InfoHub Logo

Uıaly telefonnyń paıda bolýy adamzattyń sońǵy jarty ǵasyrda jetken keremet jetistikteriniń biri. Basqa eshbir ónertabys bizdiń turmysymyzǵa dál bulaı qatty áser ete almaıdy jáne budan jyldam taramaıdy. Búgin biz sizderge ınjenerlerdiń jasap bergen osy bir ǵajaıyp ónertabysyna baılanysty qyzyqty derekterdi áńgimeleımiz.

— 1 —

«Smartfon» termıni tuńǵysh ret Ericsson kompanıasynyń 2000 jyly Ericsson R380s jańa telefonyn jarnamalaý kezinde shyqqan. Qurylǵy Symbian OS v5.1 basqarýynda jumys istedi jáne ashyp-jabylatyn qaqpaǵy bar monohrom sensor ekrany bolǵan.

— 2 —

Qazirgi zamannyń qaısybir smartfonnyń, onyń ishinde sizdiń smartfonyńyzdyń múmkindigi  NASA-nyń «Apolon» baǵdarlamasynyń aıasynda adamdy Aı betine qondyrýǵa qatysty esepteýleri men basqarýyna qajetti múmkindigi bar barlyq kompúterdiń qýatynan asyp túsedi.

— 3 —

Japonıada telefondardyń 90 paıyzy sý ótpeıtin korpýsymen shyǵady, sebebi japon jastary jýyný bólmesine kirerde de uıaly telefonyn tastamaıdy.

— 4 —

Uıaly telefondy joǵaltyp alamyn dep nemese baılanystan úzilemin dep qorqý nomofobıa dep atalady. Bul termın 2010 jyly qoldanýshylardyń uıaly baılanysqa degen ádetterine arnalǵan zertteýde paıda boldy. Saýalnamaǵa qatysqandardyń jartysyna jýyǵy uıaly telefonyn joǵaltsa, qýaty bite bastasa nemese balansta qarajat joq bolsa, tipti bolmasa baılanysqa shyqpaı tursa ýaıymdaıtynyn moıyndaǵan.

— 5 —

Álemde eń tabysty telefon Nokia 1101. 2003 jyly shyqqan sátten bastap 250 mıllıon qurylǵy satyldy, bul uıaly telefondar ishinde ǵana emes, jalpy elektrondy gadjetter arasynda da rekord sanalady. Qazirgi tańda bul model óndirilmeıdi.

— 6 —

2013 jyly BUU-nyń jarıalanǵan baıandamasyna sáıkes, uıaly telefondy qoldanýshylardyń sany dárethanasy bar adamdarǵa qaraǵanda kóbirek eken. Jeti mıllıard adamnyń alty mıllıardy uıaly telefon ustaıdy, tek 4,5 mıllıard adam ǵana sanıtarlyq-gıgıenalyq jaǵdaıda ómir súredi.

— 7 —

Uıaly telefondy laqtyrý - Fınlándıa, Belgıa jáne taǵy keıbir elderde keń taralǵan sport túri sanalady. 2014 jyly ótkizilgen kezekti álem chempıonatynda osy sport túrinen álem rekordy jańartyldy - 110,42 metr.

---