InfoHub Logo

Almaty oblysy
Jambyl aýdany Aqterek aýyly
11-synyp oqýshysy Erjanqyzy Nazerke

Otan, týǵan jer, týǵan aýyl... Bul tirkes adamzat úshin eń mańyzdy dep oılaımyn. Iá týǵan jerdiń qadirin shalǵaıda júrgende bilesiń deıdi. Solaı da shyǵar. Men Alataýdyń bókterindegi Aqterek aýylynda týyp óstim. Es bilgeli óz aýylymnyń topyraǵyn basyp, taza aýasymen tynystap, móldir sýymen sýsyndap kelemin. Búgin sol aýyldyń turmys, tirshiligi jaıly, osy aýyldyń tulǵalary jaıly sóz qozǵaımyn.
Tórt myńnan asa halqy bar Aqterek aýyly búginde aldyńǵy qatarly aýyldardyń biri. Jyldan-jylǵa kórkeıip keledi. Sebebi túrli halyqqa qyzmet etetin ortalyqtar salynyp, halyqtyń qoldanysyna berilip jatyr. Mysaly, balabaqsha, toıhana, túrli saýda ortalyqtary, saıabaq degen sıaqty elge qajetti nysandardyń barlyǵy bar. Osynyń bári osy aýyldan shyqqan el aǵalarynyń arqasynda boı kóterdi. Al, "Aqterek" sharýa qojalyǵy týraly aıtar bolsam óz aldyna bir basqa. Óıtkeni bul sharýashylyqta aýyldyń teń jartysy qyzmet etedi, ıá jastar qaladan jumys izdemeıdi. Kóktem men kúzde egin egilip, ony jınap, baý-baqshamen aınalysyp, sonyń jemisin kórýde. Sonymen qatar qojalyqtaǵy barlyq jumysshyǵa atqarǵan eńbegi úshin sharýa qojalyqtyń ıesi Shaınúsipov Temirlan aǵaı eńseli úıler salyp, aýyl turǵyndaryn qýanyshqa bóleýde. Sońǵy jyldary aýyldyń sánin kóptegen ádemi, jańa úıler kirgizip tur.

Meniń aýylymnan ataqty tulǵalar da shyqqan. Ataǵy qazaq eline jaıylǵan aıtysker aqyn Esdáýlet Qandekov, odan buryn dúnıege kelgen, ult-azattyq kóteriliste jerin qorǵaǵan Qarash batyr. Aqterek orta mektebiniń kórkeıýine biraz jyl eńbegi sińgen, dırektorlyq qyzmet atqarǵan Jumadil Esdáýletov. Osyndaı tulǵalar shyqqan bizdiń aýyldyń halqy da óz eline janashyr, bir-birine meıirimdi jandar. Bizdiń ólkeni "aqyndar men batyrlar aýyly" dep tegin aıtpasa kerek.

Osyndaı berekesi men birligi jarasqan aýylda dúnıege kelgenime maqtanamyn. "Týǵan jerge týyńdy tik" demekshi men de bolashaqta elime qyzmet etip, bir kirpishi bolyp qalanatynyma senimdimin. Aıtylmaı, eńbegi elenbeı júrgen tulǵalarymyz qanshama... Týǵan elge degen qurmet ár qazaqtyń balasynyń júreginde bolýy kerek dep oılaımyn. Men elimdi álemge tanytqym keledi. Sol sebepti de jýrnalıs mamandyǵyn tańdadym. Elimnen shyqqan tulǵalar jaıly áli talaı maqala jazatyn bolamyn.

---