InfoHub Logo

«Ustazdyq etken jalyqpas, úıretýden balaǵa» - degen emes pe?! Ia, ustazdar jaıly áńgime aıtylǵanda, eń birinshi Murat aǵaı oıyma oralady. Iaǵnı, tarıh pániniń muǵalimi Áshkeev Murat Jamanuly. Biz ol kisiniń sabaǵyn asyǵa kútip, qyzyǵa tyńdaıtynbyz. Óıtkeni, ár sabaǵynda sonaý tarıhtyń tereńinen áńgime qozǵap, mysal keltire otyryp, bizdiń kóńilimizdi ózine aýdaryp alatyn. Sodan soń jańa sabaqty óte bastaıtyn. Sabaq barysyn túsindire júrip, ár oqýshynyń qas-qabaǵyn baqylap, oıyn oqyp otyratyn.

«Ustaz tanymdy bolsa, shákirt bilimdi,

Ustaz talapshyl bolsa, shákirt uǵymdy» bolmaq demeı me. Keıbir kezderi ol sabaq ústinde ómir jaıly áńgimeler qozǵap, aqyn-jazýshylar ómirinen estelikter aıtatyn. Aldaǵy bolashaq ómirimizde bayt-baǵdar berip otyratyn. Bizdiń pikir-keńesterimizdi tyńdaıtyn. Sol kezderi ol bizdi ózimen qatar adamdaı ustap, óz oıymyzdy qysylmaı erkin de ashyq jetkizýge úıretken eken. Shákirtteriniń shynaıy kóńili men balań qıaldaryn tyńdap, máz bolatyn. Meniń oıymsha, ustaz – kirpishtiń qalyby, shákirt – sol qalyptan shyqqan kirpish bolsa kerek. «Qalybyna qaraı kirpishi» - degen sóz osyǵan oraı aıtylǵandaı.

Bul kúnde árqaısysymyz ár mamandyq ıesi atanyp, ár salada qyzmet jasaımyz. Ómirden óz ornymyzdy taýyp, ózimizdi tanyta bilsek, ol Murat aǵaı sekildi ulaǵatty ustazdarymyzdyń arqasy dep bilemin. Sizderge myń alǵys, qurmetti ustazdar!

---