InfoHub Logo

Táýelsizdik – qazaq halqynyń bostandyqqa umtylǵan asqaq armandary men qaısar rýhynyń jemisi. Sondyqtan da Táýelsizdik kúni biz úshin zor qundylyq. Táýelsizdik... Osynaý tarıhqa tunǵan uly sózdi estigende, «Men qazaqpyn» degen árbir jannyń júreginde úlken sezim ornaıdy. qazaq halqy ǵasyrlar boıy ata-babalarymyzdyń ańsaǵan armany bolǵany anyq, bul kezeńniń tarıhy men derekterin oqý arqyly bilemiz. Bul qol jetpes baqytqa jetý jolynda Alash ardaqtylarynyń qyzmeti zor.

Elimizdiń kók baıraǵynyń sımvoly bolǵan qyran qus ta aspanda erkin samǵaǵysy keletini anyq. Álemde eki júz qyryqqa jýyq memleket bar, sonyń ishinde kúni búginge deıin basqa memleketke baǵynyshty bolyp ómir súrip óz táýelsizdigine qol jetkize almaǵany qanshama! Sonaý 1776 jyldyń 4 shildesinde Amerıka Qurama Shtaty qurylyp, táýelsizdik deklarasıasyn qabyldaǵany málim. Bul kezeńde qazaq halqy el bolyp saqtalyp qalýy úshin jońǵar shapqynshylyǵyna qarsy kúres júrgizdi. Sol ýaqyttan beri qazaq halqy egemendik alý jolynda  talaı tar jol taıǵaq keshýdi basynan ótkizdi, sondyqtan men táýelsizdikti taýsylmas tarıh dep bilemin.

Al qazirgi kezeńde Qazaqstan Respýblıkasy egemendikke ıe bolyp, táýelsizdigin alǵan jas memleket, alaıda, onyń úsh myń jyldyq tarıhy bar qasıetti el ekenin este saqtaý qajet. Búginde biz de elimizdiń táýelsizdigimen qatar ósip kelemiz, ıaǵnı «Táýelsizdik» atty óshpes uǵymnyń qurdasymyz desek qatelespeımin. Qazirgi jastar, ıaǵnı bizder baqyttymyz, sebebi biz táýelsiz eldiń urpaqtarymyz. Keıde álemniń basqa elderine kóz salsaq, memleketter ishindegi qaqtyǵystar, tóńkerister oryn alatyny birshama alańdatady. Jastar qasıetti ata-babalar amanatyn kózdiń qarashyǵyndaı saqtap, keler urpaqqa jetkizgeni jón dep bilemin. Álemniń alpaýyt elderinde, al 2017 jyly Astana qalasynda ótken «EHRO» kórmesi elimizdiń tanymal basqa memleketterge tanymal bolýyna óz áserin tıgizgeni málim. Árıne bıik belesterdi baǵyndyrý Qazaqstannyń kúnnen-kúnge órkendep kele jatqanyn kórsetedi. Bir kezderi arman bolǵan elimizdiń úlken jetistikteri janymyzdy jadyratady. Ǵasyrlar boıy ańsap jetken táýelsizdigimizdi qollymyzdan ushyryp almaı aıalap berik ustaý búgingi urpaqtyń qolynda. Memleketimizdiń qazirgi óskeleń jas urpaǵyna elimiz tarıhyn tereńirek túsindirý, ony qasterleý barshamyzdyń mindetimiz.

Ý.M.Djoldybaeva Ál-Farabı atyndaǵy QazUÝ-  niń Qazaqstan tarıhy kafedrasynyń dosenti

Qajymuhanqyzy Arýjan Ál-Farabı atyndaǵy QazUÝ-niń shyǵystaný fakúltetiniń 1 kýrs stýdenti

---