InfoHub Logo

Táýelsizdik – elimizdiń baǵa jetpes baılyǵy. Táýelsiz – álemdegi eń qudiretti sóz. El erkindigi. Qazaqstan  táýelsizdiktiń besiginde terbelip jatqanyna 30 jyl. Osy ýaqyt aralyǵynda Qazaqstan álemde jeke dara derbez el ekenin dáleldeı bildi. Óziniń belgilengen shekarasy, dini men tili, memlekettik rámizderi men ulttyq qundylyqtary, mádenıeti men salt-dástúri bar táýelsiz zaıyrly elge aınaldy.Elimiz táýelsizdiktiń besiginde terbelgeli 30 jyl. Jıyrma bes jyl ishinde Qazaqstan etek-jeńin jıyp, shekarasyn bekitip, óz aldyna derbes zaıyrly el boldy. Bul atadan kele jatqan uly jeńistiń jemisi. 1991 jyly 16 jeltoqsanda egemendigin alǵan elimizdiń óz prezıdenti, ulty men ulysy, salty men dástúri, mádenıeti men ekonomıkasy boldy. Jeltoqsannyń jeli men yzǵaryna qarsy turǵan jastardyń jalyndy rýhy men erlikteriniń arqasynda shańyraǵy bıik, keregesi keń memleket bolyp qalyptastyq.

1991 jyly el táýelsizdigin alǵan kezde halyq bolyp qana qýanǵan joqpyz. Qazaq eliniń óz aldyna respýblıka bolýyn qalaǵan ári eń birinshi bolyp moıyndaǵan Túrkıa. Bul táýelsizdikti bir el ǵana emes, búkil el bolyp qoldaıdy degen sóz. Al irgesi qalanǵan jańa respýblıkanyń ári qaraı ómir súrýi úshin eren eńbek kerek. Ol onyń ishki jáne syrtqy álemi, ekonomıkasy, aqshasy degen sekildi kóptegen qundylyqtarǵa kelip tireledi. Atalǵan qundylyqtardy otyz jyl ishinde úlken maqsatqa aınaldyrǵan elimiz astanasyn da bekitti. Tipti búginde Astana arman qalaǵa aınaldy. Aportyna búkil el súısingen Almatynyń ózin mádenıet pen ádebıettiń qalasyna aınaldyrdy. Óziniń ishki týrızmi, teńgesi, uzyn sonar qara joldary taramdalyp jatty.

Arysy qazaq handyǵynan bastap berisi egemendi eldiń irgesine deıingi kóshti jalǵastyryp kele jatqan, atadan taraǵan urpaqtyń paryzy osy amanatty saqtaý. Jánibek pen Kereıdiń kergen keregesin kilem ústi kóterip, Otandy qasterlep ótý árbir urpaqtyń mindeti. Qazaqta «Otansyz adam ormansyz bulbul» degen sóz bar. Ormany joq qustyń uıasy da, qonar butaǵy da joq. Dál sol sekildi tirlik keshý ortasy joq ulttyń ómir súrýi múmkin emes.

Táýelsizdik ashshy termen kelgen tátti jeńis. Tógilgen qannyń, ólmegen jigerdiń otymen kelgen uly kún.

Aıagoz Arystanbaeva
«Turan” ýnıversıteti

---