InfoHub Logo

Iá , týǵan jerdiń qadir – qasıetin túsiný úshin danyshpan bolýdyń qajeti joq. Júreginde ımany bar adamdardyń osylaı oılaıtyny sózsiz.

            Rasynda da, árkimniń kindik qany tamǵan jeri qymbat bolsa, men úshin Aral qalasy - jumaqtyń mekeni.

Shyndyǵynda da, altyn uıań – otan qymbat, týyp ósken eliń qymbat, kindik kesken jeriń qymbat ekendigi barshaǵa aıan. Mundaıda  aqıyq aqyn Zeınolla Shúkirovtyń :          «Kindigim birge Aralmen,
                               Teńizden tynys alam men.
                               Aq peıil ana sekildi
                               Aldymda jatyr dalam keń!  » - degen  sózi oıǵa oralady.  

 Shabytyńa shabyt  qosylyp ketetin shejireli  óńir – meniń týǵan jerim   -  búginde  ajarlana túsken.

Elimiz táýelsizdiktiń kók týyn jelbiretkennen keıingi ýaqyt aralyǵynda  Aral aýdanynyń tynys-tirshiligi jaqsardy.  Baq qusy qaı jerde yntymaq, aýyzbirshilik, jarasymdylyq bar – sol jerge qonady emes pe?! Sol baq qazir Aral aýdanynda dep oılaımyn. Osy 26 jyl ishinde  qalamyz qalaı ózgerdi deseńshi. Jazsam ,bir paraqqa syıǵyzý múmkin emes.                                                                                                                 Janqoja batyr kóshesi men Aqtan batyr kósheleriniń tusynda, № 62 mektep - lıseıiniń aldynda táýelsiz eldigimizdiń rýhanı qos qanaty ispetti qos batyrymyz Jańqoja batyr men Aqtan batyrdyń tarıhı eskertkish tulǵalary qatar qondyryldy.
Aral aýdanynyń qaq ortasynan Táýelsizdik alańy ashyldy. Osy alańnyń qaq ortasynda bıiktigi jıyrma bir metrlik, ushar basynda bir qolynda qyran, ekinshi qolynda sadaǵy bar, qoladan quıylǵan qazaqtyń at ústindegi qas batyry beınelengen alyp monýment ornatyldy. Al, onyń tómengi jaǵyna osy óńirge belgili Áıteke bı bastaǵan 11 bı, Sartaı bastaǵan 11 batyr, Nurtýǵan bastaǵan 11 aqyn-jyraýlarǵa arnalǵan eskertkish ornattyldy. Ereksheligi sol, monýmenttiń 21 metr bıiktikte salynýy HHİ ǵasyrda boı kótergendigi, al, 33 bı, aqyn-jyraýlardyń esimderi jazylýdaǵy 33 sany qazaqtyń taspıh qaıyrymyna sáıkes keletindigi. Táýelsizdik alǵaly bergi qalanyń tynys -tirshiliginiń birin qaldyrmaı, tizbektep aıtý múmkin emes, árıne.                                                                                                                                      - Kózdi ashyp-jumǵansha el táýelsizdiginiń tańy atqanyna da 26 jyl tolypty. Osy 26 jyl ishinde jetken jetistikterimiz  bolashaqtyń jarqyn bolatynynyń aıǵaǵy ,-deıdi úlkender.Al men osy tynyshtyǵymyz ben aýyzbirshiligimizdi,berekemizdi saqtaı gór dep tileımin.Ylaıym solaı bolǵaı.

---