InfoHub Logo

Ulttyq biryńǵaı testileýdiń eki kezeńde ótetindigi týraly tolyq málimet.

1. Qorytyndy atestattaý – bul memlekettik bitirý emtıhany.

2. UBT - joǵary oqý oryndaryna túsý emtıhany.

1. 11 synyp oqýshysyn qorytyndy atestattaý bitirýshi emtıhan nysanynda mektepte bes pánnen, onyń ishinde 4 mindetti (ana tili, ekinshi til, algebra jáne analız bastamalary, Qazaqstan tarıhy) jáne

oqytý beıini (QGB jáne JMB) eskerile otyryp 1 tańdaý boıynsha pánnen ótedi.

Barlyq emtıhandar, onyń ishinde testileý de bilim alýshynyń ózi oqıtyn mektebinde ótedi.

Emtıhandardyń tizbesi jáne nysany mynadyı:

1) Ana tili jáne ádebıetinen (oqytý tili) esse nysanynda jazbasha emtıhan. Essege 3 astronomıalyq saǵat beriledi.

Usynylǵan úsh taqyryptan oqýshy bir taqyrypty tańdaıdy. 250-300 sózden turatyn esse jazýy qajet.

Esse taqyrybyn tańdaǵannan keıin bitirýshiler negizgi ıdeıany anyqtaýy (ol ne týraly?), problemany jınaqtaýy, dálelder jazýy, til quraldaryn jáne tildik ádisterdi (salystyrýlar, epıtetter, metaforalar, rıtorıkalyq suraq, kirispe sózder men usynystar t.b.) paıdalanýy, esseniń jalpy qorytyndysyn qalyptastyrýy kerek.

Qazaq tilinen esseniń úlgilik taqyryptary

1. Saıahatshylar ózi kelgen eldiń salt-dústúrin saqtaýǵa mindetti me?

2. Ǵylymı-tehnologıalyq progres adamdarǵa áser etedi dep oılaısyz ba?

3. Kınoóndiris jastarǵa óz áserin tıgizedi dep oılaısyz ba?

Barlyq jumystarǵa biryńǵaı baǵalaý ólshemshartary qoldanylady.

2) Algebra jáne analız bastamalary páninen jazbasha emtıhanǵa 5 astronomıalyq saǵat beriledi. Bul emtıhan 5 tapsyrmadan turady.

Tapsyrmalar matematıkalyq faktilerdi, túsinikterdi jáne tásilderdi meńgerý deńgeıin anyqtaýǵa, esep shyǵarý jáne logıkalyq tapsyrmalardy sheshý daǵdylaryn, fýnksıonaldyq saýattylyǵyn bilýge baǵyttalǵan.

3) Qazaqstan tarıhynan aýyzsha emtıhan (bılet boıynsha);

Ár bılette 3 suraqtan bolady. Eki suraq Qazaqstan tarıhynyń barlyq kýrsynyń negizgi bólimderinen teorıalyq suraqtar, 3-shi suraq shyǵarmashylyq turǵydaǵy tapsyrma (karta, keskinder, portretter, hranologıalyq kesteler paıdalaný arqyly tapsyrmalar t.b.).

4) Orys, ózbek, uıǵyr jáne tájik tilderinde oqytatyn mektepterde qazaq tilinen jáne qazaq tilinde oqytatyn mektepterde orys tilinen testileý (berilgen ýaqyt 80 mınýt, barlyǵy 40 suraqqa 40 bal);

 

Bul pánderdiń tapsyrmalarynyń sany men nysany mynadaı bolady.

Leksıkalyq-grammatıkalyq blok – 20 test tapsyrmasy bir durys jaýabyn tańdaý arqyly; 

«Tyńdalym» blogy – 10 test tapsyrmasy

(2 mátin, 200-250 sóz);

«Oqylym» blogy – 10 test  tapsyrmasy  (2 mátin, 200-250 sóz).

5) Tańdaý boıynsha bir pánnen (fızıka, hımıa, bıologıa, geografıa, geometrıa, dúnıejúzi tarıhy, ádebıet, shetel tili (aǵylshyn, fransýz, nemis), ınformatıka pánderiniń bireýin tańdaıdy) testileý.

Bunda barlyǵy 40 test tapsyrmasy bolady (80 mınýt, 40 suraqqa – 60 bal beriledi), onyń 20 suraǵy bir durys jaýabyn tabý arqyly (20 bal beriledi), 20 suraǵy birneshe durys jaýabyn tabý arqyly (40 bal beriledi).

