InfoHub Logo

QR Bilim jáne ǵylym vıse-mınıstri Elmıra Sýxanberdıevanyń aıtýynsha, aldaǵy ýaqytta ulttyq biryńǵaı testileýdi tapsyrý múmkindikterin barynsha arttyrý josparlanyp otyr. Sebebi «bala birden ashylmaýy múmkin».

«Buryn ulttyq biryńǵaı testileýden ótpegender kóp shýlady. Qazir testti bir ret tapsyra almasań, ekinshi ret ótýge múmkindik bar. Ekinshi ret ótpese de, jarty jyl daıyndalýǵa bolady. Sosyn joǵary oqý ornyna túse alasyzdar. Negizi, búginde bilim mınıstrligi osy máseleni jan-jaqty zerdelep, Amerıka men Anglıadaǵy SAT sıaqty testti 9-11 ret tapsyratyndaı jaǵdaıdy qarastyryp otyr. Sebebi árbir balanyń testti qaıta tapsyrýǵa quqyǵy bar. Bala birden «ashylmaýy» múmkin. Ol alańdaıdy, qobaljıdy jáne taǵysyn taǵylar. Sondyqtan oǵan testti tapsyrýǵa birneshe múmkindik berilýi kerek», - dedi vıse-mınıstr Respýblıkalyq jastar forýmynyń bilim berý salasyna arnalǵan pikirtalas alańynda.

E.Sýxanberdıevanyń aıtýynsha, mınıstrliktiń negizgi maqsaty - 2020 jylǵa deıin joǵary bilimi bar azamattardyń sanyn 35 paıyzǵa jetkizý.

Aıta keteıik, kelesi jyldan bastap, ulttyq biryńǵaı testileýdiń jańa formaty engiziledi. Oǵan sáıkes, mektepti bitirgennen keıin bólek emtıxan qabyldanady. Sonyń nátıjesi boıynsha orta bilim týraly atestat beriledi. Al, joǵary oqý ornyna túsý úshin ulttyq biryńǵaı testileýdi tapsyrý qajet.

---