Agrarlyq ýnıversıtterdiń túlekteri mindetti túrde aýylda jumys isteıdi - alqa májilisi
Endi aýyl sharýashylyǵy mamandyqtary boıynsha bilim alǵandar mindetti túrde aýyldaǵy jumystarǵa baǵyttalýy múmkin. Bul týraly QR Aýyl sharýashylyǵy mınıstrliginiń keńeıtilgen alqa májilisinde málim boldy.
«Aýyldyq kvotanyń memlekettik tapsyrysy aıasynda aýyl sharýashylyǵy mamandyqtary boıynsha oqıtyndardyń úlesin 30-dan 70 paıyzǵa deıin ulǵaıtý qajet», - dep toqtaldy Aýyl sharýashylyǵy birinshi vıse-mınıstri Arman Evnıev.
Osy oraıda ol qazirgi kezdegi qalalyq jastar agrarlyq mamandyqtar boıynsha bilim alsa da, keıinnen shaharda jumys isteýge qalýǵa barynsha tyrysatynyn atap ótti.
«Aýylǵa barǵylary kelmeıdi. Endi bul jaǵdaıdy ózgertý kerek. Aýyl sharýashylyǵy mamandyqtary boıynsha 70 paıyz granttardy agrarlyq JOO-larda ornalastyrý usynylady», - dedi birinshi vıse-mınıstr.
Budan bólek ol arnaıy orta bilim boıynsha ákimdikterdiń memtapsyrystaryn qaıta qarastyrýdy usyndy.
«Bul baǵytta da úılespeýshilik baıqalýda. Aýyl sharýashylyǵy mamandyqtary boıynsha grantpen bilim alǵan túlekterdiń aýyldyq jerde úsh jyldyq mindetti jumysyn óteýin engizý josparlanǵan», - dedi Arman Evnıev.
QazAqarat
You Might Also Like
-
Dúkendegi maıonezdiń zıandy jaqtary týraly kóptegen maqalalardan keıin, bul tuzdyqty salaýatty ómir saltyn ustanatyn adamnyń qas jaýy dep qabyldaý ońaı. Satyp alynatyn maıonezdiń óndiris tehnologıa...
-
Bala mindetti túrde óz-ózin joǵary baǵalaı alýy kerek. Áıtpese, ol ózine senimsiz, baqytsyz tulǵa bolyp ósip shyǵady. Ózin-ózi baǵalaý týraly túsinikti jaqsy bilmeıtin ata-analardyń ózi osylaı oılaı...
