InfoHub Logo

Kóz – jannyń aınasy delinedi, olar biz týraly tolyq aıtyp bere alady deıdi. Endeshe tulǵalyq sıpatty anyqtaıtyn testti usynamyz. Bastysy – aq qaǵazǵa kózdiń sýretin salyńyz (ózińiz qandaı kózdi qalasańyz, sondaıyn salyńyz, qıalǵa erik berińiz). Saldyńyz ba? Endi jazbaǵa kirińiz de, sizdiń salǵan sýretińizge uqsaıtynyn taýyp, sıpattamasyn oqyńyz. Iá, bul ıdeıaǵa men de bastapqyda senińkireı almadym, biraq nátıjesi meni tańǵaldyrdy: shyndyqtan alshaq ketpedi.

1. Ashyq jandy

Árqashan jáne árkimmen de qarym-qatynasy túzý, jańa tanystyqtarǵa daıyn. Siz búkil álemge teris aınalýdan góri, qaýip-qaterde táýekel etip, soqqy jeýge de daıynsyz. Siz qorqyp turǵanyńyzdy nemese qorǵansyz ekenińizdi eshqashan kórsetpeısiz. Óz problemalaryńyzdy ózińiz sheshýge tyrysasyz. Alaıda basqa bireýlerge qoldaý bildirmeı otyra almaısyz, kómekke qýana kelisesiz, tipti ózińiz qınalyp tursańyz da. Eger bireýge kómek qajet bola qalsa, siz árqashan járdemdesýge daıynsyz.

2. Sanaly

Siz árqashan bastaǵan isińizdi laıyqty túrde aıaqtaǵyńyz keledi, ony ynta-jigerińizben oryndaısyz. Barlyq áreketińiz ózge jandardyń ómirine áser etedi degen senimmen ómir súresiz. Siz jabyq adamsyz – kóńilińiz tússe, ony eshqashan kórsetpeısiz. Siz baqytsyzdyqty da, ádiletsizdikti de kórdińiz, biraq sol ýaıymnyń barlyǵyn óz ishińizde saqtaısyz. Sizdiń oıyńyzda minsiz adam bolý degen maqsat bar, ózińiz de bireýlerge úlgi bolýǵa tyrysasyz. Siz bizdiń álemimizge budan da artyq jaqsylyq jasaı alasyz.

3. Sotqar

Sizdiń ótken kúnderińizdiń elesi sizdi áli kúnge deıin mazalaıdy. Siz ótken kúnderdegi áreketterińizdi ózgerte de almaısyz, sondyqtan kem degende ómirdi qıyndatpaýdy oılaısyz. Kóńil-kúıińizdiń túsip ketkenin aınalańyzdaǵylarǵa eshqashan kórsetpeısiz. Qıyndyqtardyń barlyǵyn, oılaryńyzdy óz ishińizde saqtaısyz. Al bolashaqqa senimmen qaraısyz. Siz ózińiz oılap taýyp alatyn kedergilerden ótýden shebersiz.

4. Dana

Siz barlyq adamdy jáne barlyq jaǵdaıdy oılaı beretin adamsyz. Siz ár nárseniń de tereń maǵynasyn túsinýge tyrysasyz. Árdaıym óz oıyńyzda shomyp, bul ádetten arylý qıynǵa soǵady. Eger kúdiktenip tursańyz, ony eshkimge kórsetpeısiz. Qandaı da bir másele boıynsha naqty sheshim jasamasańyz da, óz-ózińizge senimdi bolyp kórinesiz. Siz úshin ómir pazl sıaqty: siz bólshekterdi bir bútin kartınaǵa jınaǵandy unatasyz. Alaıda álemge kelýińizdiń maqsattaryn jete túsinbeseńiz de, onda ózińizdi jaıly sezinesiz.

5. Jumbaq adam.

Kóringenniń aldynda syryn jaıyp salatyn adamdardyń qatarynan emessiz, sondyqtan ómirlik serikterińizge sáttilik tileımiz. Óz ishińizde kóptegen qarama-qaıshylyq bar, kóńil-kúıińiz bolsa árqashan ózgerip otyrady. Aınalańyzdaǵylarǵa ózińiz jaıly kóp ashylyp aıtpaısyz. Sózsheń emessiz, al isińizben kimdi bolsa da jaıpap ótesiz. Siz bir adammen sóılese bastaýdan buryn ony jete tanyp alýdy uıǵarasyz jáne naqty biletin taqyrypta ǵana sóılesesiz.

6. Sezimge erik bergish

Siz barlyǵyn jazyp otyrasyz, eshteńeni umytpaısyz. Siz aınalańyzdaǵylardy jaqsy sezesiz. Sizdiń minezińiz árdaıym tereń, tipti bolmashy oqıǵalar sizge qatty áser etýi múmkin. Sizdi jylatý da, kúldirý de ońaı. Sezimtaldyǵyńyzdy adamdarǵa jıi kórsetesiz. Ómirińizdegi ózgeristerdi dál boljaı alasyz jáne sırek qatelesesiz. Adamnyń emosıasyn dál tanyp, «ne boldy?» dep birinshi suraısyz.

7. Ashýshań

Siz árdaıym tyńsyz, qumarǵa berilesiz. Jasandylyǵyńyz joq. Ne nársege bolsa da qarapaıym qatynastasyz: ne unatasyz, ne jekkóresiz. Sizde kez kelgen dúnıege pikirińiz bar, aqylyńyz jyldam. Biraq ashýlanshaqtyǵyńyzdy kórsetkińiz kelmeıdi. Sizde energıa óte kóp, júıkeńizdiń anda-sanda syr berýi qalypty jaǵdaı. Siz árdaıym jeńiske jetkendi jaqsy kóresiz. Siz kómekshi bola almaısyz, biraq qıalyńyz ushqyr.

8. Ápendi

Sizdiń qyzyǵýshylyqtaryńyz da, áýestigińiz de, áreketterińiz de qalyptan tys. Siz árqashan birtúrliligińizben kózge túsetinsiz. Al dástúr men erejelerge mán berip te qaramaısyz. Árbir isti óz stılińizde jasaısyz, biraq ózgeris jasaǵyńyz kelmeıdi. Álemnen eshteńeni de jasyrmaısyz – jasyratynyńyz da joq. Al sizdi synap, artyńyzdan sóz aıtatyndar sizge dym da áser etpeıdi. Siz ózińiz sıaqty adamdardy kórgińiz keledi. Nonkoformıst bolýdy unatasyz, sebebi bul qyzyq.

9. Intýıt

Siz adamdardy jaqsy túsinesiz. Bir adam jaıly onyń ym-áreketine nemese daýsyna qarap turyp, onyń qandaı ekenin aıtyp bere alasyz. Sizge bireý-mireý ótirik aıtyp jatsa, ony dereý sezip qoıasyz. Aınalańyzdaǵylarmen ashylyp sóılespeısiz, ózińiz jaıly tek qajettini aıtasyz. Siz ózgelerdi ǵana emes, ózińizdi de tanı bilesiz. Bireý sizge bıligin júrgizgisi kelgende muny birden bilip qoıasyz. Ádette bul qasıetińizdi paıdalana bermeısiz, biraq keıde bul sizge qajet bolýy múmkin.

---