InfoHub Logo

Kúndelikti úı jınaý — demalys kúnniń qundy ýaqytyn bólýge qıa bergiń kelmeıtin turmystyń jaǵymsyzdaý mindeti.
Úı jınaý kóp ýaqytyńyzdy almas úshin Bilim-all.kz sizderge 13 ıntererlik qýlyqty jınady.

1. Monolıttik jýý

As úıde jıhaz betteri, sonymen qatar jýǵysh barynsha monolıtti bolǵany durys. Osylaısha sańylaýlarǵa qoqym kirip ketpeıdi.

 

2. Tegis eden

Eden beti tep-tegis jáne barlyq taqtaılar bir-birine tyǵyz ornalasqan bolsa, ony jýyp, jınaý áldeqaıda jeńildeıdi. Qıylǵan taqtaılar men tegis taqtaılar arasynda tańdaý bolsa, týra janaspalysyn tańdaǵan jón bolar. Qıǵashtalǵan jıegi bar parket nemese lamınat tańdaı otyra biz úı jınaýǵa kóbirek ýaqyt bólemiz, sebebi edenniń sańylaýlarynan usaq qylshyqtar men shańdy jınaýǵa májbúr bolamyz.

 

3. Japsarsyz plıtka

Japsarsyz plıtkanyń dástúrliden basty ereksheligi, jıeginde qıyqtardyń bolmaýy. Barlyq elementter birtutas jabyndy bolyp, bir-birine tyǵyz janasqan, sondyqtan olardyń betinen shań-tozańdy súrtý ońaı. Plıtkalar arasyndaǵy tigister barynsha jińishke bolǵandyqtan, arasyndaǵy sylaýǵa shań men kir az qonady.

 

4. Bir reńkke qoıýlaý sylaý

Edenge arnalǵan plıtkanyń sylaýyn plıtkanyń eń qoıý bolǵan bóliginiń tusynan bir reńkke qoıýlaý etý kerek. Sylaý, ásirese sement sylaý bolsa ózine kóp kir juqtyrady, sol sebepti ol ashyq tigisterde qatty kórinedi.

 

5. Sur eden

Úıde jınalǵan shań ortasha sur tústi, sondyqtan ol qara nemese aq edende jaqsy kórinedi. Sur edende shań onsha kórinbeıtin bolady. Bul tazalaýdy qajet etse de, taza úı ıllúzıasyn jasaýǵa múmkindik beredi.

 

6. Kilemderden bas tartý

Kilemder — shań-tozańdy tartatyn naǵyz magnıtter, jáne túgi uzyn bolǵan saıyn, ony tazalaý da qıynǵa soǵady.

 

7. Usaq sýretteri bar túsqaǵazdar

Usaq sýretter nazardy ózine aýdartyp, betindegi daqtardy jasyryp turady.

 

8. Balaýyzdy boıaý

Boıaý quramyndaǵy balaýyz qabyrǵa betinde kirdi sińirmeıtin qorǵanysh qabatyn túzedi. Eger qabyrǵalar kirlese, olardy jaı ǵana súrte salýǵa bolady.

 

9. Tegis tóbe

Jaryq túsirip turatyn kúrdeli kópdeńgeıli tóbe — shań-tozańnyń naǵyz jınalatyn orny. Tegis tóbe tańdap, qol jetpeıtin qýystardy qalaı tazalaımyz degen ýaıymnan qutylamyz.

 

10. Bos keńistikter

Usaq kádesyılar, músinder, oıynshyqtardy barlyq ashyq jerlerden shkaftarǵa, shań jınamaıtyn jerlerge salyp tastaımyz. Bul úı jınaýdy eki ese qysqartady.

 

11. Kiriktirme jıhaz

Shkaftar, ásirese as úıdegi shkaftar qabyrǵalarǵa ǵana emes, tóbege de japsarlasyp turýy qajet. Sonda garnıtýrdyń qol jetpeıtin tóbesinde shań jınalmaıdy. Sonymen qatar, bul jerlerge qajet emes vazalar nemese bankalardy qoıýdan ózimizdi shekteımiz.

 

12. İrgesi bar shkaftar

Jıhazdyń aıaqtarynyń aınalasynda shań jınalady. Shkaftyń astyńǵy alys buryshtaryna jete almaı qınalmas úshin aıaqtaryn jaýyp turatyn irgesi bar shkaftardy tańdańyz.

 

13. Jıegi joq aspaly ýnıtaz

Ýnıtazdyń jıeginde jınalatyn bakterıalardan arylý úshin jaı ǵana aspaly ýnıtaz qoıý kerek. Sonymen qatar, aspaly modelder úı jınaý ýaqytyn qysqartady: astyn shvabramen súrtip alsa jetkilikti.

Al siz úı jınaǵanda qandaı qýlyqtardy qoldanasyz? Pikirlerińizdi kútemiz.

---