Májilismen: Qazaqstanda estý qabileti shekteýli múgedekter magıstratýraǵa nege túse almaıdy
Parlament Májilisiniń jalpy otyrysynda májilismen Irına Smırnova estý qabileti nashar adamdardyń ómirin jaqsartý baǵytynda usynys bildirdi.
«Búgingi tańda Qazaqstandaǵy birde-bir JOO-da nemese kolejinde ym tiliniń mamandary joqtyń qasy. Bul jaǵdaı (múmkindigi shekteýli jandardyń - avt.) orta jáne joǵary bilim alýda aıtarlyqtaı kedergi bolyp tur. Sonymen birge, atalǵan ahýal múgedekterdiń quqyǵy boıynsha BUU Konvensıasyna qarama-qaıshy. Estý qabiletinde kemshiligi bar bir ǵana múgedek belgili bir JOO-da oqıtyn bolsa, onda ol oqý ornynda ym tilin meńgergen maman bolýy kerek. UBT tapsyrǵanda ym tiliniń aýdarmashylary qarastyrylmaǵan. Demek, estý boıynsha múgedektigi bar abıtýrıentter tolyq aqparat ala almaı otyr», - deıdi Irına Smırnova QR Bilim jáne ǵylym mınıstri Erlan Saǵadıevke depýtattyq saýal joldaı otyryp.
Depýtat Qazaqstanda búgingi tańda ym tilin meńgergen aýdarmashy mamandardy daıarlaıtyn birde-bir JOO joǵyn alǵa tartty.
«Estý qabileti boıynsha múgedekterdi magıstratýraǵa qabyldaý qarastyrylmaǵan. Sebebi, shet tili boıynsha emtıhanda aýdıojazbadan estiletin mátin boıynsha jumys isteýge mindetteledi. Al estý qabileti nashar múgedekterge ol emtıhannan ótý joldary qarastyrylmaǵan. Bul kemsitýshilik sekildi. Sondyqtan, aýdıomátinderdi jazbasha túrge aýystyrǵan abzal. Osy máselelerdiń barlyǵy belgili bir sheshimdi talap etedi», - deıdi Irına Smırnova.
QazAqparat
You Might Also Like
-
QR Bilim jáne ǵylym mınıstrligi jańa attestasıalaý júıesin engizýge baılanysty, muǵalimder jalaqysyna ústeme qosý tártibin túsindirip berdi.
-
Dúnıedegi mamandyq ataýlynyń tóresi - ustazdyq, demekshi, shákirt boıyna erekshe ynta-jigerdi, shyǵarmashylyq qabiletin shyńdaýǵa daǵdylandyryp kele jatqan ulaǵatty da úlgili ustazym Tólegenova Meıramkúl...
