Uly mártebe
Búgin elý segizinshi jyldyń on ekinshi dekabrinde Moskvada qazaq kórkemóner men ádebıetiniń onkúndigi bastalmaq. Elimizdiń jasy jas ta bolsa egdelermen jarysa ósip kele jatqan kórkemóneri men ádebıeti synǵa túskeli tur. Eski qorymyz shaǵyn, Oktábrden keıin ǵana qatarǵa qosylǵan jańa túlek elmiz. Sovet jerinde jańalar ósip, eskiler óshe beretini, ár ulttyń, ár halyqtyń jasampaz qýaty arta beretini belgili. Sóz joq, biz de óstik, kúsheıdik. Biraq qaı dárejede? Osyny bilý qajet. Qazaqtyń ónerpaz uldary men qyzdary Moskvaǵa, ol arqyly jer júzine halyqtyń ıgi tabystaryn maqtana kórsetýmen qatar, budan da joǵary kóretin oılar alyp qaıtýǵa tıisti.
Búgin tańda qolymyz nege jetse, soǵan jetkizgen Moskva. Moskva degendi aldymen orys halqy, onyń danyshpan uly Lenın, lenındik Ortalyq Komıtet, kóp ulttyń ókilderinen qurylǵan Sovet úkimeti este turady. Moskva — basshy, qamqorshy, kómekshi ǵana emes, sonymen qabat ádil synshy.
Qazir qazaq halqy, búkil respýblıkamyz lúpildegen júrekpen Moskvaǵa qulaq tosýda. Qazir sovet jerinde kúlli radıo, televıdenıe, baspasóz Moskvadaǵy qazaq únin búkil dúnıege jaıýda. Qandaı qýanysh! Qandaı uly mártebe!
Mıllıondardyń bul nazaryna qazaq kórkemóneri men ádebıeti, onyń qaıratkerleri abyroıly ótkeı-aq, mereıi ústem bolǵaı-aq.
1958
You Might Also Like
-
Oktábr tańy atqaly qyryq jyl. Qyryq jylda jasalǵan jańalyqtarǵa qarasam kóz jetpeıdi, aıtýǵa sóz jetpeıdi. Jerim, elim, oıym — bári ózgergen. Ózgermegen, jańarmaǵan ne qaldy? Buǵan jaýapty i...
-
Jazýshylardyń jýyrda Kreml saraıynda ótken úshinshi sezi ádebıet jaıyn alty kún áńgime etti. Sovet elindegi, sosıalısik, kapıtalısik syrtqy elderdegi ulyly-kishili halyqtardyń báriniń derlik sezge...
