InfoHub Logo

Dúkendegi maıonezdiń zıandy jaqtary týraly kóptegen maqalalardan keıin, bul tuzdyqty salaýatty ómir saltyn ustanatyn adamnyń qas jaýy dep qabyldaý ońaı. Satyp alynatyn maıonezdiń óndiris tehnologıasy men reseptýrasy ǵana zıan keltirýi múmkin, al úı jaǵdaıynda jasalǵan bul soýs burynǵysha qoıý, tańdaýly jáne adam ómiri úshin qaýipsiz bolyp qala beredi.

Biz osy maqalamyzda minsiz úı maıonezin – maıly ári úlpildek maıonezdi ázirleýdiń qupıasymen bólispekpiz.

Úı jaǵdaıynda minsiz maıonezdi qalaı ázirleý kerek: keńester men eskertýler

1. Tehnıkany tańdap alyp, barlyq faktorlardy eskerińiz

Kóptegen adamdar úı maıonezin kásibı blenderler men mıkserleri bolmaǵandyqtan shaıqaýǵa qorqady. Árıne, tehnıkalardy qoldaný arqyly daıyndyqqa jumsalatyn ýaqytty qysqartýǵa bolady, alaıda qarapaıym as bulǵaýyshy (venchık) bul isti oıdaǵydaı atqarady.

Bul sizderge ersi estilýi múmkin, alaıda kásipqoılar maıonezdi ylǵaldy, dymqyl aýa raıy kezinde daıyndaýǵa bolmaıdy dep keńes beredi. Ylǵaldyń jáne temperatýranyń joǵary bolýy soýsty «aýyrlatady», sondyqtan ony shaıqaý qıynǵa soǵady.

2. Maıdy tańdap alyńyz

Extra Virgin sanatyndaǵy záıtún maıyn - barlyq taǵamǵa arnalǵan eń tańdaýly maı dep esepteý qate pikir. Shyndyǵynda, ol maıonezge arnalmaǵan, sondyqtan onyń ornyna qarapaıym záıtún maıyn qoldanǵan durys nemese ony basqa da maılarmen – júgeri, júzim, jańǵaq nemese kúnde tutynatyn kúnbaǵys maıymen 1-ge 1 qatynasynda aralastyrý kerek.

Sondaı-aq, tazartylmaǵan maı da úı maıonezin ázirleýge jaramsyz, sebebi ol tazartylǵan maıdan da qatty qoıýlatady – al ondaı tuzdyq tez qabattalady.

3. Mólsherlestigin naqtylap, qyshqyldandyrǵyshty tańdap alyńyz

Kelesi mólsherlemege qulaq túrińiz: 1 staqan maıǵa 1 jumyrtqa sarysyn salý kerek, ár staqandaǵy tuzdyqqa 1 as qasyq qyshqyldandyrǵysh qosylý tıis. Eger siz lımon shyrynynyń ornyna sirke sýyn paıdalansańyz, onyń sapasyna nazar aýdaryńyz. Bul maqsatta aq sharap sirke sýyn qoldanǵan jón – ol maıonezge názik ári tańdamaly dám beredi.

4. Jumyrtqany daıyndańyz

Barlyq ıngredıentter úı temperatýrasynda bolýy tıis, sondyqtan aldyn ala josparlap, jumyrtqany kem degende ázirleýden 30 mınýt buryn tońazytqyshtan shyǵaryp qoıyńyz. Dámi qanyq bolýy úshin tek jumyrtqanyń sarysyn qoldanyńyz.

5. Tuzdy durys qosyńyz

Eger siz maıonezge tuz qosqyńyz kelse, ony shaıqaǵannan keıin jumyrtqanyń sarysy salqyndaǵanda isteý kerek, óıtpegen jaǵdaıda tuzdyq qatparlanyp ketedi. Tuzdy jumyrtqanyń sarysyna bólek qosyp, keıin ony maıǵa qossa, tipti keremet bolyp shyǵady. Aıta ketken jón, kaıen buryshy men bir shymshym qyshany qosý arqyly qatparlanýdyń aldyn alýǵa bolady.

6. Tuzdyqtyń qoıýlyǵy men qunarlylyǵyn tekserý kerek

Maıonezdiń qunarlylyǵyn azaıtý úshin, ony tabıǵı ıogýrtpen 1-de 1 mólsherindeı aralastyrý qajet – bul nusqa salatqa qosý úshin tıimdi bolmaq. Eger tuzdyq tym qoıý bolsa, oǵan kilegeı nemese jyly sý qosýǵa keńes beremiz.

7. Shyǵarmashylyqtan qoryqpańyz

Túrli dámdeýishter men shópter qosyp, tájirıbe jasap kórińiz: úı maıonezi sarymsaqpen, kókshóptermen, pıazben, chılı buryshymen, karrı, aqjelken, lımon qabyǵymen, keptirilgen qyzanaq jáne kógildir irimshik untaǵymen de jaqsy úılesim tabady.

Úı maıoneziniń bazalyq resepti

Teorıadan praktıkaǵa: ózińizdiń jeke qoıý maıonezińizdi ázirlep, ony salatqa qosyńyz nemese sendvıch, taýyq eti, balyq jáne sorpalarǵa tuzdyq retinde paıdalanyńyz.

Ingredıentter:

1 staqan tazartylǵan ósimdik maıy

1 dana jumyrtqanyń sarysy nemese jumyrtqanyń ózi

1 as qasyq lımon shyryny nemese aq sharap sirke sýy

Dámine qaraı tuz, burysh

Talǵamyńyzǵa qaraı sý

Daıyndaý ádisi:

Bólme temperatýrasyndaǵy jumyrtqanyń sarysyna dámine qaraı tuz qosyńyz. Keıin jumyrtqa qospasyna qyshqyldandyrǵysh qosyp, bólek ydysta aralastyryńyz.

Keıin baıaý ǵana jumyrtqa qospasyn as bulǵaýyshpen nemese blendermen aralastyra otyryp, maıdy quıyńyz. Eger maıonez qatty qoıý bolyp kórinse, oǵan shamaly jyly sý (bir qosqanda 1 sháı qasyqtan kóp bolmaý kerek) qosýyńyzǵa bolady.

Úlpildek jáne qoıý bolǵanǵa deıin maıdy quıyp, qospany shaıqańyz – úı maıonezi daıyn!

---