InfoHub Logo

Mektepte ata-anadan aqsha jınaıdy dep syn aıtamyz. Ol árıne oryndy. Biraq múǵalimderdiń dál sondaı quqyǵy buzylyp jatqanda qoǵam úndemeı qalǵany durys emes. Ózgeris jasaıtyn ýaqyt keldi.

Muǵalimdermen barlyq óńirlerde kezdesý kezinde eń kóp estıtin suraǵym: mektepterde baspasózge erikti-eriksiz jazdyrý qashan toqtaıdy? Árıne bul suraqtyń jaýaby qıyn jáne tereń zerttep bilýdi qajet etedi. Sebebi, Bilim mınıstrligi buǵan qatysy joq, al baspasóz basshylary ondaı buıryq berýge quziretti emes. Onsyzda aılyǵy kóp emes muǵalimnen jazylý kezinde árqaısysynan 10 myń teńgeden joǵary sýmmaǵa amal joq jazdyrady. Jazylmaıyn dese dırektor ursady. Al dırektorǵa ursatyn kim? Árıne bul sońǵy kezde paıda bolmaǵan úrdis. Burynnan bar. Biraq zaman ózgerdi, zań ózgerdi. Úsh tildik, elektrondy oqytý, jańa mazmun, belsendi ata-analar, talaby mol oqýshylarmen jumys jasaý ....

Ustazdardyń jaýapkershilikteri artyp, olarǵa qoıylatyn talap kúsheıse de jalaqysy ósken joq. Al sol onsyz da az mólsherdegi aqshaǵa qoǵamnyń qol suqqany qanshalyqty durys? Jeme jemge kelgende bul zańsyz áreket. Gazet shyǵaryp taratý - tek aqsha emes bul ıdeologıa quraly dep aıtamyz. Biraq sol ıdeologıa tek ustazdardyń arasynda júrgizú kerek pe? Qansha kezdestim sol mýǵalimnen artyq memlekettiń saıasatyn qoldaýshylardy kóp kórmedim.

Qalǵandar aldymen solarǵa jetip alsyn.

Al dál sol ustazdarǵa aqparat taratý qajet bolsa mekteptiń kitaphanasyna bir eki danasy bar. Kezekpen oqýdy uıymdastyraıyq. Únemdegen aqshasyna balalaryna tamaq alsyn. Qoǵamǵa ustazdar gazet oqyǵany kerek bolsa búdjet arqyly tegin tarataıyq.

Taǵy da bir eskeretin jaǵdaı - burynǵa qaraǵanda kazir ınternet bar emes pe. Barlyq ustazdarda úıinde ǵalamtorǵa qosylǵan kompúter bar dep oılaımyn, onsyz sabaqqa daıyndalý qıyndaý. Oǵan aı saıyn aqsha tóleıdi, sol jerde qajetti aqparatty taýyp alady. Gazetterdiń saıty bar. Qosymsha aqshaǵa satyp alý qajettigi joq?

Gazet shyqannan keıin aýylǵa 3-4 kýnnen keıin jınalyp bir aq keledi. Ol kezde búkil jańalyq eskerip ketedi. Teledıdardan, ınternetten barlyǵy tanysyp qoıady. Sonda ne úshin aqshasyn tóleıdi? Kóp ustazdardyń úılerinde baspahanadan qalaı shyqty, sol kúıinshe, ashylmaı , oqylmaı "pachkasimen" taý bolyp jatqan gazetterdi kóremin. Árıne bosqa qalmaıdy - tirshiligine áıteýir jaratady.

Al meniń oıymsha gazet kazir tek ıdeologıa, saıasat quraly emes - bul aqparattyq bıznestiń bir túri. Jazylý naýqany básekelestiktiń kórsetkishi. Myqty gazetterdi izdep júrip alady. Al eger ónim sapasyz bolsa - alǵysy kelmeıdi. Onda "alsańda alasyń, almasańda alasyń" dep májbúrlegenshe, gazetterdiń sapasyn durystaýǵa áreket jasaıyq. Eń myqty jýrnalıserdi tartyp, eń qyzyqty paıdaly maqalalar jazdyraıyq. Pedagogtardyń jaqsy jamandy tańdaýǵa bilimi jetedi. Ózderi qyzyǵyp alyp oqıdy.

Al bıznestiń bireýine gazet satýyna kómektesip bireýne kómektespeý - bul sybaılastyq jemqorlyqtyń belgisi. Bir de bir múǵalim prokýratýraǵa aryz jazsa jaýapkershiligi aýyr. Ony da oılaný kerek. "Idelogıany qoldaımyn" dep júrip memlekettiń sybaılastyq jemqorlyqty boldyrmaý, azamattardyń quqyǵyn qorǵaý ıdeologıasyna qarsy áreket bolyp tabylmasyn.

Bul máselede qalalyq jáne aýyldyq jerde jazylý ózgesheligi bar. Iaǵnı, qala muǵalimi jazylýda erkindeý. kóbisi qalaǵan baspasózine ózi jazylady. Al aýylda eriksiz jazdyrý kóbirek. Osy máseleni zerttep búkil qoǵam bolyp muǵalimderimizge kómektesetin bir naqty sheshimin tabatyn ýaqyty keldi.

Bas prokýratýra, jergilikti ákámshilik , qoǵamdyq uıymdar osy másele boıynsha tez arada shara qabyldaý kerek.

Murat Ábenov

Áleýmettik jelidegi jeke paraqshasynan.

Pýnktýasıa saqtalǵan.