InfoHub Logo

Ulttyq testileý ortalyǵy UBT ótkizý kezinde arnaıy monıtorıń toptaryn jumyldyrý týraly bastama jasady.

Ulttyq testileý ortalyǵynyń bastamasymen Ulttyq biryńǵaı testileýdiń ashyqtyǵy men obektıvtiligine qoǵamdyq baqylaý júrgizý maqsatynda Qazaqstan Respýblıkasynyń 2015-2025 jyldarǵa arnalǵan Sybaılas jemqorlyqqa qarsy strategıasynyń iske asyrylýyn syrtqy taldaý jáne baǵalaýdyń arnaıy monıtorıńtik tobynyń ókilderi jumyldyrylady.

«13 qańtarda Sybaılas jemqorlyqqa qarsy is-qımyl agenttiginde Ulttyq testileý ortalyǵy, Sybaılas jemqorlyqqa qarsy qyzmet jáne óńirlerdegi arnaıy monıtorıńtik top ókilderiniń qatysýymen jumystyq májilis ótkizildi. Ulttyq biryńǵaı testileýdi ótkizý qaǵıdalaryna sáıkes, 2020 jyly 16-20 qańtar aralyǵynda 99 pýnktiniń bazasynda UBT ótedi» delingen habarlamada.

Joǵary oqý ornyna aqyly negizde túsý úshin UBT jylyna 4 ret ótkiziledi (qańtar, naýryz, maýsym jáne tamyz). Bul rette oqýǵa túsýshiler bilim grantyn taǵaıyndaý konkýrsyna qatysý úshin maýsym aıynda ótkiziletin UBT-ny tapsyrýy qajet. Jalpy, UBT-ny tapsyrý formaty ózgerissiz. Bul norma joǵary bilim alýǵa qoljetimdilikti arttyrý maqsatynda engizildi.

UBT-ǵa qatysý úshin qujattardy qabyldaý 2019 jyly 1-15 jeltoqsan aralyǵynda biryńǵaı aqparattyq júıe arqyly júzege asyryldy. Nátıjesinde, UBT - ǵa qatysýǵa 95 myńnan asa adam ótinish berdi.

Osy UBT-ǵa orta mektepterdiń 11 (12) synyp oqýshylary, birinshi akademıalyq oqý kezeńin aıaqtaǵanǵa deıin (shartty túrde qabyldaý) JOO-ǵa qabyldanǵan tulǵalar, sondaı-aq shyǵarmashylyq daıyndyqty talap etetin bilim berý baǵdarlamalary tobynda oqıtyn jáne basqasyna aýysýǵa nıet bildirgen stýdentter qatysady.

Óńirlerge Qazaqstan Respýblıkasy Bilim jáne ǵylym mınıstrliginiń ókilderi jiberiletin, apelásıalyq komısıalar qurylatyn, medısınalyq kómek kórsetý pýnktteri uıymdastyrylatyn jáne testileý barysynda qaýipsizdik qamtamasyz etiletin bolady. Budan basqa qajet bolǵan jaǵdaıda, jeke kómekshiler, sondaı-aq erekshe bilim berý qajettiligi bar balalarǵa arnalǵan sýrdoaýdarmashylar usynylatyn bolady.

UBT ótkizý úshin jergilikti jerlerde 594 adamnan turatyn UBT uıymdastyrý jáne ótkizý boıynsha memlekettik komısıalar quryldy. Memlekettik komısıanyń quramyna oblystar nemese respýblıkalyq mańyzy bar qalalar ákimdikteriniń ókilderi, quqyq qorǵaý organdarynyń, qoǵamdyq uıymdardyń, buqaralyq aqparat quraldarynyń ókilderi kirdi.

UBT-da 820 aýdıtorıa paıdalanylady. Barlyq aýdıtorıalar uıaly baılanys quraldarynyń jumysyn basatyn quraldar jáne beınebaqylaý kameralarymen qamtamasyz etilgen.

---