InfoHub Logo

Stýdenttik ómir – ár adam ómirindegi qıynshylyǵymen, qyzyqtylyǵymen este qalatyn kezeń. Tórt jyly tórt kún sekildi kózdi ashyp jumǵansha ótip ketedi. Stýdent bolǵannan keıin qarnynnyń ash bolatyn, al shákirtaqy alǵan kezde toq bolatyn kezderin bolady. «Profesor», «leksıa», «stıpendıa», «konferensıa», «rýbejka», «semestr» termınderimen tanysasyń. Alǵashqy kúnderi aýdıtorıalardy izdep ýnıversıtet ishinde sharq urasyń. Mekteptegi «matematıka», «fızıka», «hımıa» degen pánderdi umytasyń. Tek ózińniń bolashaq mamandyǵyna qatysty pándermen ǵana bilimindi jalǵastyrasyń. Semestr kezinde sabaqqa kelmeı baǵa qoıar aldynda muǵalimniń artynan júgirip, bir kún ishinde tapsyrlamalardy tapsyrasyń. Leksıa qyzyqsyz bolsa sońǵy partaǵa otyryp, zerikkennen uıyqtap ketetin kezderinde bolady. Stýdenttik ómir osyndaılarymen qyzyq.

Mende basqa stýdentter sekildi qarapaıym stýdentpin. Olardan ne artyqshylyǵym, ne kemshiligim joq. Kúnde sabaqqa baryp, sabaqtan qaıtyp, ózime júktelgen mindetterdi der kezinde oryndaımyn. Basqa stýdentterden eshqandaı ereksheligim joq. Al stýdenttik ómirime keletin bolsam meniń stýdenttik ómirim keremet ótýde. Áttegeni, sol qyzyqty kúnder tez ótýde. Mine bıyl úshinshi jyl. Bir jyldan asa ýaqyt qana qaldy. Iá, stýdenttik ómirdiń qıyń kezderi de bolady ǵoı, biraq ta olar ýaqytsha ǵana.

Taqyrypqa qaraı aýysaıyq. Úlgili stýdenttiń birkúndik ómiri. Stýdenttiń ár kúni qyzyqty. Meniń bir kúnim qyzyq bola me eken? Oqyp kóreıik.

06.30-06.45. Oıatqyshtyń daýysy. Uıqym tolyq ashylmasa da «Aıdana tur» dep ózime aıtamyn. Keıin búgingi tolyq bir kúnimdi josparlaýǵa kirisemin. Tósekten turyp, ornymdy jınap, kıine bastaımyn.

06.45-07.00. Tańǵy jattyǵý. Negizi mektep kezderinde jattyǵý jasaǵan múldem unamaıtyn. Biraq stýdent bolǵannan keıin qajet bola bastady. Sebebi jattyǵý jasaý arqyly ishtegi kúızelisti joıýǵa bolady ekenin túsindim. Jattyǵý kúnińizdiń jaqsy ótýine óz paıdasyn tıgizedi. Jattyǵýǵa shamamen 15  mınýtymdy arnaımyn. Sizge de jetkilikti dep oılaımyn.

07.00-07.25. Jýyný prosesi. Qyz bolǵannan keıin sándený, árlený prosesi de bar.

07.25-07.45. Tańǵy as. Negizi tańǵy asty mindetti túrde toıyp ishý kerek eken. Tańǵy asqa ımýnıtetti kóterýde túrli túrli dárýmenderge toly jemisterdi, kómirsýǵa, aqýyzǵa baı taǵamdardy jeýge tyrysamyn. Kókenisterde paıdaly. Biraq ózime unamaıdy. Sol sebepten meniń mázirimde kókenister shamaly ǵana. Táttilerdi ózimdi erkeletken kezderde ǵana qabyldaımyn.

07.45-08.20. Kitap oqý nemese úı tapsyrmalaryn qaıtalaý. Tańerteń kitap oqyǵandy jaqsy kóremin. Derekterge súıensek, adam este saqtaý qabiletine qaraı keshten góri tańerteń aqparatty esine kóp saqtaıdy eken. Sondyqtan úı tapsyrmalaryńyzdy tańerteń qaıtalap alsańyzdar ózderińizge jaqsy. Al kitap oqýǵa keletin bolsaq, kitap adamnyń oılaý, eske saqtaý qabiletin damytady. Sondyqtan kitapty kóp oqıyq. Bilimdi bolaıyq.

08.20-08.50. Ýnıversıtetke barý. Oqýǵa qoǵamdyq kóliktermen baramyn. Keı kezderde úsh tórt aıaldamadan buryn túsip, jaıaý barýdy qalaımyn. Kitap oqý sıaqty jaıaý júrý kitap oqýdan eki ese paıdaly. Sebebi jaıaý júrý sizdiń densaýlyǵyńyzdy kóterýde óz járdemin kórsetedi.

09.00-13.00. Túski as. Ashanaǵa tamaqtanýǵa barǵanda maıly, tez jasalynatyn fast-fýd, asqazan tez qoryta almaıtyn ónimderden múldem bas tartamyn.

13.00-14.00. Úıge qaıtpastan buryn saıabaqtarda serýendegendi qatty jaqsy kóremin. Serýendegende óte paıdaly. Nege ekenin bilmeımin biraq demalys oryndarynda otyrǵanda boıyma ózinen-ózi shabyt kelgendeı bolyp óz oıyndy kúndelikke jaza bastaısyń.

14.00-16.00. Bul ýaqyt úıge berilgen tapsyrmalardy oryndaýǵa arnalady. Ózime berilgen jumysty óz ýaqytynan buryn erte tapsyrǵandy jaqsy kórgendikten bárin óz ýaqytymen bolǵanyn qalaımyn. Óz ýaqytymen júretin adammyn.

16.00-17.30. Osy ýaqyttarda Pavlodar qalasyndaǵy Jastar ortalyǵynyń eriktisi retinde kómekke muqtaj jandarǵa kómektesýge asyǵamyn, keı kezderde úıde úı sharýasymen aınalysamyn.

17.30-18.00. Keshki as ýaqyty. Saǵat 6 dan keıin tamaqtanbaımyn. Joq, dıeta emes. Negizi muny salaýatty ómir saltyn ustaný jáne durys tamaqtaný dep esepteımin.

18.00-23.00. Ózimniń hobbıimmen aınalysý. Oǵan: kitap oqýdy, mýzyka tyńdaýdy, kıno kórýdi, taza aýada serýendeýdi, sabaq karaýdy, dostarymmen birge ýaqyt ótkizýdi jatqyza alamyn.

23.00. Uıyqtaý. Ár uıyqtar aldynda erteńgi kúnimniń jaqsy ótýin qudaıdan tileımin. Jalpy ár adam orta eseppen sanaǵanda 24 saǵatynyń shamamen 6-7 saǵatyn uıqyǵa bólýi kerek eken. Sol sebepten osy ýaqytpen uıyqtaýǵa tyrysamyn.

Mine, bul meniń birkúndik stýdenttik ómirim. Basqa adamdardan, basqa stýdentterden eshqandaı aıyrmashylyǵym joq. Qarapaıym qyzbyn. Óz-ózime senimdimin, qıyndyqqa berilmeımin.

---