InfoHub Logo

Bar qazaqtyń qan tamyry aýylda,

Sol aýyldan shyqty aqyn, ǵalym da.

Sol aýyldy  kórkeıtýdi maqsat qyp,

Elbasy da jarlyq etti qaýymǵa.

 

Týǵan jer -  adam ómirinde kıeli oryn alady. Naqty osy jer ony elimen, ótkenimen, bolashaǵymen baılanystyrady. Mine, sondyqtan da tipti balalyq shaqtan bastap - aq árbir jeke tulǵa adamda Otanǵa degen mahabbat sezimi oıanady. Meniń otanym kishkene bolsa da, men úshin asa qymbat jer Hromtaý aýdany, Bógetsaı aýylynan bastaý alady. Dál osy jerde meniń kóńildi de, shattyqty, ýaıymsyz balalyq shaǵym ótti. Týǵan jerdiń qadirin uıasynan uzaqqa ketken adam ǵana túsinedi. Týǵan  jerdiń topyraǵy, sýy men aýasy, tútini de qymbat. Onyń taýy men tasynan da, ózen kólinen de, tipti qumy men shólinen de ásem áýen estýge bolady.

Altyn besik - aýylym! Onyń boıynda kúretamyr bolǵan Or ózeni. Or - bir ǵana sulýlyq kórinisi ǵana emes, Or - alystan oı arǵytqan jolaýshynyń aıaldar, qonaqtar mekeni. Basyn Muǵaljar taýynan alyp, aıaǵyn Aqjaıyqqa tireıtin erkeleı aqqan Or ózeniniń boıynda alystan men muńdalap turǵan Bógetsaı aýyly ornalasqan. Bógetsaı - selolyq okrýg ortalyǵy, eldi meken. Aýyl tusyndaǵy aǵyp jatqan Or  ózeniniń ústinen úlken bóget salynǵan. Soǵan baılanysty osylaı atalǵan. Aýylymyzǵa jaqyn jerde Taldybulaq dep atalatyn tabıǵı ásem jer bar. Ol jerge jazdy kúnderi demalýshylar jan – jaqtan kóptep kelip demalady. Sýǵa shomylyp, balyq aýlaıdy.

Aýylda úsh qabatty mektep, eki qabatty mádenıet úıi, emhana, ákimshilik, «Aqnur» meshiti, shaǵyn market, toıhana sıaqty ásem ǵımarattar bar. Mektebimizdiń 80 jyldyq tarıhy bar. Osy ýaqyttar aralyǵynda kóptegen shákirtter bilim alyp, elimizdiń túkpir – túkpirinde qyzmet etýde. Mekteptiń abyroıy asqaq, dárejesi joǵary. Oǵan dálel Qazaqstan Jazýshylar Odaǵynyń múshesi bolǵan aqyn Qyzmet Nuralın, Jumabaeva Myrzabıke Almaty qalasyndaǵy Halyqaralyq bıznes akademıasynyń profesory, A.Baıtursynov atyndaǵy Til bilimi ınstıtýtynyń dırektory. Elýbaeva Venera medısına ǵylymdarynyń dosenti, Derbisalın Amanqos aýyl sharýashylyǵy salasyndaǵy ǵalym jáne taǵy basqalary.

Iá... Týǵan jer uzaqqa qıyp jibermeıtin, sen árqashan óziń barmasań da, oımen qıaldap týǵan kósheni, esiktiń aldyn, «Qyzym, úıge kir...» degen ananyń sózderin eske túsiresiń. Júrektiń álsiz dúrsili estiledi. Men óz aýylymdy, bilim alǵan altyn uıa mektebimdi janymdaı jaqsy kóremin.

Qazir boıjettip,óz uıamnan, týǵan jerimnen jyraq ketsemde, týǵan jer ómir boıy men úshin balalyq shaqtaǵy týǵan aýla men kóshe – meniń kishkentaı Otanym. Sonymen birge men elimniń bir bólshegimin, onyń búgini men bolashaǵymyn.

---