InfoHub Logo

Aqan seri Qulageri ólip, qaıǵynyń qamaýynda kele jatqan ýaqytynda óz eliniń halqy taıly-taıaǵymen Qylyshpaı aýlyna kelip tosqan eken. Halqy kelip, Qylyshpaı aýylyna túsip, qoı soıdyryp, as daıyndatyp otyrǵanda, «Aqan seri kelip qaldy» degen habar esitilip, sonda eliniń ıgi jaqsylary aldynan shyǵyp, taǵam daıyndalyp jatqan úıge ákelip, kóńil aıtqan eken.

Sonda úı ıesi, el adamy Qylyshpaı Aqanǵa bylaı dep sóz bastaǵan eken:

—Ýa, Aqanym, seniń Qulagerińniń osy joly óletin reti keldi. Óıtkeni sen toıǵa bara jatqanda qasıetti Qylyshpaı aýylyna kelip, dám tatpaı kettińder, syrttan óte bardyńdar,—dep sóz bastapty.

Qylyshpaıdyń tabalaǵan sózin estigen Aqan seri otyrǵan ornynan ushyp túregelip, Qylyshpaıǵa qarap:

—Eı, Qylyshpaı, durys aıtasyń. Ol zamanda Paıǵambardyń kúıeýi, Allanyń Arystany Ǵaziret Ǵalynyń Dúldúli topǵa shaýyp, orǵa qulap ólgen desedi. Dúldúl de sizdiń elden dám tatpaǵan soń óldi me?—degen eken.

Sonda keketken Qylyshpaı aýyzyna qum quıylǵandaı ún joq, Aqannan tosylyp otyryp qalǵan eken. Orta joldan osylaı qamyqqan Aqan seri qapalanyp, eline baryp, qoldan kelgen ómirin jasaı berdi dep aıtady úlken adamdar.

---