InfoHub Logo

Toqsan joldyń torabyndaı tarıhy bar elimizdiń, tuǵyrly táýelsizdiktiń altyn besiginde terbelip kele jatqanyna bıyl otyz jyl tolyp otyr. Atanyń qanymen, ananyń jasymen kelgen táýelsizdik jyldarynda elimizdiń irgetasyn qalap, bolashaqqa degen nyq senimmen adymdaı alatyndaı memleket qurý biz úshin jaýapty kezeń boldy. Otyz jylda el tanymastaı bolyp ózgergen elimiz – qazirgi tańda álemniń úzdik memleketteriniń qataryn tolyqtyryp, kemeldengen memleket retinde kórinis berip tur. Árıne, qazaqtyń bir-birine demeý bolǵan boıyndaǵy asyl qasıetteri men Elbasymyzdyń syndarly saıasaty arqasynda táýelsizdik jyldarynda osyndaı jetistikterge jete aldyq.
Búginde Qazaqstan tolyǵymen ózgerdi. Jalpy, ekonomıkada, bıznes salasynda, ulttyq qaýipsizdik, shet memlekettermen baılanys barlyǵy joǵarǵy deńgeıge jetti. 2012 jyly elimiz básekege qabiletti 50 memleket kataryna kirse, 2015 jyly 30 qarashada Dúnıejúzilik saýda uıymynyń tolyqqandy múshesi boldy. Al, 2017 jyly Qazaqstan TMD memleketteri arasynda eń alǵashky bolyp halykaralyk «EKSPO-2017» kórmesin ótkizdi. Sol arqyly damyp kele jatkan elimizdiń mol múmkindigin álem jurtshylyǵyna pash etti!

Táýelsizdik biz úshin erkindik sózimen para-par. Múmkin, keıbir jandar úshin bul eki sóz de birdeı maǵynaǵa ıe bolar?! Táýelsiz kún dep qara túneksiz ashyq aspan men sol kógimizde jelbiregen týdy aıtar edik. Al erkindik uǵymyna  sol kók tý astynda bas qosqan halyqtyń óz atamekeninde qoıan-qoltyq ómir súrip, óz oılaryn erkin jetkize alýyn, ár kezde ózi qalaǵan tusqa at shaptyryp, qalaǵan maqsattaryna qol jetkize alar múmkindigi bolýyn jatqyzamyz.Osy eki uǵymdy qazaq atty halyqqa ýyzǵa jarytqandaı etip tattyrý erkindik jolyndaǵy kúres júrgizgen batyr babalardyń ańsaǵan armany edi. Al búginde elimizdiń eshkimge darymas erekshe sıpaty, ózindik baı tarıhy, syr sherter dalasy men uly tulǵalary, túrki mádenıeti men órkenıetiniń jarqyn kórinisimen búgingideı qalyptasqan ózgeshe órkenıeti jáne aýyz toltyryp aıtarlyqtaı jekten jetistikteri bar. Elimizdiń endigi maqsaty keleshek jolynda janyn qurban etken bozdaqtardyń aldynda jaýapkershilikti seziný arqyly elimizdi bıik belesterge jeteleý. Táýelsizdiktiń týyn odan ary joǵary ustap, elimizdi aldaǵy kezeńde tuǵyrynan taıdyrmaý – bozdaqtardyń janyn qıǵan erlikterine arnaǵan alǵysymyzdyń eń baǵalysy bolmaq!

QazUÝ-dyń jýrnalısıka fakúltetiniń 1-kýrs stýdentteri:
Turǵanbek Baǵlan
Telıbaeva Altynaı
Pavlık Oljas
Qydyrǵazyqyzy Arýjan
Saǵatbek Danıa
Turaqqazy Aqqý
Tileshan Arýjan

Jetekshisi: Kýdaıbergenov S. E.

---