Eki pán boıynsha testileý mektepte bir kúnde ótedi

Emtıhanǵa berilgen baǵalaýmen kelispegen jaǵdaıda, bitirýshi kelesi kúngi saǵat 13.00-ge deıin aýdandyq, qalalyq bilim bólimderiniń jáne oblystyq bilim basqarmalarynyń janynan qurylǵan komısıaǵa shaǵymdanýyna bolady.

Qorytyndy atestattaýdyń naqty merzimi Mınıstrliktiń «2016-2017 oqý jylyn aıaqtaý týraly» buıryǵymen aıqyndalady (2017 jylǵy 30 sáýirge deıin). Emtıhandar shamamen 2017 jylǵy 29 mamyr men 9 maýsym aralyǵynda ótedi.

Qorytyndy atestattaýdyń barlyq materıaldaryn daıyndaýdy jáne bilim basqarmalaryna deıin jetkizýdi Ulttyq testileý ortalyǵy, al mektepterge deıin jetkizýdi bilim basqarmalary uıymdastyrady.

Jazbasha jáne aýyzsha emtıhandy baǵalaýdy, berilgen durys jaýap kodtary negizinde jaýap paraqtaryn tekserýdi mektepte qurylǵan emtıhan komısıasy ár pán boıynsha júrgizedi.

Qorytyndy atestattaýdyń materıaldary (jaýap paraqtary, suraq kitapshalary t.b.) mektepte bir oqý jyly boıynda saqtalady.

Bitirý keshteri mektepte 2017 jylǵy 15 maýsymǵa deıingi merzimde  ótkiziledi.

ULTTYQ BİRYŃǴAI TESTİLEÝ (UBT)

UBT joǵary oqý ornyna túsý emtıhany jáne memlekettik granttardy bólý júıesi  retinde qalady.

2017 jylǵy UBT formaty boıynsha 120 suraq   (20+20+20+30+30=120 tapsyrma) 5 pán boıynsha, onyń 3-i mindetti jáne talapkerdiń joǵary oqý ornyna tapsyratyn mamandyǵyna baılanysty 2-i beıini boıynsha qarastyrylǵan. Barlyq suraqtar eskeriledi.

		Tapsyrma sany	Tapsyrma formasy	Baǵalaý obekti
1- blok	Matematıkalyq saýattylyq	20	Usynylǵan bes tapsyrmanyń  bir durys jaýabyn tańdaı otyryp	Fýnksıonaldy saýattylyq, logıka, sandyq salystyrýǵa tapsyrmalar
	Oqý saýattylyǵy	20 (4 mátin)	Usynylǵan bes tapsyrmanyń  bir durys jaýabyn tańdaı otyryp	Oqý, mátindi túsiný, mátin mazmunyna refleksıa, taldaý jasaı bilý, salystyrý jáne t.b.
	Qazaqstan tarıhy	20	Usynylǵan bes tapsyrmanyń  bir durys jaýabyn tańdaı otyryp	Pándi bilý
	Beıindik pánder (árbir mamandyq boıynsha eki pán)
	1 beıindi pán	20	Usynylǵan bes tapsyrmanyń  bir durys jaýabyn tańdaı otyryp	Pándi tereń bilý (meńgerýdiń ilgeri deńgeıi), keń aýqymdy daǵdylaný
		10	Usynylǵan kóp tapsyrmanyń  birneshe durys jaýabyn tańdaı otyryp	Pándi tereń bilý (meńgerýdiń ilgeri deńgeıi), keń aýqymdy daǵdylaný
2- blok	2 beıindi pán	20	Usynylǵan bes tapsyrmanyń  bir durys jaýabyn tańdaı otyryp	Pándi tereń bilý (meńgerýdiń ilgeri deńgeıi), keń aýqymdy daǵdylaný
		10	Usynylǵan bes tapsyrmanyń  birneshe durys jaýabyn tańdaı otyryp	Pándi tereń bilý (meńgerýdiń ilgeri deńgeıi), keń aýqymdy daǵdylaný

 

Testileý ýaqyty 3 saǵat 30 mınýtty quraıdy. Shekti bal 50 ózgerissiz qalady.

