InfoHub Logo

Naqty osy jer ony elimen, ótkenmen jáne bolashaqpen baılanystyrady. Mine, sondyqtan da tipti balalyq shaqtan bastap - aq adamda otanǵa degen mahabbat sezimi oıanady. Árbirimiz úshin Otan oshaq basynan bastalady: týǵan jer, týǵan kóshe, týǵan qala nemese men úshin týǵan kent. Meniń Otanym kishkentaı bolsa da, men úshin asa qymbat jer Bestóbe kentinen bastalady. Dál osy jerde meniń kóńildi de, shattyqty, ýaıymsyz balalalyq shaǵym ótti. Úıdiń mańyndaǵy aýlada oınaǵanym jáne bala - baqshaǵa barǵan kóshe áli esimde. Sol kezde ol maǵan óte uzyn bolyp kórinetin. Munda kólik sırek júretin, biraq serýendep júretin adamdar kóp bolatyn.
Iá... Týǵan jer uzaqqa qıyp jibermeıtin.

Sen árqashan óziń barmasań da, oımen qıaldap týǵan kósheni, esiktiń aldyn, «Qyzym, úıge kir...» degen ananyń sózderin eske túsiresiń.
Júrektiń álsizdúrsili estiledi. Qazir boıjettim, biraq ta ómir boıy men úshin balalyq shaqtaǵy týǵan aýla men kóshe – meniń kishkentaı Otanym.

Sonymen birge men elimniń bir bólshegimin, onyń búgini men bolashaǵymyn.Bizdiń Qazaqstan – kóp ultty memleket.

Beıbitshilik pen dostastyqta, tatýlyqta birge jumyla otyryp, qyzmettiń ár túrli salasynda qazaqtar men orystar, tatarlar men nemister, ýkraınder men kárister... eńbektenýde. Men sońǵy júz jylda Qazaqstan jerine ár túrli halyqtar qonys tepkenine jıi oılanamyn.

Bizdiń elimiz sıaqty meniń aǵaıynym da kóp ultty.

Birlik, ultaralyq kelisim jáne saıası turaqtylyq – qazaqstandyqtardyń qalaýy.

Men ony bilemin.Onda tatarlar da, orystar da, qazaqtar da bar. Olardyń taǵdyryn, ómir tarıhyn tyńdaǵanda meniń elim odan saıyn maǵan jaqyndaı túsedi, ony jaqsyraq túsine bastaımyn.

Bizdiń otbasy tarıhymyz myńdaǵan basqa otbasylardyń tarıhyna uqsas.Ómirdiń qıyn kezderinde, aýyr jumystarda, ótip jatqan kúnder men merekelerde ár túrli ult ókilderiniń pikiri qalyptasty.

Adamzat balasynyń tatýlyǵyna umtylý ár halyqtyń qanynda bar, ásirese ol qazaqstandyqtarda erekshe damyǵan.

Bul qazaq jeriniń jomarttyǵynan, osy ólkelerge taǵdyr alyp kelgen barlyǵyna qushaǵyn keń jaıyp, peıilin keńge salatyn qazaq halqynyń minezinen jaralǵan.Osynda turýshylardyń barlyǵy qazaq halqynyń tilin, tarıhy men salt - dástúrin bilýi kelek. Qazaqstanda turatyn barlyq halyqtyń tatýlyǵy men birliginiń máni osynda.

Ol baıyrǵykórkem Qazaqstan jerinde beıbitshilikti saqtaýǵa kómektesedi.Al tatýlyq – bolashaqta gúldenýdiń mańyzdy talaby.Týǵan jer... Týǵan el... Osy eki ǵana sózde qanshama maǵyna, qanshama oı jatyr deseńizshi?! Týǵan jerdiń qadirin ár adam árqalaı túsinetin shyǵar. Al men úshin Týǵan jer qadiri dúnıedegi eń uly degen nársemen para-par. Sebebi, ol – meniń álpeshtegen anam, aıalap ósirgen ákem, týǵan-týysym, aǵa-ápkelerim, meni bilim jolyna jetelegen ustazdarym, sol bilimge umtylý jolyndaǵy taı-qulyndaı tebisken jora-joldastarym dúnıege kelgen jer. Meniń Týǵan jerim, Otanym – kishkentaı bolsa da, men úshin asa qymbat ári kıeli Qarmaqshy jeri. Osy mekende meniń kóńildi de shattyqqa toly, ýaıymsyz da beıkúná balalyq shaǵym ótti. Qyzyqqa toly balalyq shaǵym ótken týǵan aýyldyń aýlasyn esh ýaqytta umytpaq emespin. Balabaqshadaǵy kúnderim... Mektep tabaldyryǵyn alǵash attaǵan kún... Synyptas dostarymmen alǵashqy tanystyq... Bári-bári qazirgideı kóz aldymda. Osylaısha mektep tabaldyryǵyn attaǵan kúnimdi kóz aldyma ákelsem, búgingi bilim ordasymen, sanaptas dostarymmen qoshtasar sáttiń jaqyndaǵanyna da sene almaı qalamyn. Áredik orta mektepti bitirýge sanaýly ǵana kún qalǵanyn, synyptas dostarymyzben jan-jaqqa, Qazaqstannyń túkpir-túkpirine bilim izdep kete baratynymyzdy, balalyqpen qoshtasýym tıis ekenin oılasam bitti – júregim atsha týlap, qobaljyp qoıa beredi. Endi áne-mine degenshe súrleý-soqpaǵy kóp ómirdiń úlken belesine attanbaqpyn. Men – jas túlekpin alǵa umtylǵan. Jas túlek – bolashaq úlken mamandyq ıesi, ómir atty kerýenniń bir jolaýshysy. Qalaǵan mamandyǵymnyń sońyna túsip, ómir-kerýen qaıda jetelese – sonda jol tartpaqpyn. «Sen de bir kirpish, dúnıege ketigin tap ta bar qalan» dep qazaqtyń dara tulǵaly aqyny Abaı atam aıtpaqshy, ómirden óz ornyn tapqan durys qoı. Degenmen «týǵan aýylymdy tastap kete baramyn» degen oıdyń ózi meniń kıeli, qut mekenime degen saǵynyshymdy qazirden arttyra túsedi. Týyp-ósken jerim týraly tolǵanyp, oı jetegine berilgen shaǵymda únemi Avar eliniń naǵyz patrıot aqyny Rasýl Ǵamzatovtyń myna bir shýmaqtary oıyma oralady da turady:

Qymbat maǵan elimniń bar dalasy,
Baltyq penen Sahalınniń arasy.
Qaıda bolsam qıam oǵan janymdy,
Týǵan jerden qazsyn biraq qabirdi.

Týǵan elge, Týǵan jerge, Týǵan tilge degen ystyq sezimniń úzdik úlgisi men úshin osyndaı bolmaq. Otan týraly oı tolǵasań, jan tolǵanysyn aıtyp taýysa almassyń, sirá. Týǵan jerine degen sheksiz mahabbatqa ıe júregimmen ózimniń synyptas dostaryma alda turǵan úlken syn – UBT-dan súrinbeı ótip, ózi súıgen mamandyqtyń ıesi bolýyn tileı otyryp, Týǵan jerdiń – qazaq eliniń qadirin bile júreıik degim keledi

---