InfoHub Logo

Eger kezekti úıdiń tolyqtaı tazalyq sharýasy jaıly oıdan jasqanyp tursańyz, osy keńesti qoldanyp kórińiz.

Máselniń negizi

Úı jınaýdan keıingi tazalyq uzaqtyǵy kópke sozylmaıtynyn moıyndaıtyn shyǵarsyz. Erte me, kesh pe báribir sizge zattardy ornyna qoıyp, qajetsizderinen arylyp, shashylǵan jerdi qaıta jınaýǵa týra keledi. Alaıda, sheshimi bar.

Úıińizdegi qajetsiz bir zattan arylyp otyrýdy kúndelikti ádetke aınaldyryńyz.

Bul synǵan nemese buzylǵan maıda-shúıde zat bolýy múmkin. Basqasha aıtqanda, páterdiń keskinin ketirip, kórer kózge túrpideı tıetin zat.

Bul tazalyq sizdiń kúndelikti bar bolǵany birer mınýtyńyzdy alady. Dese de, atalǵan ádis sizdiń páterińizdi uzaq ýaqyt boıyna tazalyqta ustap turady.

Bul ádisti qalaı qoldaný kerek?

1. Ýaqytty anyqtańyz

Ádistiń tıimdiligin tekserý úshin, bir aı boıyna úzdiksiz jasap turyńyz. Umytyp ketpeý úshin kishkene qaǵazǵa jazyp, ózińizge kórinetin jerge jabystyryp qoıyńyz.

Alaıda, osy ýaqyt aralyǵynda búkil páterdiń tazalyq jumysyna kirisip ketip júrmeńiz. Eń aldymen, nátıjege nazar salyńyz.

2. Bar nazaryńyzdy bir oryn nemese bólmege baǵyttańyz

Páterińizde janyna jaqyndaýǵa júregińiz daýalamaıtyn, aýzy murnynan shyǵýǵa aınalǵan sóre bar ma? Sodan bastańyz. Kúndelikti bir zatty bolsa da rettep otyrý qyrýar eńbekti talap etpesi anyq. Sóre retke kelgende ǵana basqa jerdi jınaýǵa kirisińiz.

3. Qaıyrymdylyqpen aınalysyńyz

Eger sizde jaqsy kúıdegi, biraq, qajetsiz zattar bolsa, ony bólek sómkege salyp, jınap qoıyńyz. Múmkin, ol áldekimge qajet bolyp qalar. Osylaısha, siz úıdi ǵana tazalap qoımaı, muqtaj jandarǵa qol ushyn soza alasyz.

4. Qajettilikterdi qarastyrý

Bul ádistiń kómegimen siz aldaǵy ýaqytta qandaı zattardy satyp alýdan aýlaq bolýyńyz qajet ekenin túsinesiz. Bir tıpti kıim men bir pishindi as úı zattarynan arylyp jatqanyńyzdy baıqasańyz, kelesi joly olardy qaıta satyp alýǵa yntańyz bolmaýy múmkin.

5. Ózińizdi shektemeńiz

Laqtyratyn (berip nemese satyp jiberýge de bolady) zattaryńyz kóp bolyp ketse, ózińizdi shektemeńiz. Osylaısha, siz maqsatqa bir adym jaqyndaı túsesiz.

6. Alǵan betińizden taımańyz

Eger siz kereksiz zattardy tastamasańyz, úıde qaıtadan kúl-qoqys kóbeıe bastaıdy. Osyny umytpańyz.

bilim-all.kz, Nazerke Ásetova

Oqýǵa keńes beremiz:

Tazalyqqa arnalǵan 9 amal

Biz eskere bermeıtin eń las 10 zat

Úı jınaýdy jeńildetetin 13 ıntererlik qýlyq

Sońǵy tazalyq: tazalyq júrgizýdiń shvesıalyq jańa ádisi

Úıdi tap-taza ustaýdyń 12 ádisi

Páterdegi eń las 5 jer

Úıdiń shashylmaýyn qamtamasyz etetin 7 ádet

---