InfoHub Logo

O, týǵan jer, keń peıil, qushaǵyń keń,
Saǵan kóńil bulqynar kúsh - aǵynmen.
Saǵynyshymdy  qanat qyp saǵan qaraı
Balapandaı talpynyp ushamyn men.

Farıza Ońǵarsynova

Óz shyǵarmamdy aqyn anamyzdyń sózimen bastaǵandy jón kórdim. Óıtkeni, osynaý óleń joldary búkil sózimniń túıini .

Týǵan jer - adam ómirinde mańyzdy oryn alady.Kindik qanym tamǵan jer, men  aýnaǵan altyn meken. Týǵan jerimniń  topyraǵy, sýy men aýasy,tútini de qymbat. Týǵan jerim dúnıedegi eń asylym. Sebebi, ol – meniń álpeshtegen anam, aıalap ósirgen ákem, týǵan-týysym, aǵa-ápkelerim, meni bilim jolyna jetelegen ustazdarym, sol bilimge umtylý jolyndaǵy taı-qulyndaı tebisken jora-joldastarym dúnıege kelgen jer.

Meniń týǵan jerim Jańaqala aýdany,Jańaqala aýyly. Jańaqala - kıeli ólke.Osynaý keremet jerdiń ásemdigimen ereksheligi basym.Óıtkeni, bul jerdiń emi basym jer,qumdy dala,egisti alqap.Kún sanap kórkeıip,qulpyryp keledi. Meniń týǵan jerim, ósken ólkem-talaı tarlandar men myqtylardy, batyrlar men bılerdi, ánshi, kúıshi, aqyndardy ómirge ákelgen qasıetti  Jańaqalam. Kúı atasy Qurmanǵazy men kúı anasy Dınanyń, Maıtalman Mámenniń, qaıtalanbas Qalıdiń, orny tolmas Oqaptyń, shandoz Shamǵonnyń, tekti Tuıaqtyń altyn uıasy, asyl mekeni bolǵan. "Baqyr qazan kaınasa bárimizdiń baǵymyz, týǵan jerdiń ár tasy bizdiń altyn taǵymyz"degendeı altyn mekendegi Sorkól atty tuzdy,emdi sýǵa shıpa izdep jer-jerden halyqtar  aǵylyp kelip jatady. Taptyrmas em bolar,tuzdy batpaqty da osy jerden tabýǵa bolady. Al qazirde sham jaǵyp izdeseń de, dál osyndaı mekendi tabalmaısyń.

Dál osy elde shat-shadyman, ýaıymsyz, qaıǵysyz, balǵyn balalyq shaǵymnyń ádemi sátteri ótýde.Bul jerde úsh úlken mektep pen bir úlken oqý oryny jumys jasap otyr. Osy mekteptiń birinde bilimdi balalar bilim alsa,endi birinde orys-qazaq balalary, al birinde tek qazaq balalary oqıdy.Mektep qabyrǵasymen qoshtasyp, úlken oqý orynnyń esigin ashqan balalardy da oqytatyn bilim orny bar.Daryndy balalardy da daıyndap oqytatyn mektepterdiń sany artyp keledi.Men sonyń Jańaqala jalpy orta bilim beretin qazaq mektebiniń 7 synybynda oqımyn. Mektep qabyrǵasynda júrip,túrli sharalarǵa qatysyp júldeli oryndarǵa ıe bolyp júrmin. «Kúı ordasy» atanǵan kıeli Jańaqala aýdanynyń balasy bola tura, dombyrany bilmegen uıat shyǵar.Sol sebeppen  dombyra mektebindegi ustazdarymnan dáris alamyn.Toǵyzqumalaq — qazaqtyń ulttyq dástúrli oıynyn,shahmat — aqyl-oı sport túrin  janyma serik etip kelem.Ustazdarymnyń nusqaýymen túrli bilim saıystaryna da túsem.Ásirese matematıka baǵytynda júrgendi unatamyn.Bilim ordasyn «úzdik» baǵamen aıaqtap,óz jerime adal qyzmet etýdi naǵyz baqyt sanaımyn.Men Elbasymyzdyń esimin enshileppin.Bul maǵan zor jaýapkershilik artqandaı.Sondyqtan bolashaqta óz elimniń,óz jerimniń kóshbasshysy,sport  óneriniń sultany, elimniń Nursultany bolǵym keledi. Týyp-ósken jerim týraly  tolǵanyp, oı jetegine berilgen shaǵymda únemi keýdemdi jarǵan  jyr shýmaqtary aýzyma kelip turady.

Týǵan jerim,ádemi meniń mekenim

Kúlli álemge maqtan etip júremin.

Júregimdegi mahabbatpen  jalyndy

Tek ózińe arnap qana júremin.

Týǵan elge, týǵan jerge  degen ystyq sezimniń úzdik úlgisi men mahabbatymdy ózimniń óleńimmen jetkizemin. Otan týraly  oı tolǵasań, jan tolǵanysyn aıtyp taýysa almassyń, sirá.

Shyǵarma avtory:

Marat Nursultan Asylbek uly

---