InfoHub Logo

Aǵash arasyndaǵy jol. Ańnan qaıtyp kele jatyrmyn. Itim aldymda júgirip keledi. Bir kezde ıtim aldymda qus barlyǵyn bilgendeı boldy. Júrisin tejep, eptep basýǵa aınaldy.

İlgeri joldy qýalaı qarasam, tumsyǵynyń aınalasy sarǵylt, basyna jumsaq mamyq jún shyǵyp kele jatqan torǵaıdyń balapany kózime tústi. Jel aǵash basyn teńseltip tur. Balapan uıasynan qulap qalyp, jańa ósip kele jatqan súırik qanatyn jaıyp, qımyl etpesten otyr.

Itim eptep basyp jýyqtap qaldy. Bir kezde janyndaǵy aǵashtan kenet kári qara tamaq torǵaı ushqan tastaı zý etip, tap ıttiń tumsyǵynyń aldyna kelip tústi. Júni úrpıip, túsi qashyp, abdyrap sasqan, kisi aıarlyq daýyspen shyryldap, ashyp turǵan ıttiń aýzyna qarap bir-eki ret shapshydy.

Balasyn qorǵap qutqarý úshin jaýdyń aýzyna qarsy umtyldy. Qurttaı denesi qoryqqannan dirildep, daýysy barqyrap, qarlyǵyp torǵaı óle jazdady. Torǵaı ózin-ózi qurbandyqqa qıdy! Torǵaıǵa ıt qandaı zor dajal. Sonda da qaýipsiz bıik butaǵynda jany tózip otyra almady...

Erkinen áldirek kúsh torǵaıdy joǵarydan tómen laqtyryp túsirdi.

Meniń Qutpanym toqtap, keıin shegindi. It te álgi kúshti moıyndady.

Men uıalyp, sasyp búgejektep qalǵan ıtti shaqyryp aldym. Torǵaıdy syılap, kóńilim buzylyp, jónime jóneldim.

---