InfoHub Logo

Tárbıe saǵaty
Taqyryby: «Úlken shańyraq»
Maqsaty:
1. HH ǵasyrdyń elimizge syılaǵan basty baılyǵy Táýelsizdiktiń ońaılyqpen kelmegeni jaıynda oqýshylarǵa jete túsindirý, jas urpaq boıynda eline, jerine, ultyna degen patrıottyq sezimin oıatý. Óz elin, jerin qorǵaıtyn eljandylyq rýhta tárbıeleý.
2. Áleýmettik jaǵdaıǵa beıimdelgen adamgershiligi mol ultjandy, toleranttyq, salaýatty jeke tulǵany qalyptastyrý men damýǵa arnalǵan tárbıe salasyndaǵy zań aktilerin oryndaýǵa oqýshylardy uıymdastyrý jáne oǵan jaǵdaı jasaý.
3. Qazirgi ómirge saı beıimdelgen, boıyndaǵy bar kúsh – qýaty maqsattarǵa baǵyttalǵan, óziniń áleýmettik kásibı baǵdaryn aıqyndaýǵa ishki resýrstaryn basqara alý múmkindigi joǵary, azamattyq qundylyqtardy boıyna jınaqtalǵan álemdik básekege qabiletti jeke tulǵany qalyptastyrý.
4. Ata – anasyna, týǵan jerge, Otanǵa degen súıispenshilikterin oıatý. Adamgershilikke, bilimdilikke, eńbekqorlyqqa, adamdyqqa, adaldyqqa baýlý. Otbasy músheleriniń arasyndaǵy baýyrmaldyq, qaıyrymdylyq, dostyq qarym – qatynasty nyǵaıtý; úlkendi syılaýǵa, kishige qamqorlyq jasaýǵa, sypaıy, iltıpatty bolýǵa, óz eliniń, halqynyń qamyn oılaıtyn, ata – anasyn, jora – joldasyn syılaı biletin azamat tárbıeleýmen qatar ulttyq tárbıeni nasıhattaý; damyta oqytýǵa negizdelgen jumystar men tapsyrmalardy ata – analarmen birlese otyryp sheshý.

Mindeti:
1. Oqýshylar boıynda azamattyq, ultjandy, salaýatty ómir saltyn qalyptastyrý..
2. Jeke tulǵanyń jan – jaqty damýyna yqpal etý.
3. Ulttyq rýhanı qundylyqtardy óskeleń urpaq boıyna sińire otyryp, ózindik kózqarasy qalyptasqan, Otan isine qaltqysyz berilgen, otan súıgish, shyǵarmashyl, ózin – ózi basqara alatyn táýelsiz eldiń jeke tulǵasyn qalyptastyrý.
Sabaqtyń túri: Ózin – ózi tárbıeleý sabaǵy
Kórnekiligi: Naqyl sózder: «Otandy súıý otbasynan bastalady», «El ishi – altyn besik», «Óz elim – óleń tósegim», «Otan – eldiń anasy», sýretter, Tý, Eltańba, «Táýelsizdik tiregi – qaısar rýhy qazaqtyń!», «Táýelsizdik asosıasıasy», sújetti sýretter, qanatty sózder, Qazaqstan kartasy, syzbanusqa.
Ótkizý ádisi: Áńgimelesý, pikirtalas, óleń oqý

Sabaqtyń barysy:
Uıymdastyrýshylyq kezeń.
Kirispe bólim
1 - júrgizýshi:
- Kaıyrly kún qurmetti ustazdar, ata – analar, shákirtter! Biz búgin keremet bir ǵajaıyp álemge eńgeli otyrmyz.
- Qalaı oılaısyzdar, ol – qandaı álem? Myna taqtada jaıdarly jarqyn keń qazaq dalasynda aq otaýdy kórip otyrsyzdar. Ár otaýdyń óz shańyraǵy bolady. Ol otaýlar birigip, úlken shańyraqty túzedi.
2 - júrgizýshi: - Shańyraq degenimiz ne?
-«Úlken shańyraq» dep neni aıtamyz?
1 - júrgizýshi: Ol – Atameken, Otan.
2 - júrgizýshi: Otan degenimiz ne?
1 - júrgizýshi: Otbasy – osy Otannyń kishkentaı bólshegi.
2 - júrgizýshi: Bul shańyraqta kimder turady?
1 - júrgizýshi:
- Bir úıde, bir «Úlken shańyraqta» 140 týys birge turypty, bári ózderine júktelgen mindetti, tapsyrǵan jumysty atqaryp, tatý – tátti turypty.
Muny kórgen kórshisi kelip:
- Biz bir úıde 2 - 3 adam tatý tura almaımyz, al 140 adam qalaı tatý turasyńdar?,- depti.
- Balalar, osynyń sebebin sender ne dep oılaısyńdar?
Oqýshylar pikiri.
- Ózara túsinistik, Syılastyq, Eńbeksúıgishtik, Meıirimdilik, Qaıyrymdylyq, Bilimdilik
2 - júrgizýshi:
- Endeshe bizdiń boıymyzda qandaı da bir jaqsy qasıet bolsa ǵana, myna qasıetti «Úlken shańyraq» - Táýelsiz Qazaqstanymyzdyń bir múshesi bola alamyz.
1 - júrgizýshi:
- Qazaqstan Táýelsizdigin qashan aldy?
- 1991 jyly 16 jeltoqsanda.
2 - júrgizýshi:
- Táýelsiz elimizdiń qandaı rámizderi bar?
Tý, Eltańba, Ánurany.
1 - júrgizýshi:
- Qazaqstannyń Týy qaı kezde kóterilýshi edi?
- Jeńiske jetkende, merekede, eki el arasyndaǵy kezdesýde.
- Endeshe, ózimizdiń boıymyzdaǵy jaman ádetten arylyp.
Týymyzdy joǵary kóterip turyp, «Úlken shańyraqqa» aıaq basaıyq. (Ár oqýshy óziniń jaman minezderin, ádetin qaǵazǵa jazyp, jaǵyp jiberedi).
Patrıottyq sezimmen,
Ánuran – «Meniń Qazaqstanym»
Oı – tolǵaý:
Eki dos kezdesip, áńgime dúken qurady:
Birinshisi:
-«Uıyqtap, júz jyldan soń oıanyp, elimniń qandaı bolǵanyn kórsem ǵoı»- dedi.
Al, ekinshisi:
-«Meniń uıyqtaǵym kelmeıdi, elimniń bolashaǵyn óz qolymmen turǵyzǵym keledi»,- dedi.
1 - júrgizýshi:
- Sender osy ekeýiniń qaısysynyń jaýabyn qoldar edińder?
Oqýshylardyń pikiri:
2 - júrgizýshi:
«Úlken shańyraqtyń» eń basty qundylyǵy – Táýelsizdik. Táýelsizdikke qan tógissiz, beıbit túrde qol jetkizip, elimiz álemniń órkenıetti memleketteriniń qataryna qosyldy. 20 jyl ishinde Táýelsiz Qazaq eli qalyptasyp, naryqtyń qıyn ótkelderinen aman ótti. Táýelsizdiktiń 20 jyly tarıhta óz erekshelikterimen este qaldy. Bizdiń osy «Úlken shańyraǵymyzda» bolǵan ataýly jetistikter men shejiresin maqtanyshpen atap óteıik: