InfoHub Logo

Sapaly sporttyq aıaq kıimdi tańdaýǵa kómektesetin keńester.

1. Naqty bir sport túrine laıyqtap tańdaý jasańyz

Basketbolǵa arnalǵan aıaq kıim basketbol oınaýǵa arnalǵan. Tenıstegi týflı tenıs oınaýǵa arnalǵan. Krosovkalar júgirýge arnalsa, serýenge arnalǵan krosovkany serýenge shyqqanda ǵana kıý kerek. Bul tigin sheberhanasynyń sizdi kóp sh№yǵynǵa batyrý úshin jasaǵan qýlyǵy emes. Ár sport túrine arnalǵan, shynynda da, arnaıy óz aıaq kıimi bolýy qajet.

Óndirýshiler sporttyq aıaq kıimdi sportsmenniń is-áreketin jeńildetetin, oǵan kómek bolatyndaı barynsha paıdaly etip jasaýǵa tyrysady.

Aıaq kıimniń qandaı sport túrimen aınalysýǵa arnalǵanyna baılanysty tańdalǵany mańyzdy.

Eger siz 2-3 sport túrimen aınalyssańyz, onda bir «ámbebap» krosovkadan góri olardyń árqaısysy úshin 2-3 jup aıaq kıim bolǵany durys.

2. Aıaq kıimińizdi ýaqytynda aýystyryńyz

Ózińizge kesiri tıetin eń nashar istiń biri — eski sporttyq aıaq kıimdi kıip júre berý. Aıaq-kıim sizdiń aıaǵyńyz ben tobyǵyńyzdy qorǵaýǵa arnalǵan. Biraq ishki amortızasıalaý qabaty synǵan kezde, sizdiń barlyq deneńiz osynyń saldarynan zardap shegedi.

Sporttyq medısınaǵa mamandanǵan amerıkalyq Podiatric akademıasy aıaq kıim aýystyrýdyń qajettigin bilý úshin kelesi keńesterdi usynady:

— Shamamen 450-den 600 kılometrge deıin júgirý nemese jaıaý júrý;

— 45 saǵattan 60 saǵatqa deıin basketbol, aerobtyq bı, tenıs nemese basqa da qozǵalatyn sport túrlerimen shuǵyldanǵannan keıin;

— Aıaq kıim tabany tozǵan bolsa, tegis jerge qoıǵanda tegis emes ekeni kórinedi;

— Krosovkalardy únemi kımeseńiz de olar bir jyldan keıin toza bastaýy múmkin.

— Eger siz óte belsendi bolsańyz, aıaq kıimdi ár eki aı saıyn aýystyrýǵa týra keledi. Bul qymbat bolýy múmkin. Biraq bul budan keıingi medısınalyq qyzmet kórsetý shyǵyndaryn únemdeýge múmkindik berse, onda bul baǵasyna turarlyq.

3. Búdjetińizdi anyqtańyz

Sporttyq aıaq kıim $ 20-dan $ 200-ǵa deıin turady. Kez kelgen paıdalanýshy eń sońǵy kórgisi keletin nárse — satyp almas buryn rásimdeletin kóp kólemdegi aqsha.

Eń bastysy, kóptegen zertteý ortasha eseppen 80-100 dollar turatyn aıaq kıimniń óte qymbat serıalyq aıaq kıimnen eshqandaı aıyrmashylyǵy joq ekenin anyqtaǵan.

4. Keńesińiz

Eger siz árqashan 35-razmerdegi aıaq kıim kıip kelgen bolsańyz jáne ol sizge árdaıym shaq bolǵan bolsa da tańdaý aldynda satýshymen keńesińiz. Munda tek aıaq ólshemi ǵana emes, aıaqtyń bıiktigi, qajetti qoldaý deńgeıi — bári mańyzdy.

Jaqsy dúkender sizge aıaǵyńyzdy aýyrtpaıtyn jáne tez sharshatpaıtyn aıaq kıim tańdaýǵa kómektesetin kásibı keńesshilerge aqsha aıamaıdy.

5. Brendke súıenip saýda jasamaýǵa tyrysyńyz

Nike krosovkalaryn álemdegi kez kelgen basqa sporttyq aıaq kıim markalarynan kóbirek unatatynyńyzǵa qaramastan, eger olar sizdiń aıaǵyńyzǵa, júrgenińizge, siz aınalysatyn sport túrine arnalǵan aıaq-kıim usyna almasa, brend bolǵany úshin ol mańyzdy bolmaýy tıis. Aıaq kıim tańdaǵanda mindetti túrde birneshe markany kıip kórińiz. Aıaǵyńyzǵa qonymdy, sondaı-aq unatqan aıaq kıimińiz buryn eshqashan aıaq kıimin kıip kórmegen brendten bolsa, tań qalmańyz.

