InfoHub Logo

Ońtústik Qazaqstan oblysy
Shardara aýdany
«Uzyn-Ata» jalpy orta mektebi
11^Á synyp oqýshysy: Mysqalbaeva Ulnázik

 

Ana tildi qadirlep ustaıtyn ulttyń bolashaǵy jarqyn. Sebebi, til qaı elde, jerde bolmasyn eń qasıetti de qasterli. Til-árbir táýelsiz eldiń maqtanyshy, abyroıy. Ol atadan balaǵa saqtalatyn kıeli mura. Til-baǵa jetpes qazyna. Demek, ár ult, ár azamat óz ana tilin kóziniń qarashyǵyndaı qorǵaýy tıis dep bilemin.

Meniń tilim-qazaq tili. Men onyń shubarlanýyna, aıaqqa taptalýyna árdaıym qasqaıa qarsy turýǵa qaýqarlymyn. Qazaq tilim baılyǵym, rýhanı jan dúnıemniń aınasy, Otanymyzdyń ósip-ónýine birden-bir septigin tıgizer máńgilik mura. Elimizdiń bolashaǵy-onyń ana tili. Ol árdaıym bizben ómir súreri áste belgili. Til bizdiń baqytymyz bolsa, tildiń baqyty-onyń bolashaǵynyń jarqyn bolýy, ultynyń ony qadir tuta bilýi dep bilemin «Ana tili-halyq bop jasaǵannan beri jan dúnıemizdiń aınasy, ósip-ónip túrlene beretin, máńgi qulamaıtyn báıteregi»-dep Júsipbek Aımaýytov aıtqandaı, patrıot azamattyń júregi qashanda tili, dini bolyp soǵýy tıis. Sebebi, qazaq tili - Respýblıkamyzdyń memlekettik tili. Elimizde júrgiziletin is-sharalar, qujattar, qaǵazdar mindetti túrde memlekettik tilde bolýy qajet. Óıtkeni órkenıetke qulash uratyn eldiń órisi qashanda bilikti de sanaly urpaq pen kóbeıetini beseneden belgili. Bizdiń maqsatymyz-álemdegi múıizi qaraǵaıdaı elderdiń qatarynda bolý. Bul kózdegen muratqa jetý úshin,saýatty ul men qyz tárbıeleý qajet. Ol degenimiz - óz ana tilinde ıaǵnı qazaq tilinde erkin sóılep, ony tereńinen meńgere bilgen ul men qyz.

Árbir adam óz ana tilinde sóıleýge mindetti. Men Otanymdy,Táýelsiz Qazaqstanymdy,qasıetti de qasterli mekenimdi, baılyqqa, qazynaǵa toly jerimdi, eń bastysy bolashaǵy aıqyn, keleshegi jarqyn qazaq tilimdi maqtan etemin.

---