InfoHub Logo

Aqparattyq-taldaý ortalyǵy «bilim berýdiń jáne ǵylymnyń sapasyna qanaǵattanýshylyqqa monıtorıń jasaý» jobasynyń aıasynda úsh keń aýqymdy áleýmettik zertteýdi qorytyndylady.

«Bilim berý bul - eń aldymen qoǵamnyń áleýmettik tapsyrysy. Sondyqtan da Bilim jáne ǵylym mınıstrligi birqatar áleýmettik zertteýler ótkizýge bastamashylyq etti, olar halyqpen keri baılanys ornatýdyń  yqpaldy tetigi bolyp tabylady. Zertteý Qazaqstannyń barlyq óńirlerin qamtydy. Saýalnamaǵa 5 500 respondent qatysty»,-dep atap ótilgen Aqparattyq-taldaý ortalyǵynyń málimetinde.

Belgili bolǵandaı, nátıjeler halyqtyń bilim jáne ǵylym salasynda júzege asyrylyp jatqan bastamalar týraly aqparatqa joǵary qyzyǵýshylyq tanytanyn dáleldeıdi. QR BǴM men óńirlerdegi bilim basqarmalarynyń resmı veb-paraqshalaryna qaraǵanda, televızıa aqparatty tartýdyń keń taralǵan qaınar kózi bolyp qaldy.

Halyq pen sarapshylar jergilikti atqarýshy organdardyń mektepke deıingi uıymdarda oryn kezegin úlestirý qyzmetin, beıindi mınıstrliktiń normatıvtik quqyqtyq aktilerdi sapaly ázirleý qyzmetin tómen baǵalaıdy.

«Halyqtyń 72 paıyzy memlekettiń 2017 jyldan bastap birinshi jumysshy mamandyqty tegin berý saıasatyna qanaǵattanady. Respondentterdiń pikirinshe, bul jastardyń qoǵamda áleýmettenýin qamtamasyz etýge múmkindik beredi (69%), elimizdegi jumyssyzdyqtyń deńgeıin tómendetedi (66%) jáne jumysshy mamandyqtardyń bedelin arttyrady (62%). Saýalnama men basty respondetterdiń tereńdetilgen suhbattarynyń nátıjeleri boıynsha qorytyndylar men usynystar bilim men ǵylym salasyndaǵy baǵdarlamalyq qujattardy ázirleýde eskerilýi tıis»,-delingen ortalyq habarlamasynda. 

---