InfoHub Logo

Sarsengalıeva Gýlaıym Bakytjanovna         
Batys Qazaqstan oblysy Terekti aýdany
Aqjaıyq aýyly Aqjaıyq JOBBM
janyndaǵy ınternat tárbıeshisi  

Tilden artyq qazyna joq,
Tilden artyq qasıet joq.   

N. Á. Nazarbaev

Til — halyqtyń altyn dińgegi. Ár halyq aldymen óziniń ana tilin syılap, maqtan tuta bilýi qajet. Halqymyzdyń bar shejiresi, bar danalyǵy óz tilimizde jazylady. Til-halyqtyń jany, sáni desek artyq aıtqanymyz bolmas. Bizdiń  ana tilimiz — qazaq tili. ”Qazaq tili-sulýlyǵymen boı balqytyp, tamyr shymyrlatatyn, jan dúnıeńdi jandyryp, qulaq quryshyn qandyratyn, ótkirligimen qysyltaıań tusta er men elge birdeı medet berip, adam túgil jaǵdaıdyń óziniń aýzyna qum quıatyn ǵajaıyp kemel til”dep Baýyrjan Momyshuly atamyz aıtqandaı, ana tilimiz — baı til. Ár adam ómirge kelgennen bastap óz ana tilinde sóılep, ana tilinde bilim alyp, jalpy ulttyq tárbıe alý kerek dep oılaımyn.

Óz ana tilinde sóıleý, oǵan degen kózqaras eń zor adamshyldyq, mádenıettilik, tárbıeshilik ólshemi bolyp tabylady. Til halyqpen birge ómir súrip damıdy, ár ulttń tili-onyń baqyty men tiregi. Elbasy N. Á. Nazarbaev halyqtyń bolashaǵyn tereńnen tolǵaı otyryp, memlekettiń eń basty dúnıesi tek qana baılyq emes, sonymen qatar ana tilimizdiń bolashaǵy’’degen bolatyn.

Ras, qazirgi zamanda ana tilimizdiń shubarlanyp, qasıeti ketip bara jatqany da baıqalady. Biz oǵan jol bermeýimiz kerek. Tildiń shubarlanýy— ultqa tóngen qaýip.

"Ana tilinen aıyrylǵan adam óz halqy jasaǵan mádenı muranyń bárinen qur alaqan qalady" dep Ǵabıt Músirepov aıtqandaı muralarmyzdan aıyrylyp qalyp júrmeıik! Óz tilimizdi qasterlep, qadir tutaıyq!

---