InfoHub Logo

Búgin elimizde Ulttyq biryńǵaı testileý bastaldy. Test UBT tapsyratyn 169 pýnktide ótedi.

QR Bilim jáne ǵylym mınıstrliginiń málimetinshe, UBT-ǵa ótinish qabyldaý 1 sáýir men 10 mamyr aralyǵynda júrgizildi. UBT-ǵa qatysýǵa ótinish bildirgenderdiń jalpy sany - 117 242. Onyń ishinde osy jyly mektep bitirýshiler sany 96 380 adamdy (ótken jylǵy mektep bitirýshiler sany - 20 862) qurady.

«UBT-2019 nátıjesin: @edu.gov.kz_bot Telegram-boty kómegimen, edu.mail.kz saıtynan, Ulttyq testileý ortalyǵynyń resmı saıtynan bilýge bolady. Ol úshin árbir testilenýshige beriletin TJK (testilenýshiniń jeke kodyn) engizý qajet», - dep atap ótti mınıstrlikten.

Aıta keterligi, bıyl mınıstrlik UBT tapsyrý kezindegi kez kelgen buzýshylyqtardy, onyń ishinde jaqsy nátıjeler alý úshin úshinshi tulǵalardyń qyzmet kórsetýin boldyrmaý maqsatynda naqty qadamdar qabyldaýda.

«Biz barlyq túlekter men ata-analardan mundaı jaǵdaılarǵa beıjaı qaramaýdy ótinemiz. Eger sizderge «durys jaýaptar kodyn» satyp alýdy usynsa, testileý kezinde kóshirip alý kýágeri bolsańyz nemese testileý kezinde bóten adamdardyń júrgenin kórseńiz +7 (7172) 69-50-87 telefonyna habarlasyp nemese @edu.gov.kz_bot Telegram-botyna hat jazýdy suraımyz», - dedi vedomstvodan.

---