JOO-nyń  barlyq 175 mamandyǵy 10 kombınasıaǵa beıindi pánder sheginde bólindi. Beıindi pánderdi bitirýshi túsetin mamandyǵyn anyqtaýy úshin ózi tańdaýy tıis (Mysaly,  matematıka + fızıkany tapsyrý kezinde, talapkerdiń 52 mamandyqtyń ishinen tańdaý múmkindigi bar). 

№	Beıindi pánder	Mamandyqtar sany
1	Matematıka + fızıka	52
2	Matematıka + geografıa	18
3	Tarıh+ geografıa	7
4	Bıologıa + hımıa	22
5	Bıologıa + geografıa	12
6	Shet tili + tarıh	11
7	Oqytý tili jáne ádebıet (qazaq nemese orys) + tarıh	7
8	Geografıa + shet tili	4
9	Hımıa + fızıka	5
10	Tarıh + Adam. Qoǵam. Quqyq	4
11	Shyǵarmashylyq emtıhan	33
Barlyǵy		175

 

Testileýge qatysýǵa ótinish qabyldaý    10 naýryz – 10 mamyr aralyǵynda UBT-ny ótkizý pýnktteri arqyly júzege asyrylady. UBT 165 UBT-ny ótkizý pýnktteriniń bazasynda ótkiziledi. UBT-ny ótkizý merzimi – 20 maýsym men 1 shilde aralyǵy. 2017 jylǵy tamyz aıynda jáne 2018 jyldyń qańtar aıynda UBT-ny aqyly negizde qaıta tapsyrý múmkindigi beriledi. Shekti bal – 50.

«Altyn Belgi» ıegerleri, jalpy bilim beretin pánder boıynsha halyqaralyq, respýblıkalyq olımpıadalardyń, ǵylymı jobalardyń jeńimpazdary men júldegerleri UBT-ny jalpy negizde tapsyrady, sondaı-aq bal sany birdeı bolǵan jaǵdaıda bilim berý granttaryn alý basymdyǵy olarǵa beriledi (Mysaly, eger bitirýshi jáne «Altyn Belgi» ıegeri de 122 bal alsa, grant «Altyn Belgi» ıegerine beriledi. Eger bitirýshi kóbirek bal jınaǵan jaǵdaıda, «Altyn Belgi» ıegerine basymdyq berilmeıdi).

Jalpy bilim beretin pánder boıynsha 5 halyqaralyq olımpıadanyń jeńimpazdary men júldegerlerine arnaıy granttar bólinedi.

TALAPKERLERDİ KESHENDİ TESTİLEÝ (TKT)

Kolej bitirýshileri úshin TKT formaty ózgertildi.

TKT-nyń jańa formaty boıynsha kolejder úshin 60 suraq qarastyrylǵan, onyń 20-sy jalpy pánder jáne 40-y beıindi pánder boıynsha. Bul eger bitirýshi óz beıini boıynsha oqıtyn bolsa (Mysaly, pedagogıkalyq mamandyqqa baratyn pedagogıkalyq kolejdiń bitirýishisine arnalǵan). Mamandyq beıinin ózgertetin bitirýshi testileýdi UBT formaty boıynsha tapsyrady.

Testileý ýaqyty  - 100 mınýt.

	Tapsyrma sany	Tapsyrma formasy	Baǵalaý obekti
Jalpy beıindi pán	20	Usynylǵan bes jaýaptan bir durys jaýapty tańdaı otyryp	Tapsyrmalar bazalyq pán boıynsha  akademıalyq bilimin tekserýge baǵyttalady
	30	Usynylǵan kóp jaýaptan  bir durys jaýabyn tańdaı otyryp	Test tapsyrmalar bazalyq pán boıynsha  tereń akademıalyq bilimin jáne praktıkalyq qabyleti men daǵdylaryn tekserýge baǵyttalady
Beıindi pán	10	Usynylǵan kóp jaýaptan  birneshe durys jaýapty tańdaı otyryp	Test tapsyrmalar bazalyq pán boıynsha  tereń akademıalyq bilimin jáne praktıkalyq qabyleti men daǵdylaryn tekserýge baǵyttalady

Testileýge qatysýǵa ótinish qabyldaý    - 10 naýryz - 1 shilde aralyǵy. TKT bazalyq joǵary oqý ornynda ornalasqan 42 UBT-ny ótkizý pýnktterinde ótkiziledi. TKT-ny ótkizý merzimi – 17 shilde men       23 shilde aralyǵy. Shekti bal – 35.

2017 jylǵy UBT boıynsha mamandyqtar tizimi jarıalandy

---