Tyshqanbaı uly Tasym qarttyń aıtýy
Esil boıyndaǵy Toqtaýyl elinen bir úıir jylqy joǵalady. Ony Torǵaı ýezindegi Qypshaq, atyshýly baýkespe Shashanbaı uly Rahmet urlaǵany anyqtalady. Biraq ol qylmysy áshkerelenip tursa da, teńdik bergisi kelmeıdi, «jeńgen jerińde alarsyń» degendeı kúsh kórsetedi.
Joqshylardyń basshysy Oraq Báseń batyrdyń balasy Maty edi. Qashyqtaǵy qalyń elden, onyń ishinde ondaǵan qarýly jigit ustaıtyn Rahmetten mal óndirip alý ońaı emes ekendigin bilgen ol sózben utqysy keledi.
— Ýa, Rahmet myrza! Atymdy aldyń, taı ber, toıǵa minetinimdi aldyń, qoıǵa minetin ber. Osy bıligimdi soqyr tórege barsań da buza almas, dep sóziniń aıaǵyn ázilge aınaldyrady (Soqyr tóre degeni — Rahmettiń ózi. Onyń bir kózi soqyr edi).
Sózden tosylǵan jáne ázilmen ózine qatal tıgenin sezingen Rahmet joqshylardyń malyn túgel berip, Matyny rıza ǵyp qaıtarady.
You Might Also Like
-
Semeı oblysy, Qanba degen jerde on toǵyzynshy ǵasyrdyń aıaq kezinde Serik degen kisi ózi ury jáne ury ustaıdy eken.
-
Erterekte Adaıda Tásh degen ataqty ury bolypty. Ózi eńgezerdeı qarýly adam eken. El arasy kórshiles aýyldarǵa tımeı, qoldy alysqa salady eken. Birde qasyna talaı urlyqqa birge attanǵan, úzeńgiles 3-4...
