InfoHub Logo

Sabaqtyń taqyryby: «Ulaǵat bolsyn ulyma, ǵıbrat bolsyn qyzyma».
Sabaqtyń maqsaty:
• Ata – ájelerimizden umyt bolyp bara jatqan ulttyq qolónerdiń túrlerin, qasıetterin bilip úırený.
• Qazaq halqynyń ulttyq qolóneriniń shyǵý tarıhymen tanystyrý.
• Ulttyq oıý - órnekterdiń túrlerimen, qasıetterimen, yrymdarymen tanysý.
• Ulttyq oıý - órnekterdi jańǵyrtyp jańasha tehnologıalar men bastyryp tigýdi úıretý.
Sabaqtyń kórnekiligi:
• Taqtada ulttyq qolóner týraly ulaǵatty sózder.
• Ulttyq oıý - órnekterdiń túrleri.
• Matadan oıylǵan oıý - órnekter pannosy, oıylǵan órnekter úlgileri.
• Oıýlardy oıýǵa arnalǵan shablondar, túrli - tústi qaǵazdar, qaıshy, jelim, tigýge arnalǵan ıne, túrli jipter, bastyryp tigýge arnalǵan shıratpa jipteri. t. b.
• Mýzykalyq áýen.

Sabaqtyń barysy:
Júrgizýshi:
- Sálemetsizder me? Qurmetti qonaqtar, ata - analar men oqýshylar! Búgingi bizdiń ashyq esikter «Qaýymdaǵy ata - analar qoǵamymen birlesken jumys» aıasynda ótetin «Ulaǵat bolsyn ulyma, ǵıbrat bolsyn qyzyma» atty is - sharamyzdy bastamas buryn sizderdi kele jatqan ulystyń uly kúnimen quttyqtaımyn! Kele jatqan jańa jylymyz elimizge qut bereke ákelsin, molshylyq bolsyn degim keledi!
- Búgingi bizdiń «Ulaǵat bolsyn ulyma, ǵıbrat bolsyn qyzyma» atty is - sharamyzǵa bizdiń ata - analarymyz, ata - ájelerimiz qatysyp otyr.
- Bizdiń synybymyzda ónerli bala óte kóp, sonyń biri - Ábipbek Ǵasyr degen daryndy balamyz óziniń atasynan qamshy órýdi úırenip, qamshynyń qasıetterin bilgisi kelep talpynyp júr. Qazir sizderdiń aldaryńyzda Ǵasyr atasymen birge óz ónerin kórsetip qamshynyń qasıetteri týraly aıtyp beredi.
Álipbek Ǵasyr ortaǵa shyǵyp qamshynyń shyǵý tarıhyn aıta otyryp, qamshynyń alty órimmen órý tehnologıasyn kórsetti.
Ǵasyrdyń atasy qamshynyń yrymdyq qasıetterin aıtyp berdi.

Júrgizýshi:
- Rahmet sizderge! Ata sizge de úlken rahmet! Endi bizdiń oqýshylar qamshynyń shyǵý tarıhyn, qasıetteri men yrymdary týraly tolyqtaı túsinip, ózderiniń qamshy toqýǵa qyzyǵýshylyqtaryn bildirip otyr.
- Al, endi bizdiń ulttyq qolóneri týraly Aqmaraldyń ájesi Aqtúımesh áje óziniń qoldanyp júrgen ónerimen bóliskeli otyr.
Aqtúımesh áje:
- «Óner taýsylmas qazyna, jutamas baılyq» - deıdi dana halqymyz. Qazaq qolóneri óziniń tóltýma bitim qasıetimen, kórkemdik mán maǵynasymen, shyn máninde, halqymyzdyń ǵasyrlar talǵamynan ótken asyl qazynasy, sonyń biri – quraq quraý. Halyq óneri ǵasyrlar boıy ár túrli bolyp ózgerip, adam ómiri men olardyń turmysymen áli kúnge deıin balanysty bolyp keledi. Urpaqtan – urpaqqa jalǵasýdyń arqasynda árbir eldiń sheberleri ózderine tán erekshelikterimen tigýdiń san túrli ádisterin turmystyq buıymdarǵa, kórkemdeýdi qosa bildi.
- Oıý órnek halyqtyń ónerdiń ejelden kele jatqan bir túri. Onyń shyǵý tarıhy tereńde. Al sújettik mazmuny men ataýlary ár dáýirdiń tynys - tirshiligine, turmys saltyna oraı ózgerip, jetilip otyrǵan. Búgingi tańda halqymyzdyń oıý - órnek óneri qaıta túlep, baı mazmunymen jańa túr taýyp, materıaldyq jáne rýhanı qazynamyzǵa aınalyp otyr.
- Al, endi sizdermen birge osy ulttyq oıý - órnekterdiń bir túrin oıyp kóreıik. Segiz burysh oıý - órnegin búkteý arqyly oıamyz. Sizderdiń aldaryńyzda túrli – tústi qaǵazdar men oıýdyń shablony bar, osy shablondy paıdalanyp oıamyz.