UBT: Alty aı buryn JOO-ǵa túsý úshin qansha bal jınaý kerek
Ulttyq biryńǵaı testileýge engizilgen ózgeristerge sáıkes oqýshy JOO-ǵa túsý úshin qansha bal jınaýy kerek? Bul týraly Úkimet otyrysynan keıin Bilim jáne ǵylym mınıstri Erlan Saǵadıev tilshilerge aıtty.
«Qujattardy tapsyryp, UBT-dan ótýge bolady (qańtar aıynda). 50 bal alsańyz, sol joǵary oqý ornyna túsip, shartty qorǵaý deıdi ǵoı, sol jerde úlken UBT-ny kútýge bolady. Ekinshi UBT jazda bolady ǵoı. Grantqa túskisi kelse, onda jazdaǵy - ekinshi UBT-ǵa qatysýǵa quqyly. JOO-da aqshasyn ózim tólep oqımyn dese, UBT-ǵa (jazdaǵy - avt.) barmaı, qańtar aıynda bekitilip, ýnıversıtetke kúzde bir-aq bara alady», - dedi Erlan Saǵadıev tilshilerge bergen jaýabynda.
Mınıstrdiń aıtýynsha, mektep bitirerden alty aı buryn aqyly oqýǵa túsetinder JOO-daǵy bekitilgen tólemmen, eshqandaı jeńildiksiz bilim alatyn bolady.
Iaǵnı, JOO-da aqyly oqýdy qalaıtyn mektep túlekteri UBT-ny qańtar aıynda tapsyryp, jazdaǵy dástúrli UBT-ǵa qatyspaýǵa quqyly.
Eske sala ketsek, QR Bilim jáne ǵylym mınıstri Erlan Saǵadıev búgingi Úkimet otyrysynda Ulttyq biryńǵaı testileýge qatysty ózgeristerdi jarıalaǵan bolatyn. Onyń aıtýynsha, birinshiden, kelesi jyldan bastap UBT jyl ishinde qańtar aıynda bastalyp, birneshe ret ótkiziledi. Ekinshiden, qańtardan bastap mektep túlekteri úshin aqyly negizde oqýda shartty túrde túsýge múmkindik beriledi. Úshinshiden, joǵary oqý oryndarynda shetel azamattarynyń oqý jyly kezinde oqýǵa qabyldaý múmkindigi qarastyrylǵan. Tórtinshiden, shetel azamattary, sonyń ishinde qazaq dıasporasy úshin stıpendıalyq baǵdarlamalar engiziledi. Besinshiden, magıstratýraǵa qabyldaýdyń jańa modeli engizilýde.
QazAqparat
You Might Also Like
-
On segizden tiri qalǵan úsheý týraly orys áni kópke málim. Tarıhyn estigen jurttyń bári kózine jas alady.
-
Qaraǵandy qalasyna jumys saparymen barǵan QR Bilim jáne ǵylym mınıstri Erlan Saǵadıev pedagogtarmen kezdesip, Prezıdent Joldaýyndaǵy basymdyqtar týraly aıtty.
