InfoHub Logo

R.Sarsenbın atyndaǵy №192 jalpy bilim beretin mekteptiń
11 synyp oqýshysy Naǵashbekova Aıym Asqarqyzy

 

Maqsatqa jetý úshin bizdiń sanamyz isimizden ozyp júrýi, ıaǵnı odan buryn jańǵyryp otyrýy tıis.  Bul saıası jáne ekonomıkalyq jańǵyrýlardy tolyqtyryp qana qoımaı, olardyń ózegine aınalady.

Nursultan Nazarbaev

Rýhanı jańǵyrýdyń negizi - halyqtyń, jeke adamnyń tulǵaǵa aınalýy. Ár zamannyń óz mindeti, urpaqqa qoıar talaby bar demekshi, memlekettiń damýy - urpaqtyń ýaqyt talabyna saı beıimdelip, mádenı ortaǵa qalyptasýǵa degen umtylysyna baılanysty.

Rýhanı jańǵyrýdyń birneshe baǵyttaryn atap ótsek:

1. Ulttyq biregeıilikti saqtaý.

Ulttyq jańǵyrý - ulttyq sananyń kemeldenýi. Birinshi, Elbasymyz aıtqandaı "jańa turpatty jańǵyrýdyń eń basty sharty ulttyq kodty saqtaı bilý."  Ulttyq mádenıet saqtalmasa, eshqandaı jańǵyrý bolmaıdy. Ekinshisi - ulttyq bolmystyń ózegin saqtaý, ótkenniń kertartpa tustarynan bas tartý.

2. Básekelik qabilet

Ulttyń aımaqtyq nemese jahandyq naryqtaǵy baǵasy, ózgelerden sapasymen utymdy dúnıe usynýǵa qabileti. Zaman talabyna saı tutas halyq qana emes,jeke adamnyń ózi básekelik qabiletin arttyryp, tabysqa jetýge múmkindik alady.

3. Pragmatızm

Óziniń ulttyq jáne jeke baılyǵyńdy naqty bilý, sol baılyqty únemdeı otyra qoldana bilý. Bolashaqty josparlaı otyra, ysyrapshyldyq pen dańǵoılyq qasıetterge jol bermeý. Bilim alýǵa, maqsatqa jetýge, kásibı turǵydan jetilýge degen ynta yqylas, osy jolda ár nárseni utymdy paıdalaný minezdiń pragmatızmi. Zamanaýı álemdegi birden-bir úlgi.

4. Bilimniń saltanat qurýy

Bizdiń qanymyzda bar qasıet - bilimdi bolýǵa umtylý. Tabysty bolýdyń basty faktory - bilim. Jyl ótken saıyn, biz júrisi jyldam damyǵan dáýirge aıaq basyp kelemiz. Sondyqtan, qundylyqtar júıesinde bilimdi bárinen bıik qoıatyn ult BIİK TABYSTARǴA JETEDİ.

Qoryta aıtqanda, bul Elbasymyzdyń utymdy qaǵıdasy, halqyna degen asyl úndeý ósıeti. Rýhanı jańǵyrý - adam balasynyń ishki áleminiń jańarýy, sana-sezimi ózgeristi qabyldaı bilýi. Tarlan tarıhtyń, jasampaz búgini men jarqyn bolashaǵyn úılesimdi úılestiretin ult jadynyń tuǵyrnamasy. Osy tuǵyrnamadan aýytqymaı, elbasymyz urpaqqa menzegen dara jolymen bıik-bıik shyńdardy baǵyndyratynymyzǵa senimdimin!

---