustap biz.
 
Shynyqtyq, kórmeı úgilip,
Tamyrdan alyp tereńdik.
Úmitke júrdik júginip,
Senimniń joly – erendik.
 
Qandaı el deseń qazaǵym,
Oıy – muhıt, tili – bal.
Kóńili darhan, bazarly,
Jan dúnıesin bilip al.

*** *** *** ***

Qýan, jurtym   
Eldigińdi shet elder moıyndady,
San armandar iske asty oıyńdaǵy.
Terezesi teń elder qatarynda
Saltanatpen ótýde toıyń-daǵy.   
Ulanyń bar, urpaǵyń, irgeń berik,
Taǵdyryńdy tapsyrǵan tizgin berip,
Azamattar aqtady senimińdi
Talaı iste tanytty kemeńgerlik.

---