InfoHub Logo

Erterekte Adaıda Tásh degen ataqty ury bolypty. Ózi eńgezerdeı qarýly adam eken. El arasy kórshiles aýyldarǵa tımeı, qoldy alysqa salady eken. Birde qasyna talaı urlyqqa birge attanǵan, úzeńgiles 3-4 qarýly jigit ertip, Jemnen sonaý Jaıyq boıyna jylqy urlaýǵa attanypty.

Sol baǵytynda Jaǵalbaılynyń kóp jylqysyna tap bolyp, birneshe úıir jylqy aıdap, elge qaıtyp kele jatady. Eki-úsh adam jylqy aıdap aldarynda júredi de, Tásh jáne Seıitjan degen boıy alasa adam tosqaýylda keıin júrip otyrady. 2-3 kúnnen keıin arttan qýǵynshylar kórinedi, qarasy mol, oǵan shaǵyn top tosqaýyl bola almaıtynyn biledi. Aılaker ury Tásh aldyna Seıitjandy qýǵynshylar aldynan shyǵyp, daýys jeter jerge kelgende:

— O, jamaǵaıyndar, el qonyp qaldy, saqtanyńdar! — dep aıqaılaıdy. «El qonyp qaldysy» — kóship kele jatqan el edik (sol kez úshin asa qaterli juqpaly aýrý-sheshek, tyryspaı keldi degeni eken).

Sonda qýǵynshylar ańtarylyp, «bosqa qyrylarmyz, «mal — jan sadaqasy» dep eline qaıtqan eken. Al urylar mol oljasymen eline kelipti.

---