InfoHub Logo

Ústel tenısi (Pıng-Pong) – belgili ǵımarat ishinde, arnaıy oıyn ústelinde arnaıy raketkamen oınalatyn, shapshańdyqqa baǵyttalǵan sport túri.

Ústel tenısi árqashan jyldamdyqqa baǵyttalǵan qatal saıys ekeni ras. Alǵashynda XIX ǵasyrda ony tústen keıingi oıyn retinde ermek qylǵan. 

Oıynshylar as ústeliniń ústine tordyń ornyna kitaptardy qoıyp, shylymnyń qorabymen shampannyń tyǵynyn soǵyp oınaǵan.

Óz basym ústel tenısin adamzattyń oılap tapqan úlken jetistigi dep esepteımin.Jáne de qazirgi tańda jasqa da , kári ge paıdasy bolmasa zıany joq taptyrmas sporttyń bir túri der edim.

Sizdermen dál osy sport túriniń paıdasy jaıly qysqasha bólise ketsem:

Ústel tenısin oınaý qol-kóz koordınasıasyn jaqsartady, aqyl-oıdy sergitedi, konsentrasıa men taktıkalyq strategıany damytady. Bul degenimiz kúni boıy kompúter aldynda otyratyn keńse qyzmetkerleri úshin taptyrmas sport degen sóz. Máselen, kompúter aldynda kóp otyratyn adamdar kózge arnalǵan gımnastıka jasaýdy ádetke aınaldyrǵany abzal. Al ústel tenısin oınaǵanda shapshań qozǵalǵan dopty kórý úshin kóz qarashyqtary eriksiz qozǵalatyny aıtpasa da túsinikti. Al munymyz, óz kezeginde, kózderimiz úshin  keremet gımnastıka.

Refleksterdi damytady, ıaǵnı dene qozǵalysy shapshańdyǵyn arttyrady.  Sebebi oıynnyń sıpaty shapshań yrǵaqty, qysqa qashyqtyqty bolǵandyqtan iri ári usaq bulshyq etterdiń qozǵalysy jaqsarady.

Bul keremet sport túriniń joǵaryda tizbektelgen paıdaly jaqtarymen qosa bul sport túrimen ár adam óziniń ǵumyryńnyń aıaǵyna deıin shuǵyldana alady, qysta da, jazda da, ǵımarat ishinde kez kelgen aýa raıy jaǵdaılarynda oınaǵa bolady, jaraqat yqtımaldylyǵy joqqa taqaý sport ekendigin aıtsaq, ústel tenısiniń mańyzy odan saıyn arta túsetini sózsiz.

Bizdiń oıymyzsha, osyndaı paıdasy mol sport túrin nege buqaralyq sportqa aınaldyrmasqa? Solaı jasaýdyń joldaryn nege qarastyrmasqa?

Shyndyǵyna kelsek, ústel tenısi keńinen nasıxattaýǵa laıyq sport túri.

Ol úshin ústel tenısin oınaýǵa qyzyǵatyndar sanyn arttyryp, tenıs ústelderin kóptep ornalastyrý kerek. Ol asa qıynǵa soqpas. Sebebi, ústel tenısiniń erejeleri asa kúrdeli emes, úırenýge ońaı, ınternette úırenem deýshilerge arnalǵan beıne materıaldar kóptep kezdesedi.

Salaýatty ómir saltyn basymdyqtarynyń biri etip belgilegen elimizdi órge súıreıtin ústel tenısi sheberleri shyqpasa da, sondaı sheberlerdiń ata-analary shyǵyp qalar degen úmittemiz.

Abylaı han atyndaǵy halyqaralyq qatynastar jáne álem tilderi ýnıversıtetiniń 2-kýrs stýdenti Anar Bolatxan

---