InfoHub Logo

Qazir áleýmettik jelilerden jalpy aınalamyzdan baıqaǵanymyz, keıbir adamdarǵa qarap ishimiz ashıdy. Olar uıalmaıtyn nárseden uıalady, al uıalatyn nárseden uıalmaıdy. Qarap tursańyz, túsiniksiz. Aıtalyq, keıbireýler sportpen aınalyssa, kitap oqysa, bireýge kómektesse, jaqsy is-sharalarǵa qatyssa, kópshilik adamǵa paıdasyn beretin jaqsy sózderdi áleýmettik jelide aıtýǵa, osy sekildi nárselerdi aınalasyna jarıalaýǵa uıalady, yńǵaısyzdanady. Qaıta bundaı is-áreketterińdi qýana aınalańa jarıalaǵan durys emes pe?!

Kerisinshe, adamdy yńǵaısyz nemese uıatty nárse qylyp kórsetetin nárselerdi áleýmettik jelilerde jarysa jarıalaıdy. Máselen, kompúterlik oıyndardy túnnen azanǵa deıin jalǵastyrý, kalán tartqanyn áleýmettik jelilerge júkteý, tipti ashyqtan ashyq boqaýyz sózderdi jurttyń aldynda aıta berýdi de ádetke aınaldyrdyq. Túngi klbýtarda istegen isterin kórsetý, taǵysyn taǵylardy jasyrýǵa emes, kórsetýge tyrysady.

Oılana kele zaman jastardy solaı uıatty nárselerdi jarıalaýǵa qumar, al jaqsy nárselerin jarıalaýǵa uıatty qylyp kórsetý dárejesine apara jatyr ma dep oılanyp, alańdap ta qalamyz.

Durysy, aınalamyzǵa tek jaqsy isterimizdi kórseteıik, uıatty isterimizdi barynsha jasyra bileıik jáne ondaı isterden aıyǵý joldaryna boılaıyq.

Qudaıdan qoryq, adamnan uıal.

Abaı

---