6. Aıaq kıim alý úshin dúkenge keshqurym baryńyz

Keshke qaraı sizdiń aıaqtaryńyz isinedi. Osy ýaqytta dúkenge kelip, aıaq kıim ólshegende sizdiń aıaǵyńyz barynsha úlken bolyp turǵanyn túsinesiz. Aıaǵyńyzǵa kishi aıaq kıim alǵansha kishkene úlken aıaq kıim alǵan durys. Sebebi jattyǵý kezinde mundaı aıaq kıim aıaqty qysýy múmkin. Sondyqtan onymen jattyǵý yńǵaısyzdyq týdyrady.

7. Jattyǵý kezinde kıetin shulyǵyńyzdy kıip baryńyz

Krosovka alý úshin dúkenge barǵan kezde mindetti túrde jattyǵý kezinde kıetin shulyǵyńyzdy kıip baryńyz. Ol sizge jaǵymsyz máselelerdiń aldyn alýǵa kómektesedi. Mysaly, shulyq qysqa bolǵan jaǵdaıda krosovkanyń arty aıaǵyńyzdy qajaýy múmkin. Tyǵyz turatyn shulyq kıgen jaǵdaıda taban jaqqa aýa barmaı, aıaǵyńyz qatty terleýi múmkin.  

8. «Úlken saýsaqtyń erejesin» paıdalanyńyz

Eger siz ómirde bir ret bolsyn kishi razmerdegi aıaq kıim kıip kórgen bolsańyz, munyń qanshalyqty aıaqty aýyrtatynyn jáne jaǵymsyz ekenin bilesiz. Sondyqtan árqashan aıaq kıimdi tańdaý jáne satyp alý kezinde bas barmaqtyń aldynda kishkene bos oryn qalǵanynyn qadaǵalańyz.  Bul oryn saýsaqty erkin jáne kedergisiz qımyldata alatyndaı bolýy kerek.

9. Satyp alý kúni etip, birneshe aıaq kıimdi kıip kóre alatyndaı, demalys kúndi tańdańyz

Satyp alý týraly sheshim qabyldamas buryn, eń joq degende 8 túrli jup krosovkalardy ólsheýge tyrysyńyz. Aıaq ólshemderi standartty emes adamdarǵa ádette 2-3 jup aıaq kıim tabýdyń ózi qıyn, sondyqtan birneshe dúkenge barý mańyzdy.

Ásirese, eski aıaq kıimniń qatty tozǵanyn kútken bolsańyz. Túrli markalardyń birneshe túrin kıip kórip, ózińiz úshin yńǵaılysyn tańdaı alasyz. Aıaǵyńyzda ár aıaq kıimniń qalaı turǵanyn umytyp qalmas úshin sýretke túsirip alyńyz.

10. Dúkennen qaıtarym men kepildik týraly málimet alyńyz

Jańa krosovkalarmen úıge barmas buryn dúkenniń taýardy qaıtarý saıasaty týraly surap bilińiz. Keıbir ınternet-dúkender satyp alýshylarǵa aıaq kıimdi, kıilip qoıǵan kúnniń ózinde, qaıtarý úshin 30 kún ýaqyt beredi. Dúkende shap-shaq bolǵan aıaq kıimniń úıge kelgende yńǵaıly emes ekenin bilý yńǵaısyzdyq týdyrady.  

Qorytyndy

Sán durys sporttyq aıaq kıim tańdaýda negizgi faktor bolmaýy kerek. Sonda da munyń mańyzdy ekenin moıyndaý da uıat emes. Eger siz belgili bir tús gammasynda jup aıaq kıim satyp alýǵa sheshim qabyldasańyz, baǵasy qol jetimdi bolyp ári sizge unaǵan bolsa, sizdiń qalaýyńyzǵa tolyq sáıkes kelse, ony alýdan qorqýdyń qajeti joq. Keıde ınternet-dúkenderde siz tańdaǵan taýar bolmaýy múmkin, biraq olar oǵan tapsyrys berip, tegin jetkize alady.

Oqýǵa keńes beremiz:

Júzý sporty jáne paıdasy

Balalarǵa arnalǵan sportty qalaı durys tańdaý kerek

Shahmat nege sport túrine jatady?

Nege denege kúsh túsirgende bulshyq etter aýyrady?

Uıyqtar aldynda sportpen aınalysýǵa bolady ma